சென்னை, மே.19–
திரைப்படத் தயாரிப்பாளரும் நடிகருமான கே.ராஜன் அவர்கள் நேற்று முன்தினம் மறைவுற்றார் என்பதை அறிவிக்க வருந்துகிறோம்.
அன்னாரின் மறைவுக்கு இரங்கல்
தெரிவித்து, கழகத் தலைவர்
மு.க.ஸ்டாலின் அவர்கள் விடுத்துள்ள செய்தி வருமாறு :–
திரைப்படத் தயாரிப்பாளரும் நடிகருமான திரு.கே.ராஜன் அவர்கள் தற்கொலை செய்துகொண்டு உயிரிழந்தார் என்ற செய்தியறிந்து மிகவும் வருந்தினேன். அவரது மறைவுக்கு எனது ஆழ்ந்த இரங்கலைத் தெரிவித்துக் கொள்கிறேன்.
திரைத்துறையின் முன்னேற்றத்திற்காகவும் சிறு தயாரிப்பாளர்களின் நலனுக்காகவும் எப்போதும் துணிச்சலுடன் குரல் கொடுத்து வந்தவர் ராஜன்
அவர்கள்.
திரைப்பணியோடு கல்விப் பணியும் ஆற்றியவர். தமிழ்த் திரைப்படங்
களுக்குத்தமிழிலேயே தலைப்பு வைக்க வேண்டும் என்று தொடர்ந்து வலியுறுத்தி வந்தவர்.
தனிப்பட்ட முறையில் என்மீது மிகவும் அன்பு செலுத்திய ராஜன் அவர்கள், தனது பேச்சில் எப்போதும் திரைத்துறையின் அடித்தளத்தில் பணி யாற்றும் தொழிலாளர்களின் நலனை முன்னிறுத்தியே பேசுவார்.
அன்னாரை இழந்து வாடும் கலைத்துறையினருக்கும், அவரது குடும்பத்தினருக்கும் இந்தத் துயரத்தைத் தாங்கும் வலிமைகிடைக்கட்டும். அவர்களுக்கு எனது ஆறுதலைத் தெரிவித்துக் கொள்கி றேன்.
இவ்வாறு கழகத் தலைவர் மு.க.ஸ்டாலின் அவர்கள் அந்த இரங்கல் செய்தியில் குறிப்பிட்டுள்ளார்.