#Title

ஜூன் - 3 முத்தமிழறிஞர் கலைஞர் 103 வது பிறந்த நாள்! கோவை தெற்கு மாவட்டம் முழுவதும் சிறப்பாகக் கொண்டாட வேண்டும்! கோவை தெற்கு மாவட்ட தி.மு.க. செயற்குழுக் கூட்டத்தில் தீர்மானம்!

கோவை, மே 21 –

வருகின்ற ஜூன் 3-ம் தேதி அன்று தமிழினத் தலைவர், நவீன தமிழ்நாட்டின் சிற்பி, முத்தமிழறிஞர் கலைஞர் அவர்களின் 103 வது பிறந்த நாளை கோவை தெற்கு மாவட்டம் முழுவதும் சிறப்பாகக் கொண்டாட வேண்டும் என்று கோவை தெற்கு மாவட்ட தி.மு.கழக செயற்குழு கூட்டத்தில் தீர்மானம் நிறைவேற்றப்பட்டுள்ளது.

கோவை தெற்கு மாவட்ட தி.மு.கழக செயற்குழு கூட்டம் மாவட்ட அவைத் தலைவர் மயூரா சுப்பிரமணியன் தலைமையில், வால்பாறை சட்டமன்ற உறுப்பினர், வால்பாறை நகர கழக செய லாளர் குட்டி (எ) சுதாகர் முன்னிலையில் 18.-05.-2026 திங்கட்கிழமை காலை 10.00 மணியளவில் கிணத்துக்கடவு கிரீன் பார்க் ஹோட்டலில் நடைபெற்றது.

இக்கூட்டத்தில் கோவை தெற்கு மாவட்ட கழக செயலாளர் தளபதி முரு ளகேசன் கூட்டத்தின் தீர்மானங்களை விளக்கி சிறப்புரையாற்றினார். இக்கூட்டத்தில் மதுக்கரை கிழக்கு ஒன்றிய செயலாளர் திருமூர்த்தி வாழ்த்துரை வழங்கினார், இதில் மாநில, மாவட்ட கழக நிர்வாகிகள், தலைமை செயற்குழு, பொதுக்குழு உறுப்பினர்கள், ஒன்றிய, நகர, பேரூர், பகுதி கழக செயலாளர்கள், சார்பு அணி அமைப்பாளர்கள், துணை அமைப்பாளர்கள் மற்றும் கழக நிர்வாகி கள் பலர் கலந்து கொண்டனர். கூட்டத்தின் இறுதியில் கிணத்துக்கடவு மேற்கு ஒன்றிய கழக செயலாளர் செந்தில்குமார் நன்றியுரையாற்றினார்.

இக்கூட்டத்தில் நிறைவேற்றப்பட்ட தீர்மானங்கள் வருமாறு :-

வருகின்ற ஜூன் 3-ம் தேதி தமிழினத் தலைவர், நவீன தமிழ்நாட்டின் சிற்பி, முத்தமிழறிஞர் கலைஞர் அவர்களின் 103 வது பிறந்தநாளை கோவை தெற்கு மாவட்டம் முழுவதும் சிறப்பாக கொண்டாடுவது என்று இக்கூட்டத்தின் வாயிலாக தீர்மானிக்கப்படு கிறது.

எதிர்க்கட்சித் தலைவர், தி.மு.கழக சட்டமன்ற உறுப்பினர்களின் தலைவராகவும் தேர்ந்தெடுக்கப்பட்டுள்ள கழக இளைஞர் அணி செயலாளர், கழகத்தின் எதிர்காலம் இளம் தலைவர் உதயநிதி ஸ்டாலின் அவர்களுக்கு வாழ்த்துக்கள் தெரிவித்து தீர்மானம் நிறைவேற்றப் பட்டது.

நடந்து முடிந்த சட்டமன்ற தேர்தலில் கோவை தெற்கு மாவட்டத்திற்கு உட்பட்ட பொள்ளாச்சி சட்டமன்ற தொகுதியில் போட்டியிட்டு வெற்றி பெற்ற கே.நித்தியானந்தம் அவர்களுக்கும், வால்பாறை சட்டமன்ற தொகுதியில் போட்டியிட்டு வெற்றி பெற்ற கழக வேட்பாளர் குட்டி (எ) சுதாகர் அவர்களுக்கும் இந்த வரலாற்று சிறப்புமிக்க வெற்றிகளை பெற கடுமையாக உழைத்த கழக நிர்வாகிகள், தோழமைக் கட்சி நிர்வாகிகள் அனைவருக்கும் நெஞ்சம் நிறைந்த நன்றிகள், அதேபோல் கிணத்துக்கடவு மற்றும் சூலூர் சட்டமன்ற தொகுதியில் போட்டியிட்ட கழக வேட்பாளர்கள் ஆதரித்து கண்துஞ்சாது கடுமையாக உழைத்த கழக நிர்வாகிகள் மற்றும் தோழமைக் கட்சி நிர்வாகிகள் அனைவருக்கும் நன்றி தெரிவித்து தீர்மானம் நிறைவேற்றப்பட்டது.

மருத்துவக் கல்விக்கான தகுதி தேர்வு என்ற பெயரில் நீட் என்ற தேர்வை ஒன்றிய அரசு திணித்து, அதன் காரணமாக கடந்த 10 ஆண்டுகளில் பல நூறு மாணவ, மாணவிகள் உயிர்பலி ஆகியுள்ளனர் இதன் காரணமாக பல்லாயிரக்கணக்கான ஏழை, எளிய, பிற்படுத்தப் பட்ட, தாழ்த்தப்பட்ட மாணவ, மாணவியர்களின் மருத்துவக் கல்விக் கனவு பறிக்கப்பட்டுள்ளது. கடந்த மே 3 அன்று நடைபெற்ற நீட் தேர்வில் மிகப்பெரிய அளவில் முறைகேடு நடைபெற்றது, ஒன்றிய பாசிச பா.ஜ.க. அரசே ஏற்றுக்கொண்டு நீட் தேர்வை ரத்து செய்திட வலியுறுத்தி தீர்மானம் நிறைவேற்றப்படு கிறது.