சென்னை, மே 22 –

தமி­ழ­கத்­தில் பத்­தாம் வகுப்பு பொதுத்­தேர்வு முடி­வு­கள் நேற்று முன்­தி­னம் (மே 20) வெளி­யா­னது. தேர்வுஎழு­திய மாண­வர்­க­ளில் 94.31 சத­வீ­தம் பேர் தேர்ச்சி பெற்­றுள்­ள­னர் என பள்­ளிக் கல்­வித் துறை அறி­வித்­துள்­ளது.

தமி­ழக பள்­ளிக் கல்வி பாடத் திட்­டத்­தில் பத்­தாம் வகுப்பு பொதுத்­தேர்வு (மார்ச் 2026) கடந்த மார்ச் 11-ம் தேதி தொடங்கி கடந்த ஏப்.6-ம் தேதி நிறை­வ­டைந்­தது. சுமார் 8.82 லட்­சம் மாண­வர்­கள் இந்த தேர்வை எழு­தி­னர். தொடர்ந்து விடைத்­தாள் திருத்த பணி­கள் தொடங்கி நிறை­வ­டைந்­தது. இந்­நி­லை­யில், நேற்று முன்­தி­னம் சென்னை - அண்ணா நூற்­றாண்டு நூல­கத்­தில் தேர்வு முடி­வு­களை பள்­ளிக் கல்­வித் துறை வெளி­யிட்­டது.

மொத்­தம் 8.82 லட்­சம் மாண­வர்­கள் இந்த தேர்வை எழு­தி­ய­தில் 94.31 சத­வீ­தம் பேர் தேர்ச்சி பெற்­றுள்­ள­னர்.

வழக்­கம்­போ­லவே இந்த முறை­யும் தேர்ச்சி விகி­தத்­தில் மாண­வர்­களை காட்­டி­லும் மாண­வி­களே முன்­னிலை வகிக்­கின்­ற­னர். தேர்ச்சி பெற்ற மாண­வர்­க­ளின் எண்­ணிக்கை 92.15 சத­வீ­தம், மாண­வி­க­ளின் எண்­ணிக்கை 96.47 சத­வீ­தம் என தெரி­விக்­கப்­பட்­டுள்­ளது. அந்த வகை­யில் மாண­வர்­களை விட 4.32 சத­வீ­தம் அதி­க­மாக மாண­வி­கள் தேர்ச்சி பெற்­றி­ருக்­கின்­ற­னர்.

மாவட்ட அள­வில் தேர்ச்சி விகி­தத்தை பொறுத்­த­வ­ரை­யில் புதுக்­கோட்டை (97.57%), சிவ­கங்கை (97.54%), தஞ்­சா­வூர் (97.41%), திருச்சி (97.31%), கன்­னி­யா­கு­மரி (97.30%) மாவட்­டங்­கள் முதல் 5 இடங்­களை பிடித்­துள்­ளன.

அரசு பள்­ளி­க­ளின் ஒட்­டு­மொத்த தேர்ச்சி விகி­தம் 91.66 சத­வீ­தம் என பள்­ளிக் கல்­வித் துறை அறி­வித்­துள்­ளது.

தமிழ் - 98.43%, ஆங்­கி­லம் 99.44%, கணி­தம் 97.36%, அறி­வி­யல் 98%, சமூக அறி­வி­யல் 97.93%. பாட வாரி­யாக தேர்ச்சி பெற்­றுள்­ள­னர்.

தமிழ் - 34 , ஆங்­கி­லம் - 93, கணி­தம் 3194, அறி­வி­யல் - 10476, சமூக அறி­வி­யல் - 3336 மாண­வர்­கள் நூற்­றுக்கு நூறு மதிப்­பெண் பெற்­றுள்­ள­னர் என்­பது குறிப்­பி­டத்­தக்­கது.