சென்னை, மே 16 –
தமிழ்நாடு அரசில் குதிரைபேரம் நடைபெறவில்லை என்பதை உறுதிப்படுத்த, முகத்தை மூடிக்கொண்டு சந்திக்க வந்த நபர் யார் என்பதை முதலமைச்சர் விஜய் தெளிவுபடுத்த வேண்டும் என தேமுதிக பொதுச்செயலாளர் பிரேமலதா விஜய காந்த் எம்.எல்.ஏ., வலியுறுத்தியுள்ளார்.
தேமுதிக பொதுச்செயலாளர் பிரேமலதா விஜயகாந்த் எம்எல்ஏ வெளியிட்டுள்ள அறிக்கையில், மறைமுக அரசியல் அல்ல, வெளிப்படையான ஆதரவே மக்களின்நம்பிக்கை என தெரிவித்துள்ளார்.
தமிழ்நாடு அரசில் எந்தவித குதிரைப் பேர அரசியலும் இல்லை என்பதை முதலமைச்சர் விஜய் தெளிவுபடுத்த வேண்டும் என குறிப்பிட்டுள்ள அவர், மதச்சார்பற்ற வெற்றி கூட்டணியை சேர்ந்தவர்கள் எவ்வாறு நிபந்தனை இல்லாத ஆதரவு’ என்று வெளிப்படையாக தெரிவித்தார்களோ, அதேபோல் அ.தி.மு.க. வில் இருந்து பிரிந்து வந்தவர்களும் தங்களின் ஆதரவை எந்தவித நிபந்தனையும் இல்லாமல் வெளிப்படையாக அறிவிக்க வேண்டும் என்றும், அப்போது தான் குதிரைப் பேரம் நடைபெறவில்லை என்பதை மக்கள் நம்புவார்கள் என குறிப்பி ட்டுள்ளார்.
மேலும், முதலமைச்சர் விஜயை சந்திக்க முகத்தை மூடிக்கொண்டு வந்த நபர் யார் என்பதை விஜய் தெளிவுபடுத்த வேண்டும் என்றும், அதற்கு பின்பு எந்தவிதமான குதிரை பேரமும் நடக்கவில்லை என்பதை, மக்களுக்கு முதல மைச்சர் வெளிப்படையாக தெரிவிக்க வேண்டும் என்றும் தேமுதிக பொதுச்செயலாளர் பிரேமலதா விஜயகாந்த் எம்எல்ஏ வலியுறுத்தியுள்ளார்.