விழுப்புரம், மே.19–
விழுப்புரம் சென்னை பைபாஸ் சாலையில் மறைந்த முன்னாள் வேளாண் துறை அமைச்சர் கோவிந்தசாமிக்கு நினைவு மண்டபம் கட்டப்பட்டுள்ளது . இவரது 57 ஆம் ஆண்டு நினைவு தினத்தை ஒட்டி நேற்று அரசு சார்பில் வருவாய் கோட்டாட்சியர் முருகேசன் ஏ .ஜி கோவிந்தசாமி அவர்களின்சிலைக்கு மாலை அணிவித்துமரியாதை செலுத்தினார்.
இதை அடுத்து திமுக சார்பில் முன்னாள் விக்கிர வாண்டி தொகுதி சட்டமன்ற உறுப்பினர் அன்னியூர் சிவா, டாக்டர் இளங்கோவன் ஆகியோர் கோவிந்தசாமி சிலைக்கு மாலை அணிவித்து மரியாதை செலுத்தினர். அதனை தொடர்ந்து திமுக நிர்வாகிகளுக்கு அன்னதானம் வழங்கப்பட்டது.
இதில் நிர்வாகி கள் பெருந்திரளாக கலந்துகொண்டு ஏ.ஜி.கோவிந்தசாமி சிலைக்கு மலர் தூவி அஞ்சலி செலுத்தினர். இந்த நிகழ்ச்சியில் முன்னாள் எம்.எல்.ஏ அன்னியூர் சிவா ‘அடுத்து வரவுள்ள முன்னாள் அமைச்சர் ஏ. ஜி கோவிந்தசாமி பிறந்தநாள் நிகழ்ச்சியின் போது இந்த மணிமண்டபத்தில் நிர்வாகி களுக்கான இலவசம் மருத்துவ முகாம் நடத்துவதற்கான ஏற்பாடு செய்யப்படும்’ என தெரிவித்தார்.
இந்நிகழ்வில் காணை வடக்கு ஒன்றிய கழக செயலாளர் ஆர்.முருகன், காணை மத்திய ஒன்றிய கழக செயலாளர் ஆர்.பி.முருகேசன், தெற்கு மாவட்ட விவசாய அணித் தலைவர் பாபு, ஜீவானந்தம், திருவண்ணைநல்லூர் ஒன்றிய பொருளாளர் எம்.கே.கிருஷ்ணமூர்த்தி, வி.சாமளா, ஒன்றிய குழு உறுப்பினர்கள் சாவித்திரி பாலு, ஊராட்சி மன்ற தலைவர்கள் கடையம் விஜயகுமார், அத்தியூர் திருக்கை பாண்டியன், மாவட்ட மகளிர் அணித் தலைவர் சிவமகேஸ்வரி மற்றும் மாவட்ட, ஒன்றிய, பேரூர் மற்றும் கிளை கழக நிர்வாகிகள் கலந்துகொண்டனர்.
கழகக் காவலர், முன்னாள் அமைச்சர் ஏ.கோவிந்தசாமி அவர்களின் 57ஆம் ஆண்டு நினைவு நாளையொட்டி விழுப்புரம் நெடுஞ்சாலையிலுள்ள அவரது நினைவு மண்டபத்தில் அவரது திருவுருவச் சிலைக்கு முன்னாள் சட்டமன்ற உறுப்பினர் அன்னியூர் சிவா மாலை அணிவித்து மரியாதை செலுத்தினார். உடன் கழக நிர்வாகிகள் உள்ளனர்.