புது­டெல்லி, மே 22 –

மெட்டா ஊழி­யர்­க­ளுக்கு நேற்று முன்­தி­னம் இன்று அனை­வ­ரும் வீட்­டில் இருந்தே பணி­பு­ரி­யுங்­கள்’ என்ற ஒரு சாதா­ரண உத்­த­ர­வு­டன் தொடங்­கி­யது. அமெ­ரிக்கா, பிரிட்­டன் உள்­ளிட்ட பல்­வேறு பிராந்­தி­யங்­க­ளில் உள்ள ஊழி­யர்­கள் அலு­வ­ல­கத்­திற்கு வர வேண்­டாம் என்று மெட்டா நிறு­வ­னம் அறி­வித்­தது.

இத­னால் அவற்­றின் வளா­கங்­க­ளில் மக்­கள்­கூட்­டம் இல்லை; அலு­வ­லக அறை­க­ளில் அரட்­டை­கள் இல்லை; வளா­கத்­தின் தாழ்­வா­ரங்­க­ளில் ஊழி­யர்­க­ளின் பர­ப­ரப்­பான நட­மாட்­ட­மும் இல்லை.

அதன் தொடர்ச்­சி­யாக, ஊழி­யர்­க­ளின் மின்­னஞ்­சல் பெட்­டி­க­ளுக்கு அடுத்­த­டுத்து செய்­தி­கள் வரத் தொடங்­கின. மெட்டா பிளாட்­பார்ம்ஸ் நிறு­வ­னம், தனது ஒட்­டு­மொத்­தப் பணி­யா­ளர்­க­ளில் சுமார் 10 சத­வீ­தம் ஊழி­யர்­களை (8,000) பணி­நீக்­கம் செய்­யும் நட­வ­டிக்­கை­யைத் தொடங்­கி­யுள்­ளது.

இதற்­கான முதல் அறி­விப்பு, சிங்­கப்பூ­ ரில் உள்ள அதன் முக்­கிய மையத்­தி­லி­ருந்து வெளி­யா­னது.

சிங்­கப்­பூர் உள்­ளூர் நேரப்­படி அதி­காலை 4 மணிக்கு (இந்­திய நேரப்­படி நள்­ளி­ரவு 1:30 மணி) பணி­நீக்­கம் செய்­யப்­பட்ட ஊழி­யர்­க­ளுக்கு மின்­னஞ்­சல்­கள் அனுப்­பப்­பட்­ட­தாக ‘புளூம்­பெர்க்’ செய்தி நிறு­வ­னம்தெரி­வித்­துள்­ளது.

உல­க­ளா­விய நேர மண்­ட­லங்­க­ளுக்கு ஏற்ப, அடுத்­த­டுத்த கட்­டங்­க­ளாக இந்த பணி­நீக்க அறி­விப்­பு­கள் ஊழி­யர்­க­ளுக்கு அனுப்­பப்­பட்டு வரு­கின்­றன.

முத­லில் வீட்­டில் இருந்தே பணி செய்ய உத்­த­ர­விட்டு, அதைத் தொடர்ந்து பணி­நீக்கநட­வ­டிக்­கையை மேற்­கொண்டமெட்­டா­வின் இந்த உத்தி ஐ.டி. உல­கில் பெரும் விவா­தத்­தைக் கிளப்பி­ யுள்­ளது.

இதன் பின்­ன­ணி­யில் செயற்கை நுண்­ண­றிவு மறு­சீ­ர­மைப்பு நட­வ­டிக்­கை­கள் இருப்­ப­தாக கூறப்­ப­டு­கி­றது.

இந்த பணி­நீக்க நட­வ­டிக்­கைக்கு முன்பு மெட்டா நிறு­வ­னத்­தில் சுமார் 78,000 ஊழி­யர்­கள் பணி­யாற்றி வந்­த­னர்.

இந்த நிலை­யில்­தான் தற்­போது ஆயி­ரக்­க­ணக்­கா­னோர் பணி­நீக்­கம் செய்­யப்­பட்டு வரு­கின்­ற­னர்; மேலும் பல ஆயி­ரம் ஊழி­யர்­கள் வேறு பிரி­வு­க­ளுக்குமாற்­றப்­பட்டு வரு­கின்­ற­னர்.

6000 காலி இடம் முடக்­கம்!

இது­கு­றித்து அந்­நி­று­வ­னத்­தின் முதன்மை மனி­த­வள அதி­காரி ஜானெல்லே கேல் ஊழி­யர்­க­ளுக்கு அனுப்­பி­யுள்ள செய்­திக் குறிப்­பில் தெரி­வித்­துள்­ள­தா­வது:

7,000 ஊழி­யர்­கள் செயற்கை நுண்­ண­றிவு சார்ந்த புதிய குழுக்க­ ளுக்கு மாற்­றப்­ப­டு­வார்­கள். காலி­யாக இருந்த சுமார் 6,000 பணி­யி­டங்­கள் முடக்­கப் பட்­டுள்­ளன.

மேலாண்மை நிலை­க­ளில் உள்ள அதி­கா­ரி­க­ளின் அடுக்­கு­கள் குறைக்­கப்­ப­டு­கின்­றன. மேலும், குறைந்த எண்­ணிக்­கை­யி­லான ஊழி­யர்­க­ளைக் கொண்ட சிறிய குழுக்­கள் மூலம், மிக விரை­வா­க­வும் தன்­னா­திக்­கத்­து­ட­னும் செயல்­ப­டக்­கூ­டிய எளிய நிறு­வ­னக் கட்­ட­மைப்பை நோக்கி நாம் நகர்ந்­துள்­ளோம்.

இவ்­வாறு அவர் தெரி­வித்­துள்­ளார்.