வேலூர், மே 20 –-
வேலூர் தெற்கு மாவட்ட தி.மு.க. செயற்குழு கூட்டம் மாவட்ட தி.மு.க., அலுவலகத்தில் நடந்தது.
கூட்டத்திற்கு மாவட்ட அவைத்தலைவர் தி.அ. முகமதுசகி தலைமை தாங்கினார்.
கூட்டத்தில் தெற்கு மாவட்டச் செயலாளர் ஏ.பி.நந்தகுமார் கலந்து கொண்டு சிறப்புரை ஆற்றினார்.
கூட்டத்தில் மாவட்ட பொருளாளர் எஸ். தாமோதரன், வேலூர் மாநகர செயலாளர் ப.கார்த்தி கேயன், முன்னாள் எம்.எல்.ஏ., அமலு விஜயன், மாவட்ட ஊராட்சி குழு தலைவர் மு.பாபு, மாநகராட்சி மேயர் சுஜாதா மற்றும் ஒன்றிய செயலாளர்கள், பகுதி செயலாளர்கள் உள்பட பலர் கலந்து கொண்டனர்.
நடந்து முடிந்த சட்டமன்ற பொது தேர்தலில் தி.மு.க.,வின் மதச்சார்பற்ற முற்போக்குக் கூட்டணி சார்பில் போட்டியிட்ட வேலூர் தொகுதி வேட்பாளர் ப.கார்த்திகேயன், அணைக்கட்டு தொகுதி வேட்பாளர்ஏ.பி.நந்தகுமார் ஆகியோருக்குஉதயசூரியன் சின்னத்திலும், குடியாத்தம் தொகுதி தே.மு.தி.க., வேட்பாளர் கே.பி. பிரதாபுக்கு முரசு சின்னத்திலும் வாக்களித்தவர்களுக்கும், வாக்களிக்காதவர்களுக்கும், தேர்தல் களப்பணி ஆற்றிய மதசார்பற்ற முற்போக்கு கூட்டணி நிர்வாகிகள் அனைவருக்கும் நன்றியை தெரி வித்து தீர்மானம் நிறை வேற்றப்ப ட்டது.
தொடர்ந்து சென்னை அண்ணா அறிவாலயத்தில் தலைவர் மு.க.ஸ்டாலின் தலைமையில் நடைபெற்ற மாவட்ட செயலாளர்கள் கூட்டத்தின் வாயிலாக தலைவர் ஆற்றிய உரையினை கவனத்தில் கொண்டு நாம் ஒவ்வொருவரும், நம்மை நாமே சுய பரிசோதனைக்கு உட்படுத்தி உண்மையான உடன்பிறப்புகளாக நம்மை முன்னெடுத்து கட்சியின் தலைவர் எடுக்கும் அத்தனை முடிவுகளையும் உள்வாங்கி எதிர்கால அரசியல் களத்தை நமது அயராது உழைப்பால் கட்டமைத்து வெற்றியை நோக்கி பணி ஆற்றுவோம். தோல்வியில் இருந்து மீண்டு தலைவர் மு.க. ஸ்டாலின் தலைமையில் திராவிட மாடல் ஆட்சியை அமைப்போம் எனவும்,
ஜூன் 3ந் தேதி முத்தமி ழறிஞர் கலைஞரின் 103 வது பிறந்த நாளை வேலூர் தெற்கு மாவட்டத்திற்கு உட்பட்ட மாநகர, ஒன்றிய, நகர, பகுதி மற்றும் பேரூர் அமைப்புகளில் நலத்திட்ட உதவிகளை வழங்கி கொண்டாட வேண்டும் எனவும்,
நடந்து முடிந்த சட்டமன்ற பொது தேர்தலில் மதசார்பற்ற முற்போக்கு கூட்டணி சார்பில் தேர்தல் களம் கண்டு வெற்றி வாகை சூடி தேர்வு பெற்ற சட்டமன்ற உறுப்பினர்களுக்கும் அதன் வாயிலாக சட்டமன்ற எதிர்க்கட்சி தலைவராக தேர்வு பெற்ற கட்சியின் இளைஞர் அணி செயலாளர்உதயநிதி ஸ்டாலினுக்கும் வாழ்த்தையும், பாராட்டையும் தெரிவிப்பது.
அதே வேளையில் கூட்டணி தர்மத்திற்கு எதிராக சுயநலத்தோடு, அநாகரிகமாக நடந்து கொண்ட காங்கிரஸ் கட்சிக்கு கண்டனத்தை தெரிவிப்பது என்பன உள்பட பல தீர்மா னங்கள் நிறைவேற்றப் பட்டன.