க
லைஞர் மகளிர் உரிமைத் தொகை திட்டத்தை துவங்கி, கடந்த மூன்று ஆண்டுகளாக ஒரு கோடியே முப்பத்தியோரு லட்சம் மகளிருக்கு தொடர்ந்து திராவிடமாடல் ஆட்சியின் நாயகர் மு.க. ஸ்டாலின் அவர்கள் வழங்கி வந்தார்.
தேர்தல் நடத்தை விதிமுறைகள் அமலுக்கு வந்ததால், தேர்தல் ஆணையம் இதை நிறுத்த வழி இருக்கின்ற காரணத்தால், கடந்த பிப்ரவரி மாதமே, பிப்ரவரி, மார்ச் மற்றும் ஏப்ரல் மாதங்களுக்கான மூவாயிரம் ரூபாயை அனைவருக்கும் முன்கூட்டியே வழங்கி விட்டார்.
அத்தோடு நில்லாமல், கோடைக் கால சிறப்பு நிதியாக அனைத்து ரேஷன் கார்டு வைத்திருப்போருக்கும்
ரூ. 2000த்தையும் வழங்கினார்.
அப்பொழுது அவர் தேர்தல் அறிக்கையில் கூறியபடி, நாங்கள் ஆட்சிக்கு வந்தால் மே மாதம் முதல் கலைஞர் மகளிர் உரிமைத் தொகை என்பது ஆயிரம் ரூபாய்க்குப் பதிலாக இரண்டாயிரம் ரூபாயாக உயர்த்தித் தருவோம் என்றும் வாக்குறுதி அளித்திருந்தார்.
தி.மு.க. மீண்டும் ஆட்சிக்கு வந்திருந்தால், இன்றைக்கு ஒவ்வொரு மகளிரின் அக்கவுண்ட்டிலும் ரூபாய் இரண்டாயிரம் வரவு வைக்கப்பட்டிருக்கும்.
ஆட்சி மாற்றம் ஏற்பட்டு விட்டது... ஒவ்வொரு மாதமும் 6ஆம் தேதி புதுமைப்பெண் மற்றும் தமிழ்ப்புதல்வன் திட்டத்தில் 6 லட்சத்தி 28 ஆயிரம் மாணவ மாணவிகளுக்கு மாதம் ஆயிரம் ரூபாய் தி.மு.க. ஆட்சியில் திட்டம் கொண்டுவரப்பட்டு வழங்கி வந்தார் அன்றைய முதலமைச்சர் மு.க. ஸ்டாலின் அவர்கள்.
ஆனால் முதலமைச்சராகப் பொறுப்பேற்றுக் கொண்ட விஜய் அவர்கள் அதை வழங்காமல் இழுத்தடிக்கவே... சட்டமன்றத்தில் பேசிய எதிர்க்கட்சித் தலைவர் உதயநிதி ஸ்டாலின் அவர்கள், மாணவர்களை காக்க வைக்காதீர்கள், உடனடியாக அந்த தொகையை தாருங்கள் என்று அழுத்தமாக வலியுறுத்தினார். நாங்கள் ஆட்சிக்கு வந்திருந்தால் அந்தத் தொகையை ரூ.1500 ஆகஉயர்த்தித் தருவதாக வாக்குறுதிஅளித்திருந்தோம் என்றும் அவர் குறிப்பிட்டார்.
அதன் பிறகு அடுத்தநாள் அந்தப் பணத்தை மாணவ –மாணவிகளுக்கு வரவு வைத்த முதல்வர் விஜய், நேற்று ஒரு அறிக்கை கொடுத்து மகளிர் உரிமைத் தொகையை மறுசீரமைப்பு செய்ய வேண்டியுள்ளதால், மே மாத தொகையை நாள் குறிப்பிடாமல் விரைவில் கொடுப்போம் என்று பொத்தாம் பொதுவாக அறிக்கை கொடுத்து...
இதற்கான எதிர்வினை எப்படியுள்ளது... என்பதை விசாரணை செய்தும், தங்கள் ஆதரவாளர்கள் மூலம் இந்தப் பணம் வராவிட்டாலும் பரவாயில்லை என்று சொல்லி வீடியோ வெளியிட வைத்தும்... மக்கள் எதிர்ப்பு ஏதுமில்லை என்றால் இதை அப்படியே கிடப்பில் போட்டு விடலாம் என்றும் எண்ணினார் போலும்...
ஆனால், விஜய் அறிக்கை வந்த அடுத்த நிமிடமே பொங்கியெழுந்த தி.மு.க. தலைவர் மு.க.ஸ்டாலின் அவர்கள், இதற்கு கடும் கண்டனத்தை தெரிவித்ததோடு, நாளையே இதை வழங்க வேண்டும் என்றும் இல்லாவிட்டால் போராட்டம் வெடிக்கும் என்றும்அறிவித்தார்.
அதனைத் தொடர்ந்து தி.மு.க.வினரும், சமூக வலைதளங்களில் தங்கள் கடுமையான எதிர்ப்பை இதற்கு தெரிவித்த நிலையில்... பொதுமக்கள் லட்சக்கணக்கானோர் வெகுண்டெழ துவங்கவே...
இன்றைக்கு தி.மு.க. அரசு கொடுத்துக் கொண்டிருந்த அந்த ஆயிரம் ரூபாயை வரவு வைத்து விட்டார் முதல்வர்.
ஆனால் அவர் மக்களுக்கு வாக்குறுதியாக அளித்திருந்த தொகையோ ரூபாய் 2500. அதை அவர் வழங்க
வில்லை. இது தான் செய்தியாக வரவேண்டும். ஆயிரம் ரூபாயைக் கொடுத்து விட்டு முதல்வர் விஜய் அதிரடின்னு
ஊடகங்களும், அவர் ஆதரவாளர்களும் கொக்கரிக்கின்றனர். ஸ்டாலினின் மிரட்டலுக்கு, பணிந்தார் விஜய்ன்னு தான் தலைப்பிட்டு ஒரு நல்ல ஊடகம் செய்தி வெளி
யிட்டிருக்க வேண்டும்.
காரணம் ஜனநாயகத்தில், சட்டமன்றமும், நீதிமன்ற
மும், எதிர்க்கட்சியும், ஊடகங்களும் நான்கு தூண்கள் என்று கூறப்பட்ட நிலையில், நீதிமன்றமும், எதிர்க்கட்சியும் பொய்த்துப் போனாலும் ஊடகங்கள் ஜனநாயகத்தை தூக்கி நிறுத்தும் கடமையை நிறைவேற்ற வேண்டும்.
மக்களுக்கான குரலாகத்தான் எதிர்க்கட்சியும், ஊடகமும் செயலாற்ற வேண்டும். எதிர்க்கட்சி குரலை உயர்த்திய நிலையில், ஊடகங்களும் அதை கடைப்பிடிக்க வேண்டும். அப்படி செயலாற்றினால் தான் ஆட்சி மக்களுக்கானதாக இருக்கும். இல்லாவிட்டால் சமூக சீரழிவு தான் ஏற்படும்.
கலைஞர் மகளிர் உரிமைத்தொகை, புதுமைப்பெண், தமிழ்ப்புதல்வன், காலைச்சிற்றுண்டி, நான் முதல்வன் உள்ளிட்ட நான் கொண்டு வந்து சிறப்பாக நிறைவேற்றிய திட்டங்களை யார் ஒருவர் நிறுத்த முயன்றாலும் புரட்சி வெடிக்கும், ஆட்சி மாறும்... ஆகையால் அந்த திட்டங்கள் தொடரும் வரை இந்த ஸ்டாலின் தான் தமிழ்நாட்டை ஆட்சி செய்வான் என்று தி.மு.க. தலைவர் சொன்னது இன்று நிஜமாகியிருக்கின்றது.
இன்றைக்கும் ஸ்டாலின் தான்ஆள்கிறார்.