தொடக்­கம் : 10.8.1942 – முரசு : 84 – ஒலி : 274 – திரு­வள்­ளு­வர் ஆண்டு 2057 – வைகாசி 02 – சனிக்கிழமை 16 மே 2026 – வெளியூர் • 8 பக்­கங்­கள்

Established : 10.8.1942 - – Volume : 84 - – Issue 274 : Thiruvalluvar Year – 2057 – Vaikasi 02 – Saturday16 May 2026 – Dak • 8 Pages ₹ 5.00

சென்னை, மே 16–

2026-–ஆம் ஆண்டு நீட் வினாத்­தாள் கசிவு விவ­கா­ரம்: மறு­தேர்வு நடத்­தும் முடி­வைக் கைவி­டுக! 12-–ஆம் வகுப்பு மதிப்­பெண்­க­ளின் அடிப்­ப­டை­யில் மருத்­து­வப் படிப்­பு­களுக்­கான இடங்­களை மாநில அர­சு­களே நிரப்­பிக் கொள்ள அவ­ச­ரச் சட்­டம் இயற்­றுக என கழ­கத் தலை­வர் மு.க.ஸ்டாலின் அவர்­கள் பிர­த­மர் நரேந்­திர மோடி அவர்­க­ளுக்கு எழு­தி­யுள்ள கடி­தத்­தின் தமிழ்ச் சுருக்­கம் பின்­வ­ரு­மாறு:–

நீட் தேர்­வில் உள்ள அமைப்­பு­ரீ­தி­யான குறை­பா­டு­கள் மீண்­டும் ஒரு­முறை வெளிச்­சத்­துக்கு வந்­துள்­ளன. வினாத்­தாள் கசி­வினைத் தொடர்ந்து, 2026-–ஆம் ஆண்­டுக்­கான நீட் தேர்வு இரத்து செய்­யப்­பட்­டுள்ள நிலை­யில், மிகுந்த கவ­லை­யோடு இந்­தக் கடி­தத்தை எழு­து­கிறேன்.

‘நீட்’ தேர்வு முறை­கேடு

கவ­லை­யு­டன் கடி­தம் எழு­து­கி­றேன்!

முறை­கே­டு­க­ளில் ஈடு­பட்­ட­தாக, பல மாநி­லங்­க­ளைச் சேர்ந்த 45 பேர் இது­வரை பிடி­பட்­டுள்­ள­னர். சிபிஐ விசா­ரணை நடக்­கி­றது. 22.8 லட்­சம் மாண­வர்­கள் அடுத்து என்ன ஆகும் எனத் தெரி­யா­மல் தவிக்­கின்­ற­னர்.

இப்­படி நடப்­பது முதல்­மு­றை­யல்ல,

2015-ஆம் ஆண்டு, நீட் அறி­மு­க­மா­வ­தற்கு முன் நடத்­தப்­பட்டு வந்த AIPMT தேர்­வில் புளு­டூத் சாத­னங்­கள் மூலம் வினாத்­தாள் கசிவு உள்­ளிட்ட முறை­கே­டு­கள் நடை­பெற்­றன. உச்­ச­நீ­தி­மன்­றம் தேர்­வினை ரத்து செய்து, மறு­தேர்வு நடத்­தப்­பட்­டது.

2016-–ஆம் ஆண்டு நீட் தேர்­வின்இரண்­டாம் கட்­டத்­தி­லும் வினாத்­தாள் கசிவுபுகார்­கள் எழுந்­தன.ஆனால் அப்­போது மறு­தேர்வு நடத்­தப்­ப­ட­வில்லை.

2017–-ஆம் ஆண்­டில் ஆள்­மா­றாட்­டப் புகார்­கள் எழுந்­தன. ஆடைக் கட்­டுப்­பா­டு­கள் மூலம் பாகு­பாடு காட்­டப்­பட்­டது, மொழி­பெயர்ப்­பு­கள் தவ­றாக இருந்­தன. இத­னால் தேர்­வில் சம­வாய்ப்பு கேள்­விக்­கு­றி­யா­னது.

போலித் தேர்­வர்­கள்

தேர்வு எழு­தி­யுள்­ள­னர்!

2020, 2021-–ஆம் ஆண்­டு­க­ளில் மாண­வர்­க­ளுக்கு பதி­லா­கப் போலித் தேர்­வர்­கள் தேர்­வெ­ழு­தி­னர். இதன் பின்­ன­ணி­யில் பெரும்படையே இருந்து செயல்­பட்­டது.

2021-–ஆம் ஆண்டு முது­நிலை நீட் தேர்வு கவுன்­சி­லிங்­கில் 6 மாதம் தாம­தம்ஏற்­பட்டு பல­ரது எதிர்­கா­லம் பாதிக்­கப்­பட்­டது.

2022-–ஆம் ஆண்­டி­லும் திட்­ட­மிட்ட ஆள்­மா­றாட்ட முறை­கேடு அம்­ப­ல­மாகி, பல­ரும் சிபிஐ அமைப்­பால் கைது செய்­யப்­பட்­ட­னர்.

2024-–ஆம் ஆண்டு நீட் தேர்வு மிக­வும் சர்ச்­சைக்­கு­ரிய தேர்­வாக அமைந்­தது. சந்­தே­கத்­துக்­கு­ரிய வகை­யில் நம்ப முடி­யாத அள­வுக்குஅதிக மதிப்­பெண்­க­ளைச் சிலர் பெற்­றது, தன்­னிச்­சை­யான கருணை மதிப்­பெண்­கள் அளித்­தது, ஒரே மையத்­தில் பல டாப்­பர்­கள், 30 லட்­சம் ரூபாய் முதல் 50 லட்­சம் ரூபாய்வரை செலுத்தி வினாத்­தாளை முன்பே பெற்­றது உள்­ளிட்ட புகார்­கள் எழுந்­தன. குறைந்­தது 155 மாண­வர்­கள் இந்த மோச­டி­யால் நேர­டி­யா­கப் பய­ன­டைந்­த­னர் எனக் கண்­டு­பி­டிக்­கப்­பட்­டது.

‘நீட்’ தேர்வு மோசடிகள்

தொடர்­க­தை­யா­கி­றது!

பீகார், ஜார்க்­கண்ட், ராஜஸ்­தான், குஜ­ராத் ஆகிய மாநி­லங்­க­ளில் அதிக மோசடி நடந்து, சிபிஐ விசா­ரணை நடத்­தி­யது.

இவற்­று­டன், தமிழ்­நாடு, கேர­ளம், கர்­நா­டகா உள்­ளிட்ட மாநி­லங்­க­ளைச் சேர்ந்த மாண­வர்­க­ளுக்கு வெளி மாநி­லங்­க­ளில் தேர்வு மையம் ஒதுக்­கு­வது போன்ற பிரச்­சி­னை­க­ளும் இத்­தேர்வை மேலும் சர்ச்­சைக்­குள்­ளாக்­கி­யது. பல தேர்வு மையங்­களில் சரி­யான உட்­கட்­ட­மைப்பு வச­தி­க­ளும் இல்­லா­மல் மாண­வர்­கள் பாதிக்­கப்­பட்­ட­னர்.

இப்­ப­டி­யாக, தொடக்­கம் முதலே ஏழை,கிரா­மப்­புற, அர­சுப்­பள்ளி, தமிழ்­வழி பயின்ற,சமூ­க­ரீ­தி­யா­கப் பிற்­ப­டுத்­தப்­பட்ட மாண­வர்­களுக்கு எதி­ரா­ன­தாக நீட் தேர்வு இருந்து வரு­கி­றது. தகுதி என்று சொல்­லி­விட்டு, பணம் கொழிக்­கும் வணி­க­மாக, பயிற்சி மையங்­க­ளால் உந்­தப்­பட்ட, பணக்­கா­ரர்­களுக்­கான தேர்­வா­கவே இது இருக்­கி­றது.

நீட் மூல­மாக முளைத்­துள்ள பயிற்சி மையத் தொழி­லில் 70 ஆயி­ரம் கோடி ரூபாய் வரை புர­ளும் அள­வுக்கு அது வளர்ந்­துள்­ளது. வரும் ஆண்­டு­க­ளில் இதுமேலும் உய­ரும் என எதிர்­பார்க்­கப்­ப­டு­கி­றது.

சிறப்­புப் பயிற்­சிக்கு

பல லட்­சம் ரூபாய் செலவு!

பல லட்­சம் செல­வ­ழித்­துப் பெறும் சிறப்­புப் பயிற்சி இன்றி நீட் தேர்­வில் வெற்றி என்­பது சாத்­தி­ய­மில்லை என்ற நிலை உரு­வாகி உள்­ளது.

கிரா­மப்­புற மற்­றும் அர­சுப் பள்ளி மாண­வர்­க­ளுக்கு, குறிப்­பாக முதல் தலை­மு­றை­யா­கப் பயி­லும் மாண­வர்­க­ளுக்கு நீட் ஒரு பெரும் தடைக்­கல்­லாகி இருக்­கி­றது. அவர்­கள் மாநி­லப் பாடத்­திட்­டத் தேர்­வில் நல்ல மதிப்­பெண் பெற்­றும் CBSE பாடத்­திட்­டத்­துக்­குச் சாத­க­மாக வடி­வ­மைக்­கப்­பட்­டி­ருக்­கும் நீட் தேர்­வில் கோச்­சிங் இல்­லா­மல் போட்டி போட முடி­யாத நிலை ஏற்­பட்­டுள்­ளது.

நீட் தேர்­வுக்கு முந்­தைய, தமிழ்­நாடு அர­சின் ப்ளஸ் டூ மதிப்­பெண் அடிப்­ப­டை­யிலான சேர்க்கை மாடல் சமூ­கத்­தின் அனைத்­துப் பிரி­வி­ன­ருக்­கு­மான வாய்ப்­பு­களை உறு­திப்­ப­டுத்­தி­யது. இந்­தி­யா­வின் மிக வலி­மை­யான பொது சுகா­தார அமைப்­பைத் தமிழ்­நாட்­டில் கட்­ட­மைத்­தது இந்த மாடல்­தான். நீட் இத­னைச் சீர்­கு­லைக்­கி­றது. நீட் தேர்வு முறை உரு­வாக்­கும் மன அழுத்­தத்­தால் மாண­வர்­க­ளின் உயி­ரும் பறி­போ­கின்­றன.

மாநில உரி­மை­கள் மீட்­கப்­பட

‘நீட்’ தேர்­வைக் கடு­மை­யாக எதிர்த்­தேன்!

இதனை நன்கு உணர்ந்­த­தால்­தான், நான் தமிழ்­நாட்­டின் முத­ல­மைச்­ச­ராக இருந்­த­போது நீட் தேர்­வைக்கடு­மை­யாக எதிர்த்து, மருத்­து­வப் படிப்­பு­க­ளுக்­கான சேர்க்­கை­யில் மாநில உரி­மை­கள் மீட்­கப்­பட வலி­யு­றுத்­தி­னேன்.

தமிழ்­நாட்டு மக்­க­ளின்உணர்­வினைவெளிப்­ப­டுத்­தும் வகை­யில், நீட் விலக்­குக்­காக,2021-–ஆம் ஆண்­டும், ஆளு­நர் திருப்பி அனுப்­பி­ய­தால், மறு­முறை 2022-ஆம் ஆண்­டும் என இரு முறை சட்­டம் இயற்­றி­னோம். மாநி­லச்சட்­ட­மன்­றத்­தால் ஒரு­ம­ன­தாக நிறை­வேற்றி அனுப்­பப்­பட்ட அந்­தச் சட்­டம் மூன்று ஆண்­டு­க­ளா­கக் குடி­ய­ர­சுத் தலை­வர் அவர்­க­ளின் ஒப்­பு­த­லுக்­காக நிலு­வை­யில் இருந்து, 2025-–ஆம் ஆண்டு ஏப்­ர­லில், ஒப்­பு­தலை நிறுத்தி வைப்­ப­தாக அவர் அறி­வித்­தார். அது மக்­க­ளி­டையே பெரும் ஏமாற்­றத்தை ஏற்­ப­டுத்­தி­யது.

‘நீட்’ மொத்­த­மாக

ஒழிக்­கப்­பட வேண்­டும்!

குடி­ய­ர­சுத் தலை­வர் அவர்­க­ளின் முடி­வினை எதிர்த்து, எனது அரசு உச்­ச­நீ­தி­மன்­றத்­தில் தொடர்ந்த வழக்­கும் நிலு­வை­யில் இருக்­கி­றது.

நீட் மொத்­த­மாக ஒழிக்­கப்­பட வேண்­டும் எனும் எனது கோரிக்­கையை மீண்­டும் தங்­க­ளி­டம் வலி­யு­றுத்­தும் அதே­வே­ளை­யில், இந்த ஆண்டு நீட் தேர்வு இரத்து செய்­யப்­பட்­டுள்­ள­தால் சில உட­ன­டிச் சிறப்பு நட­வ­டிக்­கை­க­ளை­யும் எடுக்­கக் கோரு­கிறேன்.

தேசிய மருத்­துவ ஆணை­யச் சட்­டம், 2019-–இன்­படி மருத்­து­வப் படிப்­பு­க­ளுக்­கான சேர்க்­கை­யா­னது நீட் எனும் பொது நுழை­வுத் தேர்­வின் மூலம் மேற்­கொள்­ளப்­பட வேண்­டும். எனி­னும், தற்­போது நில­வும் அசா­தா­ர­ணச் சூழ­லில், மீண்­டும் நீட் தேர்­வினை நடத்­தி­னால், ஏற்­கெ­னவே பாதிக்­கப்­பட்­டுள்ள மாண­வர்­க­ளுக்கு, அது மற்­று­மொரு சுமை­யா­கவே அமை­யும்.

மருத்­து­வப் படிப்­பு­க­ளுக்­கான இடங்­களை

மாநில அரசே நிரப்ப வேண்­டும்!

அத­னால், 2026-–27 கல்­வி­யாண்­டுக்­கான நீட் தேர்­வினை இரத்து செய்து, பள்­ளிப் பொதுத்­தேர்வு மதிப்­பெண்­க­ளின் அடிப்­ப­டை­யில் மாநில அர­சு­களே மருத்­து­வப் படிப்­பு­க­ளுக்­கான இடங்­களை நிரப்ப அனு­ம­திக்க வேண்­டும்.

தற்­போது, நாடா­ளு­மன்­றக் கூட்­டத்­தொ­டர்நடை­பெ­றாத நிலை­யில், இதற்­கா­கத் தங்­கள் அரசு,தேசிய மருத்­துவ ஆணை­யச் சட்­டம் 2019-–இன் 14-–ஆம் பிரி­வி­னைத் திருத்தி, இந்­திய அர­சி­ய­ல­மைப்­பின் பிரிவு 123-–இன்­படி, ஓர் அவ­ச­ரச் சட்­டத்தை இயற்­றிட வேண்­டும்.

கிரா­மப்­புற மாண­வர்­க­ளின்

எதிர்­கா­லத்தை உறு­திப்­ப­டுத்­துக!

மாண்­பு­மிகு பிர­த­மர் அவர்­கள் எனதுஇந்­தக் கோரிக்­கை­யினை ஏற்­றுக்­கொண்டு,இலட்­சக்­க­ணக்­கானஇளை­ஞர்­கள், குறிப்­பாக கிரா­மப்­புற – - பிற்­ப­டுத்­தப்­பட்ட - – ஏழை மாண­வர்­க­ளின் எதிர்­கா­லத்தை உறு­தி ­செய்­திட வேண்­டும்.

இவ்­வாறு கழ­கத் தலை­வர் மு.க. ஸ்டாலின் அவர்­கள் வலி­யு­றுத்­தி­யுள்­ளார்.