சேலம், மே 18–
சேலம் கிழக்கு மாவட்டம் வாழப்பாடி உள்ள தளபதி மு.க.ஸ்டாலின் அறிவாலயம் கலைஞர் அரங்கில் பொது உறுப்பினர்கள் கூட்டம் மாவட்ட அவைத்தலைவர் முரா. கருணாநிதி தலைமையில் நடைபெற்றது. இதில் சிறப்பு அழைப்பாளராக கிழக்கு மாவட்ட செயலாளர் எஸ். ஆர்.சிவலிங்கம் எம்.பி., கலந்து கொண்டு சிறப்புரை யாற்றினார். இக்கூட்டத்தில் மாவட்ட துணை செயலாளர் சுரேஷ்குமார், மாவட்ட நெசவாளர் அணி அமைப்பாளர் ஏ.ஏ.ஆறுமுகம், தே.மலையரசன் எம்.பி., மாநில தகவல் தொழில் நுட்ப அணி துணை செயலாளர் டாக்டர் தருண், மனோகரன், கோபால் , சங்கர், சந்திரமோகன் , சோமசுந்தரம், ஒன்றிய செயலாளர்கள் மாணிக்கம், விஜயகுமார், ரத்தினவேல் , சக்கரவர்த்தி, மாதேஸ்வரன், மூர்த்தி, ராஜேந்திரன், மருதமுத்து, சிவராமன் , டாக்டர் செழியன், வரதராஜன், சித்தார்த்தன், பாலமுருகன், சாத்தப்பாடி மணி , நகர செயலாளர்கள் வேல்முருகன், பாலசுப்பிரமணியம், ராமச்சந்திரன், மற்றும் பேரூர் செயலாளர்கள் சார்பு அணி நிர்வாகிகள், கழக முன்னோடிகள், கழக நிர்வாகிகள் திரளாக கலந்து கொண்டனர். இக்கூட்டத்தில் தீர்மானங்கள் நிறைவேற்றப்பட்டன .
‘‘கலைஞர்” தமிழகம் கண்ட நான்கெழுத்து மந்திரம்! தமிழ் மக்களின் உயிர்த்துடிப்பு! இந்தியா கண்ட அரசியல் அதிசயம்! ‘உடன் பிறப்பு” என்ற ஒற்றை சொல்லால் சாதி, இனம், மதம், மொழி என்ற பேதங்களை ஒழித்த நல்லுறவு! பேச்சால், எழுத்தால், உரையாடல் வீச்சால் உள்ளங்கவர்ந்த அறிவாற்றல்! தன்னலமற்ற தலைமைப் பண்பு! 5 முறை ஆட்சிப் பொறுப்பில் இருந்த போதெல்லாம் தீட்டிய பல்வேறு திட்டங்களில் வாழுகின்ற பெருமை! மனிதநேயம் காத்திட்ட மகத்தான பண்பு! தூய்மையும் வாய்மையும் நிரம்பிய நெஞ்சுரம்! ‘வாருங்கள் எல்லோரும் மொழிப் போருக்கு சென்றிடுவோம் - வந்திருக்கும் இந்திப் பேயை விரட்டி யடிப்போம்” என்று அரைக்கூவல் விடுத்த மொழி உணர்வு! தலைவன் இட்ட கட்டளையை நிறைவேற்ற தண்டவாளத்தில் தலைவைக்கத் தயங்காத வீரம்! எண்பது ஆண்டு பொதுவாழ்வின் சாதனைகளால் மறைந்த பின்னரும் வாழுகின்ற மகத்துவம்! இப்படி கலைஞர் எனும் முத்தமிழறிஞர் அவர்களின் புகழை நாளெல்லாம் சொல்லிக்கொண்டே போகலாம். வருகின்ற 03-.06-.2026 அன்று தலைவர் முத்தமிழறிஞர் கலைஞர் அவர்களின் 103 வது பிறந்தநாள் விழா கொண்டாடப்படவுள்ளது. அதன்படி நமது சேலம் கிழக்கு மாவட்ட திராவிட முன்னேற்றக் கழகத்தின் சார்பாக தலைவர் முத்தமிழறிஞர் கலைஞர் அவர்களின் பிறந்தநாள் விழா கொண்டாடப்பட வேண்டும். அதனை யொட்டி மாவட்டத்தில் உள்ள தலைவாசல், கெங்கவல்லி, ஆத்தூர், வாழப்பாடி, அயோத்தியாப்பட்டணம், ஏற்காடு, பன மரத்துப்பட்டி, சேலம், வீரபாண்டி ஆகிய ஒன்றிய கழகங்கள் சார்பாகவும், ஆத்தூர், பெத்த நாயக்கன் பாளையம், நரசிங்கபுரம், ஆகிய நகர கழகங்கள் சார்பாகவும், ஆட்டையாம்பட்டி, இளம்பிள்ளை, மல்லூர், பனமரத்துப்பட்டி, அயோத்தியாப்பட்டணம், பேளூர், வாழப்பாடி, பெத்தநாயக்கன்ப்பாளையம், ஏத்தாப்பூர், கீரிப்பட்டி, தம்மம்பட்டி, கெங்கவல்லி, தெடாவூர், செந்தராப்பட்டி, வீரகனூர் ஆகிய பேரூர் கழகங்கள் சார்பாகவும், ஊராட்சிகள் சார்பாகவும் என்றென்றும் நம்முடன் வாழுகின்ற தலைவர் முத்தமிழறிஞர் டாக்டர். கலைஞர் அவர்களின் பிறந்தநாள் விழா கோலகலமாக கொண்டாடப்பட வேண்டும். கொடியேற்றுதல், தோரணங்கள் அமைத்தல், ஏழை எளியவருக்கு நலத்திட்ட உதவிகள் வழங்குதல், அன்னதானம், இனிப்புகள் வழங்குதல் உள்ளிட்ட பல்வேறு பணிகளை மேற்கொள்ள வேண்டும். இதற்கான சிறப்பு ஏற்பாடுகளை ஒன்றிய, நகர, பேரூர் கழக நிர்வாகிகள் மாவட்ட கழகத்தின் ஆலோசனையுடன் சிறப்பாக செய்திட வேண்டும் எனக் கேட்டுக்கொள்ளும் தீர்மானம் நிறைவேற்றப்பட்டது.