#Title

கோவை 21.05.2026 சட்டமன்ற எதிர்க்கட்சித் தலைவராக தேர்ந்தெடுக்கப்பட்ட உதயநிதி ஸ்டாலினுக்கு வாழ்த்து! ஈரோடு தெற்கு மாவட்டக் கழக செயற்குழுக் கூட்டத்தில் தீர்மானம்!

ஈரோடு, மே 21–

ஈரோடு தெற்கு மாவட்ட கழக செயற்குழு கூட்டம் மாவட்ட அவைதலைவர் கே.குமார் முருகேஸ் தலைமையில் மாவட்டகழக செயலாளரும், முன்னாள் அமைச்சருமான சு.முத்துசாமி கலந்து கொண்டு சிறப்புரை யாற்றினார்.

கூட்டத்தில் கீழ்கண்ட தீர்மானங்கள் நிறை வேற்றபட்டன.

நடைபெற்று முடிந்த 2026 சட்டமன்ற தேர்தலில் திமுக கூட்டணிக்கு வாக்களித்த வாக்காள பெருமக்களுக்கு இக்கூட்டம் நன்றியை தெரிவித்துக் கொள்கிறது.

அனைத்து மாவட்டங்களிலும் மக்களோடு மக்களாக இணைந்து தேர்தல் பிரச்சாரம் செய்த கழகத் தலைவர் தளபதி அவர்களுக்கும் இளைஞரணி செயலாளர் உதயநிதி ஸ்டாலின் அவர்களுக்கும் மற்றும் தோழமைக் கட்சி தலைவர்களுக்கும் நன்றியை தெரிவித்துக் கொள்கிறது.

தேர்தலில் கடுமையாக பணியாற்றிய நிர்வாகிகள் கழகத் தோழர்கள் மற்றும் தோழமைக் கட்சி தலைவர்கள் அனைவருக்கும் நன்றியை தெரிவித்துக் கொள்கிறது.

தேர்தல் முடிவுகள் வந்த பின் கழகம் வெற்றி வாய்ப்பை இழந்தாலும் அன்றைக்கே மக்களை சந்தித்து நன்றியும் ஆறுதலையும் தெரிவித்து ஒட்டுமொத்த தமிழ்நாடும் நன்றியுடன் நினைத்து பார்க்க வைத்தும் சோர்வுள்ள கழகத் தோழர்களை மீண்டும் வீறு கொண்டு பணியாற்றும் விதத்தில் செயல்பட்ட கழகத் தலைவர் தளபதி அவர்களுக்கும் இக்கூட்டம் நன்றியை தெரிவித்துக் கொள்கிறது.

தமிழக சட்டமன்ற எதிர்க்கட்சித் தலைவராக பொறுப்பேற்று சட்டப்பேரவையின் முதல் கூட்டத்திலேயே மிகச் சிறப்பாக உரையாற்றி சிறந்த எதிர்க்கட்சித் தலைவர் என்று பெயரெடுத்த திமுக இளைஞரணி செயலாளர் உதயநிதி ஸ்டாலின் அவர்களுக்கும் இக்கூட்டம் பாராட்டுதலையும் வாழ்த்துக்களையும் தெரிவித்துக் கொள்கிறது.

சட்டமன்ற தேர்தல் முடிவுகள் வெளிவந்ததும் மாவட்டச் செயலாளர் கூட்டத்தைக் கூட்டி தோல்விக்கு நானே பொறுப்பேற்று கொள்கிறேன் என்று தலைமைப் பண்புக்கு மரியாதை ஏற்படுத்திக் கொடுத்த கழக தலைவர் தளபதி அவர்களுக்கும் இக்கூட்டம் மனமார்ந்த நன்றியையும் , வரவேற்பையும் தெரிவித்துக் கொள்கிறது.

மேற்கண்ட ஆய்வு கூட்டம் வரும் 21.5.2026 வியாழக்கிழமை அன்று ஈரோடு கிழக்கு சட்டமன்ற தொகுதிக்கும், 22.5.2026 வெள்ளிக்கிழமை அன்று ஈரோடு மேற்கு சட்டமன்ற தொகுதிக்கும் ஈரோடு மணல்மேடு மாவட்ட அலுவலகமான கலைஞர் அறிவாலயத்திலும் 23.5.2026 சனிக்கிழமை அன்று மொடக்குறிச்சி சட்டமன்ற தொகுதிக்கான கூட்டம் மொடக்குறிச்சி உதயம் அன்பகம் இளைஞரணி அலுவலகத்திலும் நடைபெற உள்ளது. ஒவ்வொரு கூட்டமும் அந்தந்த தேதியில் காலை 9 மணிக்கு தொடங்கும். எனவே கழக நிர்வாகிகள் மற்றும் தோழர்கள் கூட்டத்தில் கலந்து கொண்டு ஆலோசனைகளையும் கருத்துகளையும் தெரிவிக்குமாறு கேட்டுக் கொள்கிறோம்.

கடந்த ஐந்தாண்டு ஆட்சியில் ஈரோடு மாவட்டத்திற்கு எண்ணற்ற திட்டங்களையும், ஆயிரகணக்கான மக்களுக்கு நலத்திட்ட உதவிகளையும் கொடுத்ததோடு, நீண்ட காலமாக நிலுவையில் கிடந்த பல்வேறு பொதுமக்களின் பிரச்சினைகளுக்கு தீர்வு கண்டு கொடுத்த அன்றைய முதல்வர் கழகத் தலைவர் தளபதி அவர்களுக்கு மனமார்ந்த நன்றியை தெரிவித்துக் கொள்கிறது.

இவ்வாறு தீர்மானங்கள் நிறைவேற்றப்பட்டன.