சேலம், மே 20–
அனைத்துத் தரப்பு மக்களுக்குமான ஆட்சியை நடத்தி திட்டங்களை வகுத்து அளித்தவர் தி.மு.க. தலைவர் என்று முன்னாள் அமைச்சர் ராஜேந்திரன் புகழாரம் சூட்டினார்.
தி.மு.க. தலைவர் உத்தரவிற்கிணங்க சேலம் வடக்கு சட்டமன்றதொகுதியில் மதச்சார்பற்றமுற்போக்கு கூட்டணி கட்சிகளின் சார்பில் போட்டியிட்ட முன்னாள் அமைச்சர் சேலம் மத்திய மாவட்ட தி.மு.க. செயலாளர் ராஜேந்திரன் வடக்கு சட்டமன்ற தொகுதிக்குட்பட்ட பல்வேறுபகுதிகளுக்கு நேரில் சென்றுவாக்காளர்களுக்கு நன்றி தெரிவித்து வருகிறார்.
இதன் ஒரு பகுதியாக கன்னங்குறிச்சி பேரூராட்சிக்குட்பட்ட மாரியம்மன் கோவில் திடலில் வாக்காளர்களை நேரில் சந்தித்த முன்னாள் அமைச்சர் ராஜேந்திரன் கடந்த ஐந்து ஆண்டுகளாக மகளிர் மாணவர்கள் தொழிலாளர்கள் நெசவாளர்கள் விவசாயிகள் என அனைத்து தரப்பு மக்களுக்குமான திட்டங் களை நிறைவேற்றி இந்தியாவே வியக்கும் வகையில் ஆட்சி நடத்தியவர் தி.மு.க. தலைவர் என்று பேசிய அவர், தற்போது வெற்றி வாய்ப்பை இழந்தாலும் மக்களுக்கான பணியில் தொடர்ந்து ஈடுபடுவோம் என்றும் தி.மு.க. என்பது மக்களுக்கான இயக்கம் என்றும் பெருமிதத்தோடு கூறிய அவர் கடந்த ஐந்து ஆண்டுகளில் சேலம் மாவட்டத்தில் நிறை வேற்றப்பட்ட திட்டங்களை எடுத்துரைத்து வாக்காளர்களுக்கு நன்றி தெரிவித்தார்.
இந்த நிகழ்வில் கன்னங்குறிச்சி பேரூர் கழக செயலாளர் தமிழரசன் பொதுக்குழு உறுப்பினர் நாசர் கான் சேலம் மாநகர செயலாளர் ரகுபதி உள்ளிட்ட பலரும் கலந்து கொண்டனர்.
தென்காசி வடக்கு மாவட்டம் சிவகிரி பேரூர் கழக பொறுப்பாளர் சேது சுப்பிரமணியன் (வயது 46) அவர்கள் திடீர் உடல் நலக்குறைவு காரணமாக இயற்கை எய்தினார்.அன்னாரது உடலுக்கு தென்காசி வடக்கு மாவட்ட செயலாளர்,வாசுதேவநல்லூர் சட்டமன்ற உறுப்பினர் ஈ.ராஜா,மலர் வளையம் வைத்து அஞ்சலி செலுத்தினார்.உடன் மாநில மருத்துவரணி துணைச் செயலாளர் செண்பக விநாயகம்,ஒன்றிய செயலாளர் பெரியதுரை ஆகியோர் உள்ளனர்.