சென்னை, மே 20 –
மக்களிடம் திட்டமிட்டு தவறான பொய் தகவல்களை த.வெ.க.,வினர் பரப்பி வருவதாக ‘தி இந்து’ ஆங்கில நாளேடு விமர்சித்துள்ளது. மேலும், த.வெ.க.,வினரின் பித்தலாட்டத்தையும் ஆதாரங்களோடு அந்த நாளேடு அம்பலப்படுத்தியுள்ளது.
ஊடகங்கள் மற்றும் சமூக வலை தளங்களில் விஜய் மற்றும் த,வெ,க,
பற்றிய செய்திகளே வர வேண்டும் என Narrative செட் செய்து பொய்த் தகவல்களை த.வெ.க. பரப்பி வருகிறது.
ஒவ்வொரு மணிநேரத்திற்கு ஒருமுறை, ஊடகங்களில் விஜய் மற்றும் த.வெ.க. பற்றிய செய்திகளே வர வேண்டும்
என்பதற்காக திட்டமிட்டு பொய் தகவல்களை பரப்புகின்றனர்.
இந்நிலையில், சமூக வலைதளங்கள் மூலம் மக்களிடம் திட்டமிட்டு தவறான தகவல்களை பரப்பி த.வெ.க. வெற்றி பெற்றுள்ளதாக ஆதாரங்களோடு ‘தி இந்து’ ஆங்கில நாளேடு குற்றம்சாட்டி யுள்ளது. த.வெ.க. வேட்பாளர்கள் சாதாரண குடும்பத்தைச் சேர்ந்தவர்கள் அல்ல என்றும், கோடீஸ்வரர்களாக உள்ளனர் என்பது அவர்களது வேட்புமனுவிலேயே உறுதி செய்யப்பட்டிப்பதாகவும் ‘தி இந்து’ ஆங்கில நாளேடு தெரிவித்துள்ளது.
அப்பட்டமான
பொய்ச் செய்தி!
தமிழ்நாட்டில் த.வெ.க., ஆட்சியில்தான் முதன்முறையாக பெண் ஒருவர் அமைச்சராக நியமிக்கப்பட்
டிருக்கிறார் என்பது அப்பட்டமான பொய் என்று ‘தி இந்து’ சாடியுள்ளது.
தமிழ்நாட்டில் பெண் முதல மைச்சர்கள், பெண் அமைச்சர்கள் பதவியில் இருந்துள்ளார்கள் என்றும், முந்தைய தி.மு.க. ஆட்சியில் கீதா ஜீவன், கயல்விழி செல்வராஜ் ஆகியோர் அமைச்சர்களாக இருந்தனர் என்றும் எடுத்துரைக்கப்பட்டுள்ளது.
த.வெ.க.,வினரின் தேர்தல் பிரமாண பத்திரங்கள்மூலம் பல்வேறு தகவல்கள் வெளிவந்துள்ளன என்றும் த.வெ.க., வேட்பாளர்கள் ஒவ்வொருவரும் கோடீஸ்வரர்கள் என்பதும் தற்போது தெரியவந்துள்ளது
த.வெ.க., வேட்பாளர்களுக்கு கோடிக்கணக்கான சொத்துக்கள் உள்ளன.
த.வெ.க., வேட்பாளர்களுக்கு உயர் ரக கார்கள், அடுக்குமாடி குடியிருப்புகள் உள்ளன. எனவே தங்களை சாமானியர்கள் என்று தொடர்ந்து பொய்ச் செய்திகளை த.வெ.க.,வினர் பரப்ப வேண்டாம். த.வெ.க.,வினர் என்ன பொய் சொன்னாலும், அவர்களின் தேர்தல் பிரமாண பத்திரங்களே அதனை அம்பலப்படுத்திவிடும். த.வெ.க.வினர் கோடீஸ்வரர்கள் என்பது தேர்தல் ஆணையத்தில் அவர்கள் தாக்கல் செய்த தேர்தல் பிரமாண பத்திரங்களே சொல்கிறது.
தமிழ்நாட்டில்
2 பெண் முதலமைச்சர்கள்!
த.வெ.க.,வினர் பேசிய ஒவ்வொன்றையும் மக்கள் நினைவில் வைத்துள்ளனர். ஒருபோதும் மறக்கமாட்டார்கள். அதை தமிழ்நாட்டில் த.வெ.க., அரசில்தான் முதன்முறையாக பெண் ஒருவர் அமைச்சராக நியமிக்கப்பட்டிருக்கிறார் என்ற பொய் தகவலை பரப்பியுள்ளனர். தமிழ்நாட்டில் ஜெயலலிதா, ஜானகி ராமச்சந்திரன் ஆகிய 2 பெண் முதலமைச்சர்கள் இருந்துள்ளனர். ருக்மணி லட்சுமிபதி, ஜோதி வெங்கடாசலம், லூர்தம்மாள் சைமன், சத்தியவாணி முத்து ஆகியோர் தமிழ்நாட்டின் பெண் அமைச்சர்களாக இருந்து ள்ளனர். வளர்மதி, கோகுல இந்திரா, கீதா ஜீவன், கயல்விழி செல்வராஜ் ஆகியோரும் தமிழ்நாட்டின் பெண் அமைச்சர்களாக இருந்துள்ளனர் என
‘தி இந்து’ நாளேடு கூறியுள்ளது.