தஞ்சாவூர், மே 17 –
தஞ்சையில் நடைபெற உள்ள திருவாரூர் மாவட்டக் கழக முன்னாள் செயலாளர் மறைந்த பூண்டி கலைச்செல்வன் இல்ல திருமண விழாவிற்கு வருகை தரும் கழகத் தலைவர் மு.க. ஸ்டாலின் அவர்களுக்கும், கழக இளைஞர் அணியின் செயலாளர்சட்டமன்ற எதிர்க்கட்சி தலைவர் உதயநிதி ஸ்டாலின் அவர்களுக்கும் பிரமாண்ட வரவேற்பு அளிக்கும் நிகழ்ச்சியில் கழக நிர்வாகிகள், தொண்டர்கள் திரளாக கலந்துகொண்டு சிறப்பிக்க வேண்டி தஞ்சை மத்திய மாவட்டச் செயலாளர் துரை.சந்திரசேகரன்
எம்.எல்.ஏ., திருவாரூர் மாவட்டச் செயலாளர் பூண்டி கே.கலைவாணன் எம்.எல்.ஏ., தஞ்சை வடக்கு மாவட்டப் பொறுப்பாளர் சாக்கோட்டை க.அன்பழ கன், தெற்கு மாவட்ட பொறுப்பாளர் தி.பழநி வேல் ஆகியோர் கூட்டாக அறிக்கை வெளியிட்டுள்ளனர்.
அவர்கள் வெளியிட்டுள்ள அறிக்கையில் நாளை (18.05.2026 திங்கள்), காலை 10.00 மணியளவில் தஞ்சாவூர் மஹாராஜா மஹாலில் திருவாரூர் மாவட்டச் செயலாளர் பூண்டி.கே. கலைவாணன் எம்.எல்.ஏ. அவர்களுடைய சகோதரரும், கழக செயல் மறவருமான மறைந்த பூண்டி கே.கலைச்செல்வம் அவர்களுடைய மகள் கலை அழகி- – ராம் பாலாஜி ஆகியோரின் திருமண விழாவை நடத்தி வைத்து வாழ்த்துரை வழங்க தஞ்சை மாநகருக்கு வருகை தரும் கழகத் தலைவர் மு.க.ஸ்டாலின் அவர்களையும், தமிழ்நாடு எதிர்க் கட்சி தலைவர் உதயநிதி ஸ்டாலின் அவர்களையும் வரவேற்கும் வகையில் இன்று (17.05.2026 ஞாயிறு) மாலை 5.00 மணியளவில் தஞ்சாவூர் தமிழ்ப் பல்கலைக்கழக நுழைவு வாயிலில் பிரமாண்ட வரவேற்பு அளிக்க ஏற்பாடு செய்யப்பட்டுள்ளது.
இவ்வரவேற்பு நிகழ்ச்சி யில் தஞ்சை வடக்கு, மத்திய, தெற்கு மற்றும் திருவாரூர் மாவட்டத்தைச் சேர்ந்த முன்னாள் ஒன்றிய, மாநில அமைச்சர்கள், முன்னாள் இந்நாள் நாடாளுமன்ற, சட்டமன்ற உறுப்பினர்கள், மாநில மாவட்டக் கழக நிர்வாகிகள், மாநகரச் செயலாளர்கள், தலைமைச் செயற்குழு உறுப்பினர்கள், ஒன்றிய, பகுதி, பேரூர் மற்றும் கிளைக் கழகச் செயலாளர்கள், நிர்வாகிகள், சார்பு அணிகளின் நிர்வாகிகள், கழக பிரதிநிதிகள், முன்னாள் இந்நாள் உள்ளாட்சி பிரதிநிதிகள், கழக முன்னோடிகள் திரளாக கலந்து கொண்டு சிறப்பிக்க வேண்டுகிறோம்.
இவ்வாறு மாவட்டச் செயலாளர்கள் துரை.சந்திரசேகரன் எம்.எல்.ஏ., பூண்டி கே.கலைவாணன் எம்.எல்.ஏ., பொறுப்பாளர்கள் சாக்கோட்டை க.அன்பழ கன், தி.பழநிவேல் ஆகியோர் கூட்டாக அறிக்கை வெளியிட்டுள்ளனர்.