காஞ்சிபுரம், மே 19 –-
காஞ்சிபுரம் தெற்குமாவட்ட பொது உறுப்பினர் கள் கூட்டம் உத்திரமேரூர்பிரியா மஹாலில் நேற்று முன்தினம் (ஞாயிற்றுக்கிழமை) காலை கழக அவைத்தலைவர் ச.இனியரசு தலைமையில் நடைபெற்றது.
மாவட்ட கழக செயலாளர் க.சுந்தர் கூட்டத்தில் கலந்து கொண்டவர்கள் அனைவரையும் வரவேற்று பேசினார்.
இதில் மாவட்ட கழக நிர்வாகிகள் ஓ.எஸ்.தினகரன், க.செல்வம் எம்.பி, திருமதி மலர்விழி குமார், சன் பிராண்டு ஆறுமுகம், முன்னாள் சட்டமன்ற உறுப்பினர்கள் சி.வி.எம்.பி.எழிலரசன், ஆர். டி.அரசு, தலைமை செயற்குழு உறுப்பினர்கள் என்.ஆர்.நாராயணன், எஸ்.ஆர்.அப்பாதுரை, மாநகர செயலாளர் சி.கே.வி.தமிழ்ச்செல்வன், மாநில நெசவாளர் அணி ஜி.சுகுமாரன், மாநில வர்த்தக அணி துணைச் செயலாளர் வி.எஸ்.ராமகிருஷ்ணன், காஞ்சிபுரம் மேயர் திருமதி மகாலட்சுமி யுவராஜ், பொதுக்குழு உறுப்பினர்கள் வெளிக்காடு ஏழுமலை, எஸ்.உசேன், எஸ்.கே. ராஜேந்திரன், பொன் சசி குமார், நகர செயலாளர் கே.குமார், ஒன்றிய செயலாளர்கள் கெ.ஞானசேகரன், பி.எம். குமார், க.குமணன், டி.குமார், பொன் சிவகுமார், பி.எம்.பாபு, சத்ய சாய், கே.கண்ணன், ஜி. தம்பு, டிவி கோகுல கண்ணன், ஏழுமலை, சிற்றரசு, எம்.எஸ்.பாபு, சரவணன், கே.எஸ்.ஆர்.கார்த்திகேயன், மதுராந்தகம் சட்டமன்ற தொகுதியில் போட்டியிட்ட கழக வேட்பாளர் திருமதி அமலு பொன்மலர், பகுதி செயலாளர்கள் எஸ்.சந்துரு, சு.வெங்கடேசன், அ.தசரதன், கே.திலகர்,
பேரூர் செயலாளர்கள் மாவட்டம் என்.எஸ்.பாரி வள்ளல்,ஆ.சுந்தரமூர்த்தி, மோகன் தாஸ், வி.எழிலரசன், மாவட்ட அணிகளின் அமைப்பாளர்கள் அ.யுவராஜ், குணசேகரன், ஆ.செல்வி, வ.மலர்மன்னன், பா.கார்த்திகேயன், எஸ்.மாலதி, சி.ராதாகிருஷ்ணன், அப்துல்நபில், பாரத், தெய்வசிகாமணி, மாவட்ட இளைஞரணி துணை அமைப்பாளர்கள் பெ. மணி, டி.சஞ்சய் காந்தி, அண்டோ சீரில் ராஜ் உள்ளிட்ட பலர் கலந்து கொண்டனர்.
நிறைவாக மாவட்ட கழக செயலாளர் க.சுந்தர் தீர்மானங்களை விளக்கிப் பேசினார்.
இக் கூட்டத்தில் நிறைவேற்றப்பட்ட தீர்மானங் கள் வருமாறு :-
தீர்மானம் -1
நடந்து முடிந்த சட்டமன்றத் தேர்தலில் காஞ்சிபுரம் தெற்கு மாவட்டத்தில் மதச்சார்பற்ற முற்போக்கு கூட்டணி சார்பில் போட்டியிட்ட வேட்பாளர்களுக்கு வாக்களித்த பொதுமக்களுக்கு நெஞ்சார்ந்த நன்றியை இக்கூட்டம் தெரிவித்துக் கொள்கிறது. மேலும் தேர்தல் பணியாற்றிய கூட்டணி கட்சிகள், விடுதலை சிறுத்தை, கம்யூனிஸ்ட் கட்சிகள், இந்திய யூனியன் முஸ்லிம் லீக், உள்ளிட்ட கூட்டணி கட்சிகளுக்கு நன்றியையும். அதே நேரத்தில் நன்றி கூட சொல்லாத காங்கிரஸ்க்கு கண்டனத்தையும் இக்கூட்டம் தெரிவித்துக் கொள்கிறது.
தீர்மானம் -2
தி.மு.கழகம் பல வெற்றி தோல்விகளை கண்ட இயக்கம் வெற்றி என்பதை விட தோல்வியில் தான் தி.மு.கழகம் உயிர்ப்புடன் செயல்பட்டு பீனிக்ஸ் பறவை போல் மீண்டும் வீறு கொண்டு எழும் என்பதினால் நமது கழகத் தோழர்கள் தோல்வியைக் கண்டு துவண்டுவிட வில்லை. மீண்டும் காஞ்சிபுரம் தெற்கு மாவட்ட தி.மு.கழகம் மக்கள் பணியில் தீவிரமாக ஈடுபடுவோம் என்பதினை இக் கூட்டம் உறுதிபட தெரிவித்துக் கொள்கிறது.
தீர்மானம் -3
கழகத் தலைவர் தளபதி அவர்கள் கொளத்தூர் தொகுதியில் போட்டியிட்டு வெற்றி வாய்ப்பை இழந்து விட்டாலும் நம்மை தேற்றக்கூடியவகையில் அவர் கூறிய ஒவ்வொரு வார்த்தையும் நமது நெஞ்சில் ஆழமாக பதிந்துவிட்ட ஒன்றாகும்.
வெற்றி பெற்றால் அவ் வெற்றிக்கு தான் காரணம் என்பதினைப் போல தோல்விக்கும் நானே பொறுப்பேற்றுக் கொகிறேன் என்று கூறிய வார்த்தைகள் வேறு எந்த தலைவரும் கூறிடாத வார்த்தை, கழகத் தலைவரின் நெஞ்சுறுதி நம்மையெல்லாம் வியக்க வைக்கிறது. அவரது உறுதிமிக்க சொற்கள் நம் பணிக்கு மேலும் உற்சாகம் ஊட்டக் கூடிய வகையில் அமைந்திருக்கிறது அவரது சொற்களை நெஞ்சில் ஏந்தி நாம் தீவிரமாக களப் பணி ஆற்றுவோம் என்பதினை இக் கூட்டம் உறுதிபட தெரிவித்துக் கொள்கிறது.
தீர்மானம் 4
நடந்து முடிந்த சட்டமன்றத் தேர்தலில் தி.மு.கழகம் பெரும்பாலான இடங்களில் வெற்றி வாய்ப்பை இழந்து விட்டது என்று நினைத்து பார்க்கவே முடிய வில்லை. கடந்த 5 ஆண்டு களில் நிறைவேற்றப்பட்ட மக்கள் நலத் திட்டங்கள் எத்தனை எத்தனை? கழகத் தலைவர் அவர்களின் சீரிய சிந்தனையில் நிறைவேற்ற ப்பட்ட திட்டங்கள் இன்றைக்கு இந்தியா முழுவதும் விரிவுபடுத்தப்பட்டு பல்வேறு மாநிலங்களில் நிறைவேற்றப்பட்டுக் கொண்டு இருக்கின்றன என்ற பெருமை கழகத் தலைவர் அவர்களுக்கு உண்டு. மீண்டும் ஒரு முறை நமது கழகத் தலைவர் தலைமையில் ஆட்சி அமைந்திருக்குமேயானால் மேலும் தமிழ்நாடு வளர்ச்சி பெற்று இருக்கும், தமிழ் நாட்டு மக்கள் மேலும் வளர்ச்சி அடைந்து இருப்பார்கள். தலைவர் அவர்கள் தலைமையிலான தி.மு.க. கூட்டணிக்கு மக்கள் வாக்களிக்கத் தவறி விட்டார்கள். மக்களுக்காக உழைத்த தலைவருக்கு இது தோல்வி அல்ல, மக்களுக்கான தோல்விதான் இது என்பதினை இக் கூட்டம் தெரிவித்துக் கொள்கிறது.
தீர்மானம் 5
தமிழ்நாட்டில் திராவிட இயக்கத்தை தோற்றுவித்த டாக்டா சி. நடேசனார், டாக்டர் டி.எம். நாயர், சர் பிட்டி தியாகராயர் போன்றோர் வழியில்தந்தை பெரியார், பேரறிஞர் அண்ணா கொள்கைகளை நமக்கு போதித்த பெருந் தலைவர் முத்தமிழறிஞர் கலைஞர் அவர்களின் 103 வது பிறந்த நாள் ஜூன் 3 ஆம் தேதி ஆகும். தமிழ்நாடு முன்னேற்றப் பாதையில் அடியெடுத்து வைத்திட முத்தமிழறிஞர் கலைஞர் அவர்கள் தீட்டிய திட்டங்கள் ஒன்றா இரண்டா கைரிக்ஷா ஒழிப்பு, இரவலர் மறு வாழ்வு, கண்ணொளி வழங்கும் திட்டம், விவசாயி களுக்கு முதன் முதலாக இலவச மின்சாரம், பெண்கள் முன்னேற்றத்திற்கு எண்ணற்ற திட்டங்கள், சொத்தில் சமஉரிமை, மகளிர் சுய உதவிக் குழுக்கள், திருமண நிதி உதவித் திட்டம், கருவுற்ற பெண்களுக்கு நிதி உதவித் திட்டம், அரசு வேலைவாய்ப்பில், உள்ளாட்சியில் பெண்களுக்கு இட ஒதுக்கீடு, ஏழை விவசாயிகளுக்கு இலவச நிலம், கலைஞர் மருத்துக் காப்பீடு திட்டம், இலவச கலர் டி.வி. உயர்கல்வி வரை இலவச கல்வி மருத்துவம் பெறியியல் படிப்புகளுக்கு நுழைவுத் தேர்வு ரத்து, அனைத்து சாதியினரும் அர்ச்சகராகலாம் என்று இப்படி அடுக்கிக் கொண்டே போகலாம்.
அது மட்டுமா, நமது தமிழ்நாட்டு மக்களுக்கு தேவையான திட்டங்களை, உழைப்பை நல்கிட நமக்கு அவர் வடித்தெடுத்த முத்துவேல் கருணாநிதி ஸ்டாலின் வழியில் உதயநிதி ஸ்டா லின் என்று இரு உழைப்பாளிகளை மக்களுக்கு சேவையாற்ற நமக்கு வழங்கி இருக்கிறார். இதனை விட திராவிட இயக்கம் என்ற தி.மு.கழகத்தின் பேரியக்கத்திற்கு வேறு என்ன வேண்டும். அப்பேர்பட்ட திராவிட இயக்க பெருந்தலைவர் முத்தமிழறிஞர் கலைஞர் அவர்களின் பிறந்த நாளான ஜூன் 3 ஆம் தேதி அன்று காஞ்சிபுரம் தெற்கு மாவட்டம் முழுவதும் கழகக்கொடி ஏற்றி அறுசுவை உணவு வழங்கி ஏழை எளிய மக்களுக்கு பல்வேறு நல உதவிகளை வழங்கி மிக எழுச்சியுடன் கொண்டாடுவோம் என்று இப் பொது உறுப்பினர்கள் கூட்டம் தீர்மானம் நிறைவேற்றப்படு கிறது.
தீர்மானம் 6
முத்தமிழறிஞர் கலைஞர் பிறந்த நாளை காஞ்சிபுரம் தெற்குமாவட்டம் முழுவதும் இனிப்பு அறுசுவை உணவு நல உதவிகள் வழங்கிஎழுச்சியுடன் கொண்டாடுவோம்!
இவ்வாறு மாவட்டக் கூட்டத்தில் தீர்மானம் நிறைவேற்றி மாவட்டச் செயலாளர் க.சுந்தர் அறிவித்துள்ளார்.