திருவாரூர்,மே-21-–
தமிழ்நாட்டின் முதல்வராக ஜோசப்விஜய் அவர்கள் பதவியேற்று சில நாட்களுக்குள்ளாகவே, பத்திரிகையாளர் மீது நள்ளிரவில் நடைபெற்றிருக்கும் கொடூரதாக்குதல் மிகுந்த அதிர்ச்சியை ஏற்படுத்தியுள்ளாதகவும் , ஜனநாயகத்தின் ஒரு தூணாக விளங்கும் பத்திரிகை மற்றும் ஊடக துறையினர் அச்சமின்றி பணியாற்றிட அரசு தேவையான நடவடிக்கைகளை மேற்கொள்ள வேண்டும் எனவும் தமிழ்நாடு பிரஸ் அண்ட் மீடியா ரிப்போர்ட்டர் யூனியன் மாநில தலைவர் மு.சிவதமிழவன் கண்டன அறிக்கை வெளியிட்டுள்ளார்.
மாநில தலைவர் மு.சிவதமிழவன் தமது அறிக்கையில் கூறி இருப்பதாவது,
திருவாரூர் மாவட்டம் முத்துப்பேட்டையில் தனியார் தொலைக்காட்சி செய்தியாளர் ஹாஜா முகைதீன் என்பவரை, நள்ளிரவில் ரவுடி கும்பலை சேர்ந்த மூவர் வீடுபுகுந்து தாக்குதல் நடத்தி இருப்பது கண்டனத்திற்குறியது. தாக்குதலில் பாதிக்கப்பட்ட செய்தியாளர் தஞ்சை மருத்துவக்கல்லூரி மருத்துவமனையில் தீவிர சிகிச்சை பிரிவில் அனுமதிக்கப் பட்டுள்ளார்.
உயிருக்கு போராடும் வகையில் தாக்கி காயப்படுத்திய ரவுடி கும்பலை கைது செய்ய கடும் நடவடிக்கை எடுக்க தமிழக முதலைமைச்சர் ஜோசப் விஜய் அவர்கள் திருவாரூர் மாவட்ட காவல்துறைக்கு உத்தரவிடவேண்டும் , சிகிச்சையில் இருக்கும் செய்தியாளருக்கு சிறப்பு சிகிச்சை அளிக்க அரசு ஏற்பாடுகள் செய்ய வேண்டும் . மேலும் பத்திரிகை மற்றும் ஊடக துறையினர் வரும் காலங்களில் அச்சமின்றி பணியாற்றிட அரசு தேவையான நடவடிக்கைகளை உடனடி யாக சட்டப்படிமேற்கொள்ள வேண்டும். இந்த கொடூர தாக்குதலுக்கு உரிய நியாயம் கிடைக்க தவறும்பட்சத்தில் எங்கள் யூனியன் சார்பில் போராட்டங்கள் நடத்தவும் தயாராக உள்ளோம்.
இவ்வாறு தமிழ்நாடு பிரஸ் அண்ட் மீடியா ரிப்போர்ட்டர் யூனியன் மாநில தலைவர் மு.சிவதமிழவன் அவர்கள் தமது அறிக்கையில் கூறி இருக்கிறார்.