பெரம்பலூர் மாவட்ட திராவிடர் கழகம் சார்பில், நீட் தேர்வில் நடைபெற்ற முறைகேட்டை கண்டித்து பெரம்பலூர் புதிய பேருந்து நிலையத்தில் கண்டன ஆர்ப்பாட்டம் நடைபெற்றது. இந்த ஆர்ப்பாட்டத்திற்கு திராவிடர் கழகம் மாவட்ட தலைவர் சி.தங்கராசு தலைமை வகித்தார். தி.மு.க.மாவட்ட கழக பொறுப்பாளர் வீ.ஜெகதீசன், திராவிடர் கழக மாநில மாணவரணி செயலாளர் செந்தூர பாண்டியன் ஆகியோர் கலந்து கொண்டு சிறப்புரையாற்றினார்கள். இதில் பெரம்பலூர் நகர கழகச் செயலாளர் - முன்னாள் சட்டமன்ற உறுப்பினர் எம். பிரபாகரன், தி.மு.க. மாவட்ட கழக பொருளாளர் செ.ரவிச்சந்திரன், மாவட்ட மருத்துவரணி தலைவர் டாக்டர் ST.ஜெயலட்சுமி, விடுதலை சிறுத்தைகள் கட்சி (மே) மாவட்ட செயலாளர் கிருஷ்ணகுமார், இந்திய தொழிலாளர்கள் கட்சியின் தலைவர் பெ.ஈஸ்வரன், ம.தி.மு..க மாவட்ட செயலாளர் ஜெயசீலன் உள்ளிட்ட மதசார்பற்ற முற்போக்கு கூட்டணி கட்சிகளின் நிர்வாகிகள் உள்ளிட்ட ஏராளமானோர் கலந்து கொண்டனர்.