சென்னை, மே 21 –
தனியார் தொலைக்காட்சி செய்தியாளர் மீது தாக்குதல் நடத்தியவர்கள் கடுமையாகத் தண்டிக்கப்பட வேண்டும் என மனிதநேய மக்கள் கட்சியின் தலைவர் பேராசிரியர் எம்.எச். ஜவாஹிருல்லா எம்.எல்.ஏ. அறிக்கையில் தெரிவித்துள்ளார்.
அவர் விடுத்துள்ள அறிக்கை வருமாறு :–
திருவாரூர் மாவட்டம் முத்துப்பேட்டை யில் தனியார்தொலைக்காட்சியின் செய்தி யாளர் ஹாஜா மொய்தீனின் வீட்டிற்குள் புகுந்து மூன்றுக்கும் மேற்பட்ட சமூகவிரோதிகள் அவரை கண்ணாடி பாட்டிலால் தலையில் அடித்து கடுமையாகத் தாக்கி இருக்கின்றனர். இத்தாக்குதலை வன்மையாகக் கண்டிக்கிறேன்.
செய்தியாளர் மீது தாக்குதல் நடத்தியவர்கள் மீது கடுமையான நடவடிக்கை எடுக்கவேண்டும். இந்த வழக்கைகாவல்துறை திசை திருப்புவதாகவும் தகவல்கள் வருகின்றன. நேர்மையான முறையில் விசாரணை மேற்கொண்டு சமூகவிரோதிகள் சட்டத்தின் முன் நிறுத்தப்பட வேண்டும்.
தமிழ்நாட்டில் இருக்கும் ஊடகவியலாளர்களுக்கு உரியப் பாதுகாப்பைத் தமிழ்நாடு அரசு உறுதி செய்ய வேண்டும் என்று கேட்டுக்கொள்கின்றேன்.
இவ்வாறு மனிதநேய மக்கள் கட்சியின் தலைவர் பேராசிரியர் எம்.எச். ஜவாஹிருல்லா எம்.எல்.ஏ. தெரிவித்துள்ளார்.