மு ன்னேற்றக் கழகத்தின் வீரனடி!.. எங்கள்

முத்தமிழ் அறிஞரின் பேரனடி!

பன்னாள் இலட்சியப் பயிற்சியடி!.. இதோ!

பாய்ந்தது புலிக்குட்டி!பதினாறடி!

வெல்லும் திறல்கொண்ட சொல்லழுத்தம்!.. முத்து

வேல்கரு ணாநிதிக் கொள்கைரத்தம்!

நெல்லுக்கும் புல்லுக்கும் நேரில்யுத்தம்!.. "உதய

நிதி"க்குநம் தமிழன்னை அன்புமுத்தம்!

நின்று முழங்கிய வீறுணர்ச்சி!..நெஞ்சில்

நேர்மைத் திறம்கொண்ட பேரெழுச்சி!

மன்றில் உரையல்ல! வாள்சுழற்சி!.. அங்கு

மவுனிகள் வேடத்தில் ஆளும்கட்சி!

முஸ்லீம், கிறிஸ்தவர், இந்துக்குடி.. மக்கள்

மூளைக்குள் ளும்,திரை மோகமடி!

"புஷ்பா" திரைப்படச் சாட்டைஅடி!.. அறப்

போரில் இனிஇவன் வேட்டையடி!

பீடு மிகும்இளந் தமிழனடி!.. சட்டப்

பேரவை எதிர்க்கட்சித் தலைவனடி!

சூடும் தமிழ்நிலம் நாளையடி!.. இவன்

தோள்களி லே,புகழ் மாலையடி!