நெல்லை, மே.17––
நெல்லை சட்டமன்ற தொகுதி கழக வேட்பாளராக போட்டியிட்ட நெல்லை மேற்கு மாநகர பொறுப்பாளர் சு.சுப்பிர மணியன் 9 இடங்களில் வாக்காளர்களுக்கு நன்றி தெரிவிக்கும் கூட்டம் நடைபெறுகிறது.என அறிக்கை வெளியிட்டுள்ளார்.
அதில் அவர் கூறியிருப்ப தாவது.
கழகத் தலைவர் அவர்களின் ஆணைக்கிணங்க, கழக இளைஞர் அணி செயலாளர் சட்டமன்ற எதிர்க்கட்சித் தலைவர் உதயநிதி ஸ்டாலின் அவர்களின் வழி காட்டுதலின்படி,கழக துணை பொதுச் செயலாளர்,கழக நாடாளுமன்ற குழு தலைவர் கனிமொழி கருணாநிதி அவர்களின் ஆலோசனைப்படி, நெல்லை மத்திய மாவட்ட பொறுப்பாளர் மு.அப்துல் வஹாப் எம்.எல்.ஏ. அறிவித்தலின்படி
நெல்லை சட்டமன்றத் தொகுதியில் எனக்கு வாக்களித்த வாக்காளர்கள் தி.மு.க.தொண்டர்களுக்கு நன்றி தெரிவிக்கும் கூட்டங்கள் 9 இடங்களில் நடை பெறுகிறது.
அதன்படி இன்று (மே 17 ஆம் தேதி) மாலை 6 மணிக்கு டவுண் சந்திப்பிள்ளையார் கோவில் அருகிலும்,இரவு 7-30 மணிக்கு ராமையன்பட்டியிலும்,(18 ஆம் தேதி) மாலை 6 மணிக்கு மானூர் ஒன்றிய அலுவலகம் அருகிலும் இரவு 7 மணிக்கு தச்சநல்லூர் அண்ணா சிலை அருகிலும், (19 ம் தேதி) மாலை 6 மணிக்கு பேட்டை மீனாட்சி தியேட்டர் அதிலும், இரவு 7-30 மணிக்கு சுத்தமல்லி கோபால சமுத்திரம் சாலையிலும்,(20-ம் தேதி) மாலை 6 மணிக்கு தாழையூத்து 9 ம் நம்பர் பேருந்து நிறுத்தம் பகுதியிலும்,இரவு 7-30 மணிக்கு சங்கர்நகர் மின்வாரிய அலுவலகம் அருகிலும்,(21 ம் தேதி) கங்கைகொண்டான் பஜார் திடலிலும் நடை பெறுகிறது.
மேற்கண்ட கூட்டங்கள் மானூர் ஒன்றிய செயலாளர்கள் மாரியப்பன், அன்பழகன், அருள்மணி, பாளை வேளங்குளம் கண்ணன் ஆகியோர் தலைமையிலும், நெல்லை சட்டமன்ற தொகுதி தேர்தல் பார்வையாளரும் தலைமை செயற்குழு உறுப்பினருமான பேச்சிபாண்டியன், அவைத் தலைவர் முருகன், சிறுபான்மை நல உரிமைப் பிரிவு தலைவர் டி.பி.எம். மைதீன்கான், மாநில நெசவாளர் அணி செயலாளர் சொ. பெருமாள், மாநில மகளிர் தொண்டரணி துணை செயலாளர் விஜிலா சத்யானந்த் ஆகியோர்கள் முன்னிலையில் நடைபெறுகிறது.
இந்நிகழ்வில் மாநில, மாவட்ட, மாநகர,ஒன்றிய, பகுதி, பேரூர், வட்ட, கிளை, கழக நிர்வாகிகள், சார்பு அணி களின் நிர்வாகி கள், (BLA-2) (BDA) (BLC) மற்றும் கழகத்தினர் திரளாக கலந்து கொள்ள வேண்டும்.
இவ்வாறு அவர் கூறியுள்ளார்.