சென்னை, மே 17–
“உடன்பிறப்பே.. நீங்க சொல்லுங்க.. நான் கேட்கிறேன்”.. என ‘உடன்பிறப்பின் குரல்’ வெப்சைட்டைத் தொடங்கி வைத்து காணொலியில் உரையாற்றுகையில் கழகத் தலைவர் மு.க.ஸ்டாலின் அவர்கள் குறிப்பிட்டார்.
தி.மு.க. இன்னும் எப்படியெல்லாம் உழைக்க வேண்டும் என கருத்துகளைக் கேட்கிறார்கழகத் தலைவர்மு.க. ஸ்டாலின் அவர்கள். கழகத் தலைவர் மு.க.ஸ்டாலின் அவர்கள் வெளியிட்டுள்ள வீடியோவில், ‘‘ஆன்லைன் வாயிலாக கருத்துகளைக் கேட்டு அடுத்தகட்ட நடவடிக்கையை வடிவமைக்கப்
போகிறேன், கட்சியின் எல்லா மட்டத்திலும் தேவையான மாற்றங்களைச் செய்யப்
போகிறேன்’’ எனத் தெரிவித்துள்ளார்.
நடந்து முடிந்த சட்டப்பேரவைத் தேர்தலில் தி.மு.க., 59 இடங்களில் வெற்றி பெற்று ஆட்சியை இழந்தது. கொளத்தூர் தொகுதியில் போட்டியிட்ட கழகத் தலைவர் மு.க.ஸ்டாலின் அவர்கள் வெற்றி வாய்ப்பை இழந்தார். இந்நிலையில், ‘உடன் பிறப்பின் குரல்’ என்ற பெயரில் கழகத் தொண்டர்
களிடம் கருத்துகளைக் கேட்டு ‘வெப்சைட்’ ஒன்றினைத் தொடங்கியுள்ளார், கழகத் தலைவர் மு.க.ஸ்டாலின் அவர்கள்.
இதுதொடர்பாகப் பேசி காணொலி ஒன்றை ‘எக்ஸ்’ தளத்தில் கழகத்
தலைவர் அவர்கள் வெளியிட்டுள்ளார்.
கழகத் தலைவர் அவர்கள் வெளியிட்டுள்ள அந்தக் காணொலி வருமாறு:–
“எல்லாருக்கும் வணக்கம். ஒரு சின்ன இடைவெளிக்குப் பிறகு உங்களோடு வீடியோவுல பேசுகிறேன். கடைசியாக, ‘டீலிமிடேஷன்’ (Delimitation) பற்றிப் பேசியிருந்தேன். அதைத் தொடர்ந்து தேர்தல் எல்லாம் நடந்து முடிந்திருக்கிறது. முடிவுகளும் வந்து விட்டன.
தேர்தல் முடிவுகளுக்குப் பிறகு என்னவெல்லாம் நடந்தது, என்ன நடக்கிறது என எல்லாவற்றையும் பார்த்துக்கிட்டு தான் இருக்கோம். இரண்டு வாரமாக எல்லா வீடுகளிலேயும் நியூஸ் சேனல் தான் ஓடிக்கிட்டே இருக்கிறது. அந்த
அளவுக்கு விறுவிறுப்புக்கு பஞ்ச
மில்லாமப் போகிறது.
2026 தேர்தல் முடிவுகளை எடுத்துக்கொண்டு பார்த்தால், தி.மு.க. ஒரு பெரிய பின்னடைவைச் சந்தித்திருக்கிறது. அதை நாம ஏற்றுக் கொண்டுதான் ஆகவேண்டும். இது நிச்சயமாக நாம எதிர்பார்த்த ‘ரிசல்ட்’ இல்லை. இதற்கு அவர் காரணம், இவர் காரணம் என்று யாரும் யார்
மேலயும் பழி போடாதீர்கள். தலைவராக இந்தத் தோல்விக்கு நானே பொறுப்பேற்றுக் கொள்கிறேன். வெற்றி கிடைக்கும் போது எனக்குத்தான் அந்த ‘கிரெடிட்’ வந்து சேருகிறது, அப்போ தோல்வி அடையும்போது அந்தப் பழியை நான்தான் ஏற்றுக்கொள்ள வேண்டும். அதுதான் ஒரு நல்ல தலைவருக்கான இலக்கணம்.
நாம் தோற்றுவிட்டோம். அதுக்காக அதையே நினைச்சுக்கிட்டு முடங்கிவிட மாட்டேன். உடனேஅப்டேட் ஆகி மீண்டு வருவேன். நாம் எல்லாருமே அப்படித்தான் வரவேண்டும். உங்களுடையஆலோசனைகள், பரிந்துரைகள்,
ஐடியாக்கள் எனக்கு வேணும். எலக்சனா இருந்தாலும் கரெக்சனாக இருந்தாலும் உங்ககிட்டதான் வந்தாக வேண்டும்.
மக்கள்தான் எல்லாம்.
இந்தத் தேர்தல் முடிவுகளுக்கு என்ன காரணம்? தி.மு.க. இன்னும் எப்படியெல்லாம் உங்களுக்காக உழைக்க
வேண்டும் என்று நீங்கள் நினைக்கிறீர்கள் என்று சொல்லுங்கள். உங்களுடைய கருத்துகளை வெளிப்படையாகச் சொல்லுங்கள். அதுக்காகத்தான் இந்த ‘உடன்பிறப்பின் குரல்’வெப்சைட். இதில்
உங்கள் கருத்துகளைப் பதிவிடுவது ரொம்ப சிம்பிள். உங்கள் குரலிலேயே பேசி கருத்துகளைச் சொன்னீர்கள்
என்றால் அதுவே டைப் ஆகிடும். நேரடியா நீங்களே டைப் பண்ணியும்
சொல்லலாம். இல்லையென்றால், ஒரு பேப்பர்ல எழுதி அந்தப் போட்டோவை அப்லோட் பண்ணலாம், டாக்குமெண்ட்டா அனுப்பலாம்.
உங்கள் கருத்துகள் எனக்கு வந்து சேர்ந்துவிடும். அதையெல்லாம் படித்துப், பரிசீலித்து நாம அடுத்தகட்ட நடவடிக்கையை வடிவமைக்கப் போகிறேன். நம்முடைய அணுகுமுறை, சிந்தனை, செயல்பாடு எல்லாவற்றையும் காலத்துக்கு ஏற்ற மாதிரி ‘எவால்வ்’ (Evolve) ஆகித்தான் ஆக வேண்டும். உங்களுடைய கருத்துகளின் அடிப்படையில ‘DMK 2.0’ வரும். கட்சியின் எல்லா மட்டத்திலேயும் தேவையான மாற்றங்களைச் செய்யப் போகிறேன்’’.
இதனால் அடுத்த நூறு ஆண்டுகளுக்கும் இந்த இயக்கம் உயிர்ப்போடு
இயங்கும், உங்களுக்காக இயங்கும். உடன்பிறப்பே... நீங்கள் சொல்லுங்கள்!.. நான் கேட்கிறேன்!”
இவ்வாறு அந்த காணொலியில்,
கழகத் தலைவர் மு.க.ஸ்டாலின் அவர்கள் பேசியுள்ளார்.