2020 ஆம் ஆண்டு குடியுரிமை திருத்த சட்ட மசோதாவுக்கு எதிராக கும்பகோணம் பகுதியில் அப்போதைய மாவட்டச் செயலாளரும், தற்போதைய மாநிலங்களவை உறுப்பினருமான சு.கல்யாணசுந்தரம் தலைமையில் நடைபெற்ற ஆர்ப்பாட்டத்தில் பங்கேற்ற சி.பி.ஐ.எம். மாவட்டச் செயலாளர் சின்னை பாண்டியன், வி.சி.க. தமிழருவி, மற்றும் இந்திய யூனியன் முஸ்லீம் லீக், மனித நேய மக்கள் கட்சி நிர்வாகிகள் முகமது இப்ராஹிம், சல்லி நசீர், சிக்கந்தர் அலி உள்ளிட்டோர் மீது கும்பகோணம் கிழக்கு காவல் துறை வழக்கு பதிவு செய்து மேற்படி வழக்கு தஞ்சாவூர் எம்.பி. எம்.எல்.ஏ சிறப்பு நீதிமன்றத்தில் நடைபெற்றது இவ்வழக்கை விசாரித்த நீதிபதி கனிமொழி அவர்கள் வழக்கை விசாரணை செய்து அனைவரையும் விடுதலை செய்தார். இவ்வழக்கில் வழக்கறிஞர்கள் ஆர்.சண்முகசுந்தரம், பா.விஜயகுமார், ஆர்.அன்பழகன் ஆகியோர் ஆஜர் ஆனார்கள். சு.கல்யாணசுந்தரம் எம்.பி மீது அ.தி.மு.க ஆட்சியில் தொடரப்பட்ட 26 பொய் வழக்குகளிலிருந்து விடுவிக்கப்பட்டுள்ளார் என்பது குறிப்பிடத்தக்கது.