தஞ்சை, மே 20 –
‘‘நம்பிக்கையோடு பணியாற்றுங்கள், மீண்டும் நாம்தான் ஆட்சிக்கு வருவோம்’’ என்று கழகத் தலைவர் மு.க.ஸ்டாலின் அவர்கள் தஞ்சையில் நடைபெற்ற பூண்டி கலைவாணன் எம்.எல்.ஏ., இல்ல மணவிழாவில் உரையாற்றும்போது கூறினார்.
கழகத் தலைவர் மு.க.ஸ்டாலின் அவர்கள் தஞ்சாவூரில் நேற்று முன்தினம் நடைபெற்ற பூண்டி கலைவாணன்
எம்.எல்.ஏ. அவர்களின் இல்லத் திருமண விழாவில் கலந்துகொண்டு ஆற்றிய உரை வருமாறு:–
பூண்டி கலைச்செல்வன் – திருமதி
மல்லிகா ஆகியோரின் குமாரி திருநிறைச் செல்வி டாக்டர் கலையழகி அவர்களுக்கும், நந்தகோபால் மேற்கொண்டார் -– திருமதி சோபனா ஆகியோரின் குமாரன் திருவளர்ச்செல்வன் டாக்டர் ராம்பாலாஜி அவர்களுக்கும், நம்முடைய அன்பான வாழ்த்துக்களோடு இந்த மணவிழா நிகழ்ச்சி நிறைவேறி இருக்கிறது.
முத்தமிழறிஞர் தலைவர் கலைஞர் அவர்களின் நண்பர் என்ற பெருமையைப் பெற்ற, நினைவில் வாழும் பூண்டி கிருஷ்ணசாமி அவர்களின் இல்லத்தில் நடக்கும் இந்தத் திருமண விழாவில், நாம் எல்லாம் கலந்து கொண்டு மணமக்களை வாழ்த்திக் கொண்டிருக்கிறோம்.
அதிலும் குறிப்பாக, இந்த மணவிழா நிகழ்ச்சிக்குத் தலைமைப் பொறுப்பேற்று, மணவிழாவை நடத்தி வைத்து, அதே நேரத்தில் மணமக்களை வாழ்த்தும் ஒரு சிறப்பான வாய்ப்பைப் பெற்றமைக்காக நான் மிகுந்த மகிழ்ச்சி அடைகிறேன், பெருமைப்படுகிறேன்.
கழகம் தொடங்கிய நாளிலிருந்து கொரடாச்சேரி பகுதியில் பேரூர் கழகச் செயலாளர் பொறுப்பேற்று, கழகம்
நடத்தியிருக்கும் போராட்டங்கள் அனைத்திலும் பங்கெடுத்தவர் நம்முடைய
பூண்டியார் அவர்கள்.
பூண்டி கலைவாணனின்
இயக்கப் பணி!
அவருடைய வழியில் இயக்கப் பணியாற்றி, கழகத் தோழர் இல்லங்களில், உள்ளங்களில் சிறப்பான இடத்தைப்
பெற்றவர் நம்முடைய கழகத் தீரர் பூண்டி கலைச்செல்வன் அவர்கள்.
அவருடைய அருமைத் தம்பியாக, இன்றைக்கு இந்தத் திருவாரூர் மாவட்டக் கழகப் பொறுப்பேற்றுப் பணியாற்றிக் கொண்டிருக்கும் திருவாரூர் சட்டமன்ற உறுப்பினர் பூண்டி கலைவாணன் அவர்கள், இன்றைக்கு இந்த மணவிழா நிகழ்ச்சிக்குப் பொறுப்பேற்று இதைச் சிறப்பான வகையில் நடத்திக் கொண்டிருக்கிறார்.
இவ்வாறு ஆயிரக்கணக்கான குடும்பங்கள், இன்றைக்கு இந்த இயக்கத்திற்காக உழைத்துக் கொண்டிருக்கிறது, பணியாற்றிக் கொண்டிருக்கிறது, பாடுபட்டுக் கொண்டிருக்கிறது. அதைத்தான்
நம்முடைய தம்பி உதயநிதி அவர்கள்