#Title

களத்திலும் சமூக வலைதளங்களிலும் முத்தமிழறிஞர் கலைஞர் பிறந்த நாளை சிறப்பாகக் கொண்டாடுவோம்! கழக தகவல் தொழில்நுட்ப அணி செயலாளர் டி.ஆர்.பி.ராஜா அறிவிப்பு!

சென்னை, மே 21–

“முத்தமிழறிஞர் கலைஞர் பிறந்தநாள் விழாவைசிறப்பாகக் கொண்டாடுவோம்!

இளைய தலைமுறையை ஒருங்கிணைத்து களத்திலும் சமூக வலைதளத்திலும் கழகத் தலைவர் அவர்களின் கட்டளைப்படி தகவல் தொழில்நுட்ப அணி தீவிரமாக செயலாற்றும்!” என்று அணிச் செயலாளர் முனைவர் டி.ஆர்.பி.ராஜா தலைமையில் நடந்த ஆலோசனைக்கூட்டத்தில் தீர்மானம் நிறைவேற்றப்பட் டுள்ளது.

இதுகுறித்து டி.ஆர்.பி.ராஜா விடுத்துள்ள அறிக்கை வருமாறு:–

தி.மு.க தகவல் தொழில்நுட்பஅணியின் மாநில நிர்வாகிகள் ஆலோசனைக் கூட்டம் அணியின் செயலாளர் முனைவர் டி.ஆர்.பி.ராஜா தலைமையில் 19.05.2026 அன்று சென்னை அலுவலகத்தில் நடைபெற்றது.

இக்கூட்டத்தில் இணைச் செயலாளர் டாக்டர் மகேந்திரன், ஆலோசகர்கள் கவிஞர் மனுஷ்யபுத்திரன், கோவி லெனின் ஆகியோருடன் மாநிலதுணைச் செயலாளர்கள் சி.எச்.சேகர், நவீன், சுரேஷ், தமிழ்மாறன், தமிழ்மறை, கேசவன், மதுரை பாலா, எம்.கே.சிவா, திருமதி பத்மப்ரியா, தரணிதரன், விஜயா கதிரவன், அழகுராஜா, பி.எம்.ஸ்ரீதர், பாச.பிரபு, ஆ.க.அருண் உள்ளிட்டோர் கலந்து கொண்டனர்.

இந்தக் கூட்டத்தில் 2026 சட்டமன்றத் தேர்தலை முன்னிட்டு தகவல் தொழில்நுட்ப அணியின்செயல்பாடுகளை அனைத்துசமூக வலைதளங்களிலும் மேலும்தீவிரப்படுத்துவது குறித்து விரிவாக ஆலோசிக்கப்பட்டது.

மேலும், ஆர்வமுள்ள இளைய தலைமுறையினரை அதிகளவில் ஒருங்கிணைத்து, கழகத்தின் கொள்கைகள் மற்றும் அரசின் சாதனைகளை மக்களிடம்கொண்டு சேர்க்க தகவல் தொழில்நுட்ப அணி தொடர்ந்து செயல்படும்என்றும் தீர்மானிக்கப்பட்டது.

அத்துடன், ஜூன் 3 அன்று நடைபெறவுள்ள முத்தமிழறிஞர் கலைஞர் அவர்களின் பிறந்தநாளை தி.மு.க தகவல் தொழில்நுட்ப அணி சார்பில் களத்திலும் சமூக வலைதளங்களிலும் சிறப்பாகக் கொண்டாடுவது என்றும் கூட்டத்தில் ஒருமனதாக தீர்மானம் நிறைவேற்றப்பட்டது.

இவ்வாறு டி.ஆர்.பி.ராஜா தமது அறிக்கையில் கூறியுள்ளார்.