#Title

இராயபுரம் சட்டமன்றத் தொகுதியில் கழக வேட்பாளர் டாக்டர் அ.சுபேர்கான் வாக்காளர்களுக்கு நன்றி தெரிவித்தார்!

சென்னை, மே 17–

நடந்து முடிந்த 2026 சட்டமன்றத் தேர்தலில் சென்னை இராயபுரம் சட்டமன்ற தொகுதியில் திராவிட முன்னேற்ற கழகத்தின் சார்பில் வேட்பாளராக போட்டியிட்டு 44,842 வாக்குகளை பெற்ற கழக சிறுபான்மையினர் நல உரிமைப் பிரிவுச் செயலாளரும், இராயபுரம் சட்டமன்ற தொகுதியின் கழக வேட்பாளருமான டாக்டர் அ.சுபேர் கான் எம்.எஸ்(ஆர்த்தோ) அவர்கள் தனது தொகுதி மக்களை நேரில் சந்தித்து வாக்காளர்களுக்கு நன்றி தெரிவித்தார்.

அப்போது அவர் கூறியதாவது;

நேசத்திற்குரிய இராயபுரம் தொகுதி மக்களே! கழகத்தலைவர் மற்றும் கழக இளைஞரணிச் செயலாளர் ஆகியோர் என் மீது நம்பிக்கையும் பேரன்பும் வைத்து என்னை இராயபுரம் சட்டமன்ற தொகுதியின் வேட்பாளராக களம்கானச் செய்தனர். கழக அரசின் ஐந்தாண்டு மக்கள் நலத் திட்டங்களை எண்ணி தமிழக நலனுக்காக, கழகத் தலைவருக்காக, உங்களில் ஒருவனான நான், வெற்றிபெறவேண்டி 44,842 வாக்குகளை வழங்கிய உங்களுக்கு என்றென்றும் நன்றி கடன்பட்டிருக்கிறேன்..

மேலும் தேர்தல் பிரச்சாரம் தொடங்கிய நாள் முதல் பிரச்சாரத்தின் இறுதிநாள் வரை கண்ணுறக்கமின்றி, நொடிப்பொழுதும் ஓய்வின்றி என்னுடன் வெயிலில் நிழலாக, இருளில் ஒளியாக பயணித்து, உழைத்த மாவட்ட, பகுதி, வட்ட கழக நிர்வாகிகளுக்கும், இளைஞரணி, மாணவரணி, மகளிரணி,தொண்டரணி, வழக்கறிஞரணி, சிறுபான்மையினரணி, வர்த்தகரணி, மீனவரணி, தகவல் தொழில்நுட்ப அணி, மருத்துவரணி, நெசவாளரணி முதலிய சார்பு அணிகளின் நிர்வாகிகளுக் கும், மதச்சார்பற்ற முற்போக்கு கூட்டணிக்கட்சி களைச் சேர்ந்த அனைத்து தோழமைக்கட்சிகளின் நிர்வாகிகளுக்கும் மற்றும் பாகமுகவர்கள், பாக ஒருங்கிணைப்பாளர்கள் உள்ளிட்ட அனைத்து கழக உடன்பிறப்புகளுக்கும் நெஞ்சார்ந்த நன்றியை தெரிவித்துக்கொள்கிறேன்.

ஆட்சிஅதிகாரத்தில் இருந்தாலும் இல்லாவிட்டாலும் எப்போதும் மக்கள் நலனுக்காக மக்கள் பிரச்ினைகளை தைரியமாக சந்திக்கும் ஆற்றல்மிக்க இயக்கம் திராவிடமுன்னேற்றக் கழகம்.

வாக்களித்தவர்களுக்கும், வாக்களிக்க தவறியவர்களின் நலனுக்கும், உங்களுக்காக உங்களோடு என்றும் களத்தில் இருப்பேன், உழைப்பேன் என்கிற உறுதியையும் அளிக்கிறேன் என பேசினார்.

இந்நன்றி அறிவிப்பில் முன்னாள் மாவட்ட கழக பொறுப்பாளர் தலைமைச் செயற்குழு உறுப்பினர் த.இளைய அருணா, இராயபுரம் மேற்கு மற்றும் கிழக்கு பகுதிச் செயலாளர்கள் வ.பெ.சுரேஷ், செந்தில்குமார், மாவட்ட துனைச் செயலாளர் நாகம்மை, வட்டக் கழகச் செயலாளர்கள்மற்றும் சார்பு அணிகளின் நிர்வாகிகள் பாகமுகவர்கள், பாக ஒருங்கிணைப்பாளர்கள் முதலிய கழக உடன்பிறப்புகளும், மதச்சார்பற்ற முற்போக்கு கூட்டணிக்கட்சி களின் நிர்வாகிகளும் ஏராளாமான பொதுமக்களும் உடனிருந்தனர்.