மயி­லா­டு­துறை, மே 21 –

தமி­ழ­கம் முழு­வ­தும் டாஸ்­மாக் கடை­க­ளில் மது­பாட்­டி­லுக்கு கூடு­த­லாக ரூ.10 வசூ­லிப்­ப­தாக புகார்­கள் வந்­த­தை­ய­டுத்து த.வெ.க. எம்.எல்.ஏ.க்­கள், நிர்­வா­கி­கள் சென்று விசா­ரித்­த­னர். பல இடங்­க­ளில் கூடு­த­லாக வசூ­லிக்­கும் 10 ரூபா­யில் தங்­க­ளுக்கு மாமூல் கேட்டு மிரட்­டி­ய­தா­க­வும் கூறப்­ப­டு­கி­றது.

மயி­லா­டு­துறை மாவட்­டத்­தில் கூடு­தல் வசூ­லில் த.வெ­.க.­வி­னர் கண்­டிப்­பாக தங்­க­ளுக்கு மாமூல் வழங்க வேண்­டும் உத்­த­ரவு போட்­டுள்­ள­னர். இதற்கு எதிர்ப்பு தெரி­வித்­த­தால், சீர்­கா­ழி­யில் உள்ள டாஸ்­மாக் கடை­யில் மது­பாட்­டி­லுக்கு ரூ.10 கூடு­த­லாக வசூ­லிப்­ப­தாக த.வெ.க. நிர்­வாகி பொய் புகார் அளித்­த­தாக கூறப்­ப­டு­கி­றது. அந்த புகா­ரின்­பே­ரில் கடை மேற்­பார்­வை­யா­ளர், விற்­ப­னை­யா­ளர் மீது சீர்­காழி போலீ­சார் வழக்­குப்­ப­திவு செய்­துள்­ள­னர்.

த.வெ­.க.­வி­ன­ரின் மிரட்­டலை கண்­டித்­தும், வழக்கை வாபஸ் பெறக்­கோ­ரி­யும் மயி­லா­டு­துறை மாவட்­டத்­தில் டாஸ்­மாக் கடை­களை அடைத்து ஊழி­யர்­கள் நேற்று வேலை­நி­றுத்த போராட்­டத்­தில் ஈடு­பட்­ட­னர். ஊழி­யர்­க­ளின் இந்த திடீர் போராட்­டம் கார­ண­மாக மயி­லா­டு­துறை மாவட்­டத்­தில் 42 மது­பான கடை­க­ளும் திறக்­கப்­ப­ட­வில்லை. இதனை தொடர்ந்து டாஸ்­மாக் ஊழி­யர்­கள் நூற்­றுக்­கும் மேற்­பட்­டோர் மயி­லா­டு­துறை மக­லெக்­டர் அலு­வ­ல­கத்­திற்கு சென்று கலெக்­ட­ரின் நேர்­முக உத­வி­யா­ளர் முத்­து­சா­மி­யி­டம் மனு அளித்­த­னர்.

இது குறித்து டாஸ்­மாக் ஊழி­யர்­கள் கூறு­கை­யில், ‘‘ஒரு நாளைக்கு ரூ.8 லட்­சத்­துக்கு விற்­பனை நடை­பெ­றும். அரசு நிர்­ண­யம் செய்­ததை விட கூடு­த­லாக 10 ஊழி­யர்­கள் தற்­கா­லி­க­மாக தங்­க­ளால் பணி­ய­மர்த்­தப்­பட்­டுள்­ள­னர். கடை­யின் கூடு­தல் வாடகை மற்­றும் மின் கட்­ட­ணம், லாரி­க­ளில் சரக்கு ஏற்றி வரும்­போது அளிக்­கப்­ப­டும் மாமூல் ஆகி­ய­வற்றை நாங்­கள் தான் கொடுக்க வேண்­டி­யுள்­ளது. அரசே இந்த செல­வு­களை ஏற்க வேண்­டும்.

2 ஊழி­யர்­களை மட்­டும் வைத்து கடை நடத்­தி­னால் கூட்­டம் அதி­க­ரித்து சட்­டம் ஒழுங்கு பிரச்னை ஏற்­ப­டும். எங்­களை மிரட்­டு­ப­வர்­க­ளி­டம் இருந்து போலீஸ் பாது­காப்பு அளிக்க வேண்­டும். 2 ஊழி­யர்­கள் மீது போடப்­பட்ட வழக்கை வாபஸ் பெற வேண்­டும். எங்­க­ளது கோரிக்கை நிறை­வே­றும் வரை டாஸ்­மாக் கடை­களை திறக்க மாட்­டோம்’’ என்­ற­னர்.