புதுச்சேரி, மே 22 –
புதுச்சேரி மாநில திராவிட முன்னேற்றக் கழகத்தின் செயற்குழுக் கூட்டம் நேற்று (21.5.2026) மாலை புதுச்சேரி சித்தன்குடியில் உள்ள ஜெயராம் திருமணமண்டபத்தில் நடைபெற்றது.
கூட்டத்திற்கு மாநில கழக அவைத் தலைவர் எஸ்.பி.சிவக்குமார் தலைமை வகித்தார். மாநில கழக துணை அமைப்பாளர்கள்வி.அனிபால் கென்னடி, அ.தைரியநாதன், ஏ.கே.குமார், மாநில பொருளாளர் இரா.செந்தில்குமார், எம்.எல்.ஏ., மாநில இளைஞர் அணி அமைப்பாளர் எல்.சம்பத்ஆகியோர் முன்னிலை வகித்தனர்.
மாநில கழக அமைப்பாளரும், மேனாள் சட்டமன்ற எதிர்க்கட்சித் தலை வருமான இரா. சிவா தீர்மானங்களை விளக்கி சிறப்புரை ஆற்றினார்.
கூட்டத்தில் நிறைவேற்றப்பட்ட தீரமானங்கள்:
தீர்மானம்: 1
திராவிட முன்னேற்றக் கழகத்தின் இளைஞர் அணிச் செயலாளர், எதிர்க்கட்சித் தலைவர் உதயநிதி ஸ்டாலின் அவர்களை தி.மு.கழகத்தின் சட்டப்பேரவை கட்சித் தலைவராக தேர்வு செய்தும், தமிழ்நாடு சட்டமன்றத்தின் எதிர்க்கட்சித் தலைவராகவும் பணியாற்றிட வாய்ப்பு வழங்கிய கழகத் தலைவர் தளபதியார் அவர்களுக்கும், எதிர்க்கட்சித் தலைவராக பொறுப்பேற்ற முதல் நாளில் தமிழ்நாடு சட்டப்பேரவையில் எழுச்சி உரையாற்றி கழகத்தினருக்கு பெரும் நம்பிக்கையை ஏற்படுத்தி உள்ள நமது இளம்தலைவர் உதயநிதி ஸ்டாலின் அவர்களுக்கும் இக்கூட்டம் நன்றியினைத் தெரிவித்துக் கொள்கிறது.
தீர்மானம்: 2
புதுச்சேரி மாநிலத்திற்கு உட்பட்ட காலாப்பட்டு, ராஜ்பவன், உருளையன்பேட்டை, உப்பளம், முதலியார்பேட்டை, வில்லிய னூர், மங்கலம், திருபுவனை, கதிர்காமம், நெல்லித்தோப்பு, பாகூர், காரைக்கால் தெற்கு, நிரவி டி.ஆர்.பட்டினம் ஆகிய தொகுதிகளில் போட்டியிட்ட கழக வேட்பாளர்கள் மற்றும் மதச்சார்பற்ற முற்போக்குக் கூட்டணி கட்சிகளின் வேட்பாளர்களை ஆதரித்து தீவிர வாக்கு சேகரிப்பில் ஈடுபட்ட கழகத் தலைவர் அண்ணன் தளபதியார் அவர்களுக்கும், கழக இளைஞர் அணிச்செயலாளர், தமிழ்நாடு சட்டப்பேரவைஎதிர்க்கட்சித் தலைவர் உதயநிதி ஸ்டாலின் அவர்களுக்கும், புதுச்சேரி மாநில கழக தேர்தல் பொறுப்பாளர், கழக கொள்கைப் பரப்புச் செயலாளர் எஸ்.ஜெகத்ரட்சகன் எம்.பி., மதச்சார்பற்ற முற்போக்குக் கூட்டணி கட்சித் தலைவர்கள், நிர்வாகிகள், தோழர்களுக்கும், குறிப்பாக நமது கழகத்தைச் சார்ந்த மாநில கழக நிர்வாகிகள், முன்னாள், இந்நாள் சட்டமன்ற உறுப்பினர்கள், தலைமைச் செயற்குழு, பொதுக்குழு உறுப்பினர்கள், தொகுதி கழகச் செயலாளர்கள், நிர்வாகிகள், சார்பு அணிகளின் அமைப்பாளர்கள், தலைவர்கள், துணைத் தலைவர்கள், துணை அமைப்பாளர்கள், கிளைக் கழக செயலாளர்கள், நிர்வாகிகள், தேர்தல் குழு உறுப்பினர்கள், BLA-2, BLC, உள்ளிட்ட அனைத்து நிலை பொறுப்பாளர்களுக்கும் இக்கூட்டம் நன்றியினை தெரிவித்துக் கொள்கிறது.
தீர்மானம்: 3
புதுச்சேரி மாநிலத்தில் நடைபெற்ற சட்டமன்றத் தேர்தலில் மாதச்சார்பற்ற முற்போக்குக் கூட்டணியில் நமது கழகத் தலைவர் அண்ணன் தளபதியார் அவர்கள் நிறுத்திய கழக வேட்பாளர்களுக்கு வாக்களித்த அனைத்து வாக்காளப் பெருமக்களுக்கும், ஐந்து கழக உறுப்பினர்களை 16வது சட்டப்பேரவைக்கு தேர்ந்தெடுத்தமைக்கும் இச்செயற்குழு கூட்டம் நன்றியினைத் தெரிவித்துக் கொள்கிறது.
தீர்மானம்: 4
முத்தமிழறிஞர் தலைவர் கலைஞர் அவர்களின் பிறந்த நாளான ஜூன் 3ம் தேதி அன்று புதுச்சேரி மாநிலத்தில் உள்ள அனைத்து தொகுதிகளிலும், தொகுதி கழகம், கிளைக் கழகம் மற்றும் சார்பு அணிகளின் சார்பாக தலைவர் கலைஞர் அவர்களின் திருஉருவப் படத்தினை வைத்து மாலை அணிவித்து மரியாதை செலுத்துவதோடுஇனிப்புகள் வழங்கியும், நலிந்த ஏழை, எளியவர்கள் பயன்பெறும் வகையில் பல்வேறு நலத்திட்ட உதவிகள் வழங்கி சீரும், சிறப்புமாக பிறந்தநாளை வெகு விமர்சியாக கொண்டாட வேண்டும் என இக்கூட்டம் கேட்டுக் கொள்கிறது.
தீர்மானம்: 5
நடந்து முடிந்த தமிழ்நாடு சட்டமன்றத் தேர்தல்முடிவுகள் குறித்து கள ஆய்வு மேற்கொள்ள குழு அமைத்துள்ள கழகத் தலைவர் அவர்களுக்கு இக்கூட்டம் நன்றி தெரிவிப்பதுடன், புதுச்சேரி மாநில சட்டமன்றத் தேர்தல் முடிவுகள் குறித்தும் கள ஆய்வு மேற்கொள்ள கழகத் தலைவர் அவர்களால் நியமிக்கப்படும் குழுவினர் புதுச்சேரிக்கு வருகை தரும்போது கழகத்தினர் முழு ஒத்துழைப்பு அளித்து கழக வளர்ச்சிக்கு வழிகாண வேண்டும் என்றுஇக்கூட்டம் கேட்டுக்கொள்கிறது.
தீர்மானம்: 6
சென்னை அண்ணா அறிவாலயத்தில் கழகத் தலைவர் தளபதி அவர்கள் தலைமையில் நடைபெற்ற மாவட்ட செயலாளர்கள் கூட்டத்தின் வாயிலாக தலைவர் அவர்கள் ஆற்றிய உரையினை கவனத்தில் கொண்டு நாம் ஒவ்வொருவரும் நம்மை நாமே சுயபரிசோதனைக்கு உட்படுத்தி உண்மையான உடன்பிறப்புகளாக நம்மை முன்னெடுத்து கட்சியின் தலைவர் அவர்கள் எடுக்கும் முடிவுகளை உள்வாங்கி எதிர்கால அரசியல் களத்தை நமது அயராத உழைப்பால் கட்டமைத்து வெற்றியை நோக்கி பணி ஆற்றுவோம். தோல்வியில் இருந்து மீண்டு கழகத் தலைவர் தளபதி தலைமையில் தமிழ்நாட்டிலும், புதுச்சேரி யிலும் கழக ஆட்சி அமைய பாடுபடுவோம் என்று இக்கூட்டம் ஒருமனதாக முடிவு செய்கிறது.
இவ்வாறு தீர்மானங்கள் நிறைவேற்றப்பட்டன.
கூட்டத்தில், கழக சட்டமன்றஉறுப்பினர்கள் வே.கார்த்திகேயன், ஆ.ரமேஷ் (எ) செந்தில், விக்னேஷ்கண்ணன், முன்னாள் சட்டமன்ற உறுப்பினர்கள் பூ.மூர்த்தி, நந்தா. சரவணன், பி.அங்காளன், உருளையன்பேட்டை எஸ்.கோபால், மங்கலம் ரங்கன், தலைமைச் செயற்குழுஉறுப்பினர்கள் கே.எம்.பி. லோகையன், டி.அருட்செல்வி, பொதுக்குழு உறுப்பினர்கள் ந.தங்கவேலு, பெ.வேலவன்,வீ.சண்முகம், எஸ்.தர்மராஜன், ஜெ.வேலன், ஆர்.கோகுல், ப.இளம்பரிதி, நா.கோபால கிருஷ்ணன், எஸ்.எஸ்.செந்தில்குமார், எஸ்.அமுதாகுமார், எஸ்.நர்கீஸ், தொகுதி செயலாளர்கள் இரா. சக்திவேல், வ.சீத்தாராமன், பாண்டு அரிகிருஷ்ணன், செ. நடராஜன், ஜி.பி.சவுரிராஜன், எல். மணிகண்டன், து.சக்திவேல், கோ.தியாகராஜன், ர.சிவக்குமார், ரா. றுமுகம், ப.வடிவேல், பி.ஆர். ரவிச்சந்திரன், வெ. சக்திவேல், க. ராஜாராமன், பி.சா. இளஞ்செழியபாண்டியன், சே.ராதா கிருஷ்ணன்,ம.கலைவாணன், செ.சத்தியவேலு,முருகதாஸ்,
அணிகளின் அமைப்பாளர்கள் மாணவர் அணி எஸ்.பி.மணிமாறன், விவசாய அணி வெ. குலசேகரன், இலக்கிய அணி சீனு. மோகன்தாசு, விவசாய தொழிலாளர் அணி தவ. முருகன் மீனவரணி ந. கோதண்டபாணி, கலை, இலக்கிய பகுத்தறிவுப் பேரவை கி.சங்கர் (எ) சிவசங்கரன், நெசவாளர் அணி ந. செந்தில்முருகன், விளையாட்டு மேம்பாட்டு அணி ந. ரவிச்சந்திரன், மகளிர் அணி காயத்ரி ஸ்ரீகாந்த், தொண்டர் அணி வீரன் (எ) விரய்யன், வர்த்தகர் அணி சு. ரமணன், தகவல் தொழில்நுட்ப அணி தாமோ. தமிழசரன், மருத்துவர் அணிஆனந்து ஆரோக்கியராஜ் அமைப்புசாரா ஓட்டுநர் அணி ம.மதிமாறன்,சுற்றுச்சூழல் அணித.முகிலன், அயலக அணி அ.ஷாஜகான், வழக்கறிஞர் அணி ச.பரிமளம், தொமுச அண்ணா அடைக்கலம் மற்றும் அணிகளின் தலைவர்கள், துணைத் தலைவர்கள், துணை அமைப்பாளர்கள் உள்ளிட்டோர் கலந்து கொண்டனர்.