சென்னை, மே 20–
மாநிலத்தின் நிதி நிர்வாகம் குறித்தான சாதாரண அடிப்படைப் புரிதல் இல்லாமலும், “பத்தரை லட்சம் கோடி எடுத்துட்டு கழுவிட்டுப் போய்ட்டாங்க” என்று போகிற போக்கில் புழுதி வாரித் தூற்றுவதா? என்று அமைச்சர் கீர்த்தனாவுக்கு முன்னாள் அமைச்சர் தங்கம் தென்னரசு கண்டனம் தெரிவித்துள்ளார்.
தமிழக தொழில்துறை அமைச்சர் கீர்த்தனா அண்மையில் பேசுகையில், முன்னாள் அரசு பத்தரை லட்சம் கோடி ரூபாயை எடுத்துக்கிட்டு கழுவிவிட்டு போய்ட்டாங்க” என்பது போல பேசியிருந்தார். இதற்கு முன்னாள் அமைச்சர் தங்கம் தென்னரசு பதிலடி கொடுத்துள்ளார்.
இது குறித்து முன்னாள் அமைச்சர் தங்கம் தென்னரசு தனது சமூக வலைதளப்பதிவில் கூறியிருப்ப
தாவது: –
முற்றிலும் உண்மைக்குப் புறம்பாகவும், மாநிலத்தின் நிதி நிர்வாகம் குறித்தான சாதாரண அடிப்படைப் புரிதல் இல்லாமலும், “பத்தரை லட்சம் கோடி எடுத்துட்டு கழுவிட்டுப் போய்ட்டாங்க” என்று போகிற போக்கில் புழுதி வாரித் தூற்றி, புதிதாக நியமிக்கப்பட்டுள்ள தொழில்துறை அமைச்சர் அவதூறு பரப்புவதும், உள் நோக்கோடு கழகத்திற்கு எதிராக ஆதாரமில்லாமல் மக்களிடையே ஒரு மாய பிம்பத்தை சமூக வலைதள ஜோடனைகள் மூலம் கட்டமைக்க முயற்சிப்பதும், விஷமத்தனமானது மட்டுமல்ல; வன்மையாகக் கண்டிக்கத்தக்கனவும் ஆகும். அரசு நிர்வாகத்தில் அனுபவமின்மை காரணமாக, மக்களை ஏமாற்றிக் குழப்பும் வகையில் தமிழ்நாட்டின் நிதி நிர்வாகம் குறித்து இட்டுக்கட்டிக் கூறுவது அவரது முதிர்ச்சி யின்மையைக் காட்டுகிறது எனினும், அரசு நிர்வாகத்திலும், அமைச்சரவையிலும் பல ஆண்டுகள் அனுபவமிக்கவரான நிதி அமைச்சர் செங்கோட்டையனும், நிதித்துறை நிர்வாக நடைமுறைகளில் நேரடி அனுபவமிக்க தற்போதைய நிதித்துறை செயலாளரும் இடித்துரைத்து தொழில் துறை அமைச்சரின் கற்பனைக் குதிரைக்குக் கடிவாளம் போட்டு நிறுத்த முன்வருவார்களா? அல்லது பொய்யும், புனைகதை களும் மிக்க இத்தகைய மலிவான பிரசாரங்
களுக்குத் துணை போகப் போகிறார்களா?
இவ்வாறு பதிவில் கூறப்பட்டுள்ளது.
முன்னாள் முதல்வர் மு.க.ஸ்டாலின் பதிலடி!
தமிழக முதல்வராக கடந்த 10ம் தேதி ஜோசப் விஜய் பதவியேற்றார். அவர், தனது முதல் உரையிலேயே தமிழக அரசின் கஜானா முழுவதும்துடைக்கப்பட்டு இருப்பதாக குறை கூறினார். இதற்கு முன்னாள் முதல்வர் மு.க.ஸ்டாலின் பதிலடி கொடுத்து இருந்தார். அதாவது, “அனுமதிக்கப்பட்ட வரம்புக்கு உட்பட்டே தமிழ்நாட்டின் கடன் அளவு இருக்கிறது.
தமிழ்நாடு அரசின் நிதிநிலை பற்றி கடந்த பிப்ரவரி மாதம் பட்ஜெட்லேயே தெளிவா நாங்க சொல்லிட்டோம். அது உங்களுக்குத் தெரியாதா? அதுக்குப் பிறகுதான நீங்க பல வாக்குறுதிகளை மக்களுக்குக் கொடுத்தீங்க?” என்றும் கூறியிருந்தார். இந்த நிலையில் தொழில்துறை அமைச்சர் கீர்த்தனா வும் அவ்வாறே பேசியிருப்பது மீண்டும் சர்ச்சைக்கு வழிவகுத்துள்ளது.
கண்டிக்கத்தக்கது!
ஆதாரமில்லாமல் மக்களிடையே ஒரு மாய பிம்பத்தை சமூக வலைதள ஜோடனைகள் மூலம் கட்டமைக்க முயற்சிப்பதும், விஷமத்தனமானது மட்டுமல்ல; வன்மையாகக் கண்டிக்கத்தக்கனவும் ஆகும்.