தென்காசி சட்டமன்றத் தொகுதியில் வெற்றி பெற்ற கழக தென்காசி சட்டமன்ற உறுப்பினர் மரு.கலை கதிரவன் சுரண்டையில் உள்ள பேரறிஞர் அண்ணா அவர்களின் திருவுருவச் சிலைக்கு மாலை அணிவித்து மரியாதை செலுத்தினார். அதனைத் தொடர்ந்து வாக்காளர்களுக்கு நன்றி தெரிவிக்கும் போது பெண் ஒருவர் மரு.கலை கதிரவன் எம்.எல்.ஏ.வை நெற்றியில் திலகமிட்டு வரவேற்றார். இந்நிகழ்வில் கழக இணை அமைப்பு செயலாளர் அன்பகம் கலை, தென்காசி தெற்கு மாவட்டப் பொறுப்பாளர் ஜெயபாலன், முன்னாள் மாவட்ட செயலாளர் சிவ பத்மநாதன், நகர செயலாளர் ஏ.ஜி. கணேசன் உட்பட கழக நிர்வாகிகள், கூட்டணி கட்சி நிர்வாகிகள் கலந்து கொண்டனர். நன்றி தெரிவிக்க சென்ற பகுதிகளில் எல்லாம் பெண்கள் ஆரத்தி எடுத்து உற்சாகமாக வரவேற்றனர்.