சென்னை, மே.22–

தமிழ்நாட்டின் 11 இடங்­க­ளில் 100 டிகிரி ஃபாரன்­ஹீட்டை தாண்டி வெப்­ப­நிலை பதி­வா­ன­தாக சென்னை வானிலை ஆய்வு மையம் நேற்று முன்தினம் (மே 20) தெரி­வித்­துள்­ளது.

இதில், அதி­க­பட்­ச­மாக சென்னை விமான நிலை­யம் மற்­றும் திருத்­த­ணி­யில் 104 டிகிரி ஃபாரன்­ஹீட் வெப்­பம் பதி­வா­ன­தா­கக் குறிப்­பிட்­டுள்­ளது.

இது தொடர்­பாக வானிலை ஆய்வு மையம் வெளி­யிட்­டுள்ள அறிக்­கை­யில் தெரி­விக்­கப்­பட்­டுள்­ள­தா­வது: மே 24 ஆம் தேதி வரைதமிழ்நாடு, புதுவை மற்­றும் காரைக்­கால் பகு­தி­க­ளில் அதி­க­பட்ச வெப்­ப­நி­லை­யில் குறிப்­பி­டத்­தக்க மாற்­றத்­திற்­கான வாய்ப்பு குறைவு.

எனி­னும், வட கட­லோரத்தில் ஒரிரு இடங்­க­ளில் சற்று உய­ரக்­கூ­டும் எனத் தெரி­விக்­கப்­பட்­டுள்­ளது. தமிழ்நாடு மற்­றும் காரைக்­கால் பகு­தி­க­ளில் அதி­க­பட்ச வெப்­ப­நி­லை­யில் இயல்பை ஒட்­டியே இருக்­கக்­கூ­டும் என­வும் குறிப்­பி­டப்­பட்­டுள்­ளது.

நேற்று (20–05–2026) மற்­றும் நேற்று முன்தினம் (21–05–2026): வானம் ஓர­ளவு மேக­மூட்­டத்­து­டன் காணப்­பட்டது. நக­ரின் ஒரு­சில பகு­தி­க­ளில் இடி மின்­ன­லு­டன் கூடிய லேசா­னது முதல் மித­மான மழை பெய்தது.

அதி­க­பட்ச வெப்­ப­நிலை 39–40° செல்­சி­யஸை (102 – 104 ஃபாரன்­ஹீட்) ஒட்­டி­யும்,குறைந்­த­பட்ச வெப்­ப­நிலை 29° செல்­சி­யஸைஓட்­டி­யும் இருக்­கக்­கூ­டும் என வானிலை ஆய்வு மையம் தெரி­வித்­துள்­ளது. தமி­ழ­கம் முழு­வ­தும் பதி­வான வெப்­ப­நிலை அளவு குறித்­தும் வானிலை ஆய்வு மையம் புள்ளி விவ­ரங்­களு­டன் குறிப்­பிட்­டுள்­ளது.

11 இடங்­க­ளில் சத­ம­டித்த வெய்­யில்

புதன்­கி­ழ­மை­யான நேற்று முன்தினம் (மே 20) அதி­க­பட்­ச­மாக சென்னை விமான நிலை­யம், திருத்­த­ணி­யில் 104 டிகிரி ஃபாரன்­ஹீட் வெப்­பம் பதி­வா­கி­யுள்­ளது. இதற்கு அடுத்­த­ப­டி­யாக சென்னை நுங்­கம்­பாக்­கம் 102.38, வேலூர் 101.66, மதுரை 100.4, பரங்­கிப்­பேட்டை 99.68, புதுவை 99.68, கட­லூர் 98.96, திருப்­பத்­தூர் 98.78, தரு­ம­புரி 98.78, நாகை 98.6ஃபாரன்­ஹீட் வெப்­பம் பதி­வா­கி­யுள்­ளது.