புதுடெல்லி, மே 18 –

நீட் கேள்­வித்­தாள் மோச­டி­யில் தேசிய தேர்வு முக­மைக்கு நேரடி தொடர்பு இருப்­பது சி.பி.ஐ. விசா­ரணை மூலம் உறு­தி­யா­கி­யுள்­ளது.

இதை­ய­டுத்து, கேள்­வித் தாள் தயா­ரிப்பு குழுவை கலைத்து ஒன்­றிய அரசு உத்­த­ர­விட்­டுள்­ளது.

நீட் மோசடி குறித்து சி.பி.ஐ. நடத்தி வரும் விசா­ர­ணை­யில் பல்­வேறு அதிர்ச்சி தக­வல் வெளி­யா­கி­ யுள்­ளது. இதில், வேதி­யி­யல், இயற்­பி­யல் கேள்­வி­கள் ஓய்வு பெற்ற ஆசி­ரி­யர் குல்­கர்னி மூல­மா­க­வும், உயி­ரி­யல் கேள்­வி­கள் ஆசி­ரியை மனிஷா குல்­கர்னி மூல­மா­க­வும் கசிந்­தது உறு­தி­யாகி உள்­ளது.

குல்­கர்னி மகா­ராஷ்­டிரா மாநி­லம் லத்­தூர் ஜூனி­யர் கல்­லூ­ரி­யில் பணி­யாற்றி ஓய்வு பெற்­ற­வர். தற்­போது நீட் பயிற்சி வகுப்­பு­களை நடத்தி வந்­துள்­ளார். இவர் பணி­யாற்­றிய பள்­ளி­யி­லும் நீட் வகுப்­பு­ கள் நடந்­து­வ­ரு­கி­றது. மனிஷா குல்­கர்னி பூனா­வில் உள்ள மாடர்ன் கலை அறி­வி­யல் கல்­லூ­ரி­யில் பணி­யாற்றி வரு­கி­றார். 7 மாதத்­தில் ஓய்வு பெற உள்ள இவ­ரும் நீட் வகுப்­பு­களை நடத்தி வந்­துள்­ளார்.

கடந்த 6 ஆண்­டு­க­ளாக நீட் கேள்வி தயா­ரிப்பு குழு­வில் இவர் இடம்­பெற்­றுள்­ளார். மிக முக்­கி­ய­ மான தேர்வை நடத்­தும் குழு­வில் ஓய்வு பெற்ற ஆசி­ரி­யர் எப்­படி இடம் பெற்­றார்? இவர்­கள் எப்­படி தனி­யாக பயிற்சி வகுப்­பு­களை நடத்த அனு­ம­திக்­கப்­பட்­டார்­கள் என, கல்­வி­யா­ளர்­கள், மருத்­து­வர் சங்­கங்­கள் எழுப்பி உள்­ள­னர்.

உரிய கண்­கா­ணிப்பை மேற்­கொள்­ளாது ஏன்? தனி­யார் பள்ளி ஆசி­ரி­யர்­களை கேள்­வித்­தாள் தயா­ரிக்க தேசிய தேர்வு முகமை எப்­படி அனு­ம­தித்­தது? என்ற கேள்­வி­க­ளை­யும் அவர்­கள் எழுப்­பி­யுள்­ள­னர். தற்­போது கேள்வி தாள் தயா­ரிப்பு குழு­வில் உள்ள அனை­வ­ரை­யும், விசா­ரிக்க சி.பி.ஐ. முடிவு செய்­துள்­ளது. கேள்­வி­களை மொழி பெயர்த்­த­வர்­க­ளை­யும் விசா­ரிக்க முடிவு செய்­துள்­ள­னர்.

நீட் கேள்­வித்­தாள் தேர்­வுக் குழு மூலம் கசிந்­ததை தொடர்ந்து கேள்வி தாள் தயா­ரிப்பு குழு முழு­மை­யாக கலைக்­கப்­பட்­டுள்­ளது. இத­னி­டையே, தேசிய தேர்வு முக­மைக்கு இரண்டு புதிய இணை இயக்­கு­னர்­கள் நிய­மிக்­கப்­பட்­டுள்­ள­னர். இவர்­கள் இரு­ வ­ரும் ஓய்வு பெற்ற வரு­வாய் துறை அதி­கா­ரி­கள் என்­பது குறிப்­பி­டத்­தக்­கது.