தென்காசி .மே.22–
தென்காசி சட்டமன்ற உறுப்பினர் மரு.கலை கதிரவன் சட்டமன்றத் தொகுதிக்கு உட்பட்ட வீரகேரளம்புதூர் பகுதியில் வாக்கா ளர்களுக்கு நன்றி தெரிவித்தார்.அப்போது திடீரென்று வீரகேரளம்புதூர் அரசு ஆரம்ப சுகாதார நிலையத்
திற்கு சென்று ஆய்வு பணி மேற்கொண்டார்.
அப்போது பணியில் இருந்த அரசு ஆரம்ப சுகாதார நிலையம் மருத்துவர் தற்போது அரசு மருத்துவமனையாக தரம் உயர்த்தப்பட்டுள்ளது என்றும் இருக்கிற இடத்தை இடித்து விட்டு புதிய கட்டிடம் அதேஇடத்தில் கட்டுவதற்கு ரூபாய் 5 கோடி நிதி ஒதுக்கப்பட்டுள்ளது.மாற்று இடம் ஏற்படுத்தித் தருமாறு மருத்துவர்கள் சட்டமன்ற உறுப்பினர் மரு.கலை கதிரவனிடம் கோரிக்கை வைத்தனர்.
இதுதொடர்பாக சம்பந்தப்பட்ட அதிகாரிகளிடமும்,மாவட்ட ஆட்சியரிடமும் பேசி உடனடியாக நடவடிக்கை எடுக்கப்படுவதாக மரு. கலை கதிரவன் எம்.எல்.ஏ.உறுதி கூறினார்.
இந்நிகழ்வில் தென்காசி தெற்கு மாவட்ட முன்னாள் செயலாளர் பொ.சிவபத்மநாதன்,கீழப்பாவூர் மத்திய ஒன்றிய பொறுப்பாளர் ஜேசு ராஜன்,மாவட்ட வர்த்தக அணி அமைப்பாளர் முத்துக்குமார், முன்னாள் மாவட்ட வழக்கறிஞர் அணி அமைப்பாளர் வேலுச்சாமி, வழக்கறிஞர் ஹரி கிருஷ்ணன், ஊராட்சி மன்ற துணைத் தலைவர் வேல்ராஜ்,கடையநல்லூர் முன்னாள் ஒன்றிய செயலாளர் காசிதர்மம் துரை,
இளைஞர் அணிதுணை அமைப்பாளர் அசோக் ஹரி கிருஷ்ணன்,மாவட்ட மீனவர் அணி துணை அமைப்பாளர் வேலுச்சாமி, ராஜபாண்டி மற்றும் சபரிநாதன், அதிசயபுரம் தெய்வராஜ் குமார், செல்லத்துரை,கலிங்கப்பட்டி ராஜா, இடையர் தவணை காளிசாமி, சீனிவாசகம்,ஐயப்பன் உள்பட கழகத்தினர் பலர் உடன் இருந்தனர்.
பின்னர் தென்காசி சட்டமன்ற உறுப்பினர் மரு.கலை கதிரவன் தொடர்ந்து அப்பகுதியில் வாக்காளர்களுக்கு நன்றியினை தெரிவித்தார்.