சென்னை, மே 22–

மும்­மொ­ழித்­ திட்­டத்­ திற்குதமிழ்­நாட்­டில் இடமே இல்லை என்­பதை பிர­க­ட­னப்­ப­டுத்­துவோம் என திரா­வி­டர் கழ­கத் தலை­வர் கி.வீர­மணி அவர்­கள் விடுத்­துள்ள அறிக்­கை­யில் குறிப்­பிட்­டுள்­ளார்.

அவ­ரது அறிக்கை வரு­மாறு:–

தமிழ்­நாடு அர­சின் முக்­கிய கொள்கை முடி­வாக சட்­ட­மன்­றத்­தில்மூன்று முக்­கிய கொள்கை திட்ட மாற்­றங்­களை அன்­றைய முத­ல­மைச்­சர் அறி­ஞர் அண்ணா அவர்­கள் கொண்டு வந்து ஒருமன­தாக நிறை­வேற்­றி­னார்.

1. ‘சுய­ம­ரி­யா­தைத் திரு­ம­ணங்­கள்’ சட்­டப்­பூர்­வ­மா­கச் செல்­லும் – முன்பு நடந்­தவை உட்­பட என்ற சட்­டத் திருத்­தம்.

2. சென்னை மாநி­லம் (Madras State) என்ற பெயரை மாற்றி ‘தமிழ்­நாடு’ என்று அழைத்­தல்.

3. தமிழ், ஆங்­கி­லம் ஆகிய இரு மொழி­களே பள்­ளி­க­ளில் கற்­பிக்­கப்­ப­டும் மொழி­கள். ஹிந்­தித் திணிப்­புக்கு என்­றும் இடந்­த­ராமை என்­பதை வலி­யு­றுத்தி ‘தமிழ் வாழ்க’ என்று மூன்று முறை சட்­ட­மன்ற உறுப்­பி­னர்­கள் முழக்­கத்­தோடு நிறை­வேற்­றப்­பட்­டது!

பிறகு தி.மு.க. ஆட்சி மாறி அ.தி.மு.க. ஆட்சி வந்­த­போ­தும் இதே இரு­மொ­ழிக் கொள்­கை­தான் நடை­மு­றை­யி­லி­ருந்­தது.

இடை­யில் இரண்டு, மூன்று முறை (டில்லி) குடி­ய­ர­சுத் தலை­வர் ஆட்சி, ஆளு­நர் ஆட்­சி­கள் வந்த நிலை­யி­லும்­ கூட, இந்த நிலைப்­பா­டு­ தான் தொடர்ந்­ததே தவிர, ‘மும்­மொ­ழித் திட்­டம்’ என்ற சாக்­கில் ஹிந்தி, பிறகு சமஸ்­கி­ரு­தம் என்ற ஆரிய மொழி கலாச்­சா­ரத் திணிப்­புக்கு இடந்­த­ராத நிலை­தான் கடந்த அரை நூற்­றாண்­டுக்கு மேல் – 58 ஆண்­டு­க­ளாக – தொடர்ந்து வரு­கி­றது.

இதனை எப்­ப­டி­யா­வது மாற்றி ஹிந்­தியை (மறை­முகமாக­வா­வது) தமிழ்­நாட்­டில் இளம் பிள்­ளை­க­ளுக்­குத் திணிக்க வேண்­டும் என்­ப­தற்கு நாளும் முயற்சி செய்து ‘சி.பி.எஸ்.இ.’ என்ற ஒன்­றிய கல்வி அமைச்­ச­கம் நடத்­தும் பள்­ளி­க­ளில் ஆர்.எஸ்.எஸ். கொடுங்­க­ரம் நீளு­கி­றது.

தமிழ்­நாடு அர­சுப் பள்­ளி­க­ளி­லும் அதைச் செய்ய ‘பி.எம்.சிறீ திட்­டத்­தை­ ஏற்­றால்­தான் ‘சமக்ர சிக்‌ஷா’ என்ற கல்­வித் திட்­டத்­துக்­ குத் தர வேண்­டிய நிதியை (2333 கோடி ரூபாய்) ‘‘மும்­மொ­ழித் திட்­டத்தை ஏற்­றால்­தான் தான் தரு­வோம்’’ என்று அடா­வடி அர­சி­யல் நிலைப்­பாட் ­டாக ஒன்­றிய அர­சின் கல்வி அமைச்­சர் தர்­மேந்­திர பிர­தான் என்­ப­வர் அதி­கார ஆண­வச் செருக்­கு­டன் கூறிய நிலை­யில், முந்­தைய ‘திரா­விட மாடல்’ ஆட்­சி­யின் முத­ல­மைச்­சர் மு.க.ஸ்டாலின் அவர்­கள், ‘‘பத்­தா­யி­ரம் கோடி ரூபாயை தரு­கி­றேன் என்று ஆசை காட்டி அழைத்­தா­லும், ஒரு­போ­தும் இந்­தித் திணிப்­புக்­ கான மும்­மொ­ழித் திட்­டத்தை எங்­க­ளது அரசு ஏற்­கவே ஏற்­காது’’ என்று உறு­தி­யான நிலைப்­ பாட்டை எடுத்­தார்.

புதி­தாக ஆட்­சிப் பொறுப்­பேற்­றுள்ள முத­ல­மைச்­சர் ஜோசப் விஜய் அவர்­க­ளது ஆட்­சி­யின் நிலைப்­பாட்­டைப் பற்றி அவர் திட்­ட­வட்­ட­மாக அறி­விப்­பது முக்­கி­யம்.

புதி­தா­கப் பொறுப்­பேற்­றுள்ள தமிழ்­நாடு பள்­ளிக் கல்வி அமைச்­சர் ராஜ்­மோ­கன் முதல் செய்­தி­யா­ளர்­கள் சந்­திப்­பில், ‘‘இரு மொழிக் கொள்கை அதா­வது, ‘அவ­ர­வ­ரின் தாய்­மொழி’ மற்­றும் ‘உல­கத்­து­டன் உற­வாட ஆங்­கி­லம்’ என்­ப­து­தான் த.வெ.க.வின் கொள்கை.’’ என்­றார் – அதை வர­வேற்­கி­றோம்.

ஆனால், ‘‘சி.பி.எஸ்.இ. பள்­ளி­க­ளில் பி.எம்.சிறீ. திட்­டம் குறித்து அடுத்­த­டுத்து விவா­தித்து முடிவு எடுப்­போம்’’ என்று கூறி­யி­ருப்­ப­தில் கொள்­கைத் தெளி­வற்ற தொனி தெரி­கி­றது! அது­பற்றி திட்­ட­வட்­ட­மாக அறி­விப்­பது அவ­சர அவ­சி­யம்.

‘முத­லில்ஒரு சிறு ஓட்­டை­யைப் போட அனு­ம­தித்து விட்­டால், பிறகு நாளா வட்­டத்­தில் ஒரு யானை­யையே நுழைய விடும் அள­வுக்கு அதைப் பெரி­தாக்க ஒன்­றிய ஆர்.எஸ்.எஸ். – பா.ஜ.க. அரசு தயா­ராக இருக்­கி­றது’ என்­பதை உணர்ந்து, விரைந்து தீர்க்­க­மான நிலைப்­ பாட்டை எடுக்க வேண்­டும்.

‘இந்தி, சமஸ்­கி­ரு­தத்­திற்கு எதி­ரான மொழிப் போர்’ என்­பது நூறாண்டு வர­லாறு கொண்­டது என்­பதை மறந்து விடக் கூடாது.

1926இல் தான் முதன் முத­லில் ‘இந்­தி­யின் ரக­சி­யம்’ என்ற அறிக்­கை­மூ­லம் ‘குடி­அ­ரசு’ ஏட்­டில் தந்தை பெரி­யார் ‘முதல் எச்­ச­ரிக்கை மணி’யை அடித்து தமிழ்­நாட்டை எழுப்­பி­னார் என்ற வர­லாறு அறிய வேண்­டிய முக்­கிய வர­லாறு ஆகும். 1937–1938 இந்தி எதிர்ப்­புப் போராட்­டத்­திற்­குக்­கூட அக்­கட்­டு­ரையே முன்­னோட்­ட­ மா­கும் என்­பதை இன்­றைய இளை­யோர் அறிந்து கொள்­ளு­தல் முக்­கி­ய­ மா­கும்!

பல மொழி­க­ளைத் தாமே விரும்­பிக் கற்­பது வேறு; வலுக்­கட்­டா­ய­மாக ஒரு மொழியை ஆதிக்­கச் சின்­ன­மாக திணிப்­பது வேறு – சரி­யான புரி­தல் தேவை.

இவ்­வாறு கி.வீர­மணி விடுத்­துள்ள அறிக்­கை­யில் குறிப்­பிட்­டுள்­ளார்.