கோவை, மே 22–
கோவை கவுண்டம்பாளையம் தொகுதி த.வெ.க. பெண் எம்.எல்.ஏ. கனிமொழி சந்தோஷ். இவர், சமீபத்தில் தனது வீட்டில் கவுண்டம்பாளையம் பகுதி பொது சுகாதாரத்துறை அதிகாரிகளுடன் ஆலோசனை கூட்டம் நடத்தினார். இதில், பொது இடங்களில் சுகாதார பணிகள் சிறப்பாக செய்ய வேண்டும். நோய் தொற்று இல்லாமல் கவனித்துக்கொள்ள வேண்டும், குப்பை கழிவுகளை உடனடியாக அகற்ற வேண்டும், நகர்ப்பகுதியை சுத்தமாக வைத்திருக்கவேண்டும் என உத்தரவுகளை வழங்கினார்.
அப்போது, அவர் ராஜகம்பீர சொகுசு சோபாவில் தனி ஆளாக அமர்ந்து,அதிகாரிகளை சாதாரண பிளாஸ்டிக் நாற்காலியில் இடநெருக்கடியுடன் உட்கார வைத்து ஆலோசனைசெய்துள்ளார். இதுதொடர்பாக புகைப்படத்தை
எம்.எல்.ஏ. கனிமொழி சந்தோஷ், தனது சமூக வலைதளத்தில் வெளியிட்டுள்ளார்.
இதை பார்த்த பொதுமக்கள், “இன்னும் நீங்கள் இந்த சோபா மாடல் அதிகாரத்தை விடவில்லையா, முதல்வர் விஜய்க்கு கெட்ட பெயர் ஏற்படுத்தும் வகையில் இப்படி செயல்படலாமா?, நீங்கள் வீட்டில் ஆலோசனை கூட்டம் நடத்தியதே தவறு. பொது இடங்களுக்குச் சென்று என்ன நடக்கிறது என பார்வையிட்டிருக்க வேண்டும், நேரில் கள ஆய்வு செய்திருக்க வேண்டும். சட்டமன்ற தொகுதி அலுவலகம் அல்லது பொது சுகாதார துறை அலுவலகத்திற்கு அதிகாரிகளை அழைத்து அங்கே வைத்து மீட்டிங் போட்டிருக்க வேண்டும். நீங்கள் ஏதோ மகாராணி போல் நடந்து கொள்கிறீர்கள். இப்பதான் ஆட்சிக்கு வந்துள்ளீர்கள்... அதுக்குள்ளே இப்படியா...’’ என த.வெ.க.வின் விர்ச்சுவல் வாரியர்ஸ் மற்றும் நெட்டிசன்கள் சமூக வலைதளங்களில் வறுத்தெடுக்கின்றனர்.
ஏற்கனவே, கனிமொழி சந்தோஷ் ஜோதிடம் மூலமாக கேன்சர் உள்ளிட்ட பல்வேறு நோய் தீர்ப்பதாக கூறி ரீல்ஸ் போட்டு கடும் எதிர்ப்பை சம்பாதித்தவர். மேலும், ‘லவ் ஸ்பெஷலிஸ்ட்‘ என்றும் சமூக வலைதளத்தில் குறிப்பிட்
டுள்ளார்.
தற்போது, இவரின் பந்தா அரசியல் தொடர்பாக சமூக வலைதளங்களில் கடும் எதிர்ப்பு குவிந்து வருகிறது.
இவர், மீட்டிங் போட்டோவை சோசியல் மீடியாவில் பதிவிட்டது கடும் எதிர்ப்பை கிளப்பி உள்ளது. இவர் ரீல்ஸ் போட்டு பிரபலமாகி கட்சியில் எம்எல்ஏ `சீட்’ வாங்கினாராம். எனவே, ரீல்ஸ் போட்டு மேலும் பிரபலமாக இந்த வேலையை ெதாடர்ந்து செய்து வருவதாக தவெக வினரே கூறுகின்றனர்.