சென்னை, மே 23–

சமஸ்­கி­ருத மய­மான ‘வந்தே மாத­ர’த்­திற்கு முத­லி­டம் தந்து ‘‘மீண்­டும் தமி­ழுக்கு மூன்­றா­மி­டமா?’’ தமிழ்­நாடு ஒரு­போ­தும் ஏற்­கவே ஏற்­காது! இது வன்­மை­யான கண்­ட­னத்­திற்­கு­ரி­யது என்று திரா­வி­டர் கழ­கத் தலை­வர் ஆசி­ரி­யர் கி.வீர­மணி அவர்­கள் அறிக்கை விடுத்­துள்­ளார்.

அவ­ரது அறிக்கை வரு­மாறு:

21.5.2026 அன்று காலை ஜோசப் விஜய் அவர்­க­ளது ஆட்சி, தனது அமைச்­ச­ர­வை­யின் இரண்­டாம் கட்ட விரி­வாக்­கத்தை அறி­வித்து, 23 புதிய அமைச்­சர்­கள் (காங்­கி­ரஸ் கட்­சிக்­குத் தந்த இரண்டு அமைச்­சர்­கள் உள்­பட) பத­வி­யேற்பு நிகழ்ச்­சி­கள் நடை­பெற்­றன.

நிகழ்ச்­சி­யின் தொடக்­கத்­தில், முத­லி­டம் ‘வந்தே மாத­ரம்’ பாட்­டுக்கு! (சமஸ்­கி­ருத மய­மாக்­கப்­பட்ட வங்­கா­ளம்) இரண்­டா­வது, ‘ஜன கண மன அதி நாயக’ ‘நாட்­டுப் பண்’ என்­ப­தைப் பாடி, ‘நீரா­ரும் கட­லு­டுத்த’ என்ற மொழி வாழ்த்­துப் பாடல் மூன்­றாம் இடத்­திற்­குத் தள்­ளப்­பட்­டுள்­ளது.

முந்­தைய ‘திரா­விட மாடல்’ அரசு, தொடர்ந்து கடைப்­பி­டித்த செம்­மொ­ழி­யாம் எம் மொழி தமி­ழுக்கு முத­லி­டம் தந்து, தேசி­யப் பண் (‘ஜன கண மன’ பாட்டு) சட்­ட­மன்­றத்­தில் இறு­தி­யில்­தான் இசைக்­கப்­ப­டும் வகை­யில் நிகழ்வை நடத்­தி­ய­போது, அதற்கு அடா­வ­டித்­த­னம் செய்த, முன்­னி­ருந்த ஆர்.என்.ரவி என்ற ஆளு­ந­ரின் போக்கை அனு­ம­திக்­கா­மல், இந்த உரி­மையை அன்­றைய முத­ல­மைச்­சர் மு.க.ஸ்டாலின் அவர்­கள் நிலை­நாட்­டி­னார்.

தமி­ழுக்குநிரந்­த­ர­மாக மூன்­றா­மி­டம் என்­றாக்­கி­யுள்­ளார் பொறுப்பு ஆளு­நர்!

சென்­ற­முறை பத­வி­யேற்பு விழா­வின்­போது நடை­பெற்ற அதே முறை போன்றே, இம்­மு­றை­யும் இன்­றைய பத­வி­யேற்பு விழா­வை­யும் நடத்­திக் காட்டி, தமி­ழுக்கு நிரந்­த­ர­மாக மூன்­றாம் இடம் என்­றாக்­கி­யுள்­ளார் பொறுப்பு ஆளு­நர் அர்­லே­கர் – அதனை ஏற்­றுக்­கொண்­டுள்­ளது தமிழ்­நாடுபுதிய அரசு.

முன்பு, இது­பற்றி வன்­மை­யான கண்­ட­னத்­தைத் தமிழ்­நாட்­டில் உள்ள முக்­கிய கட்­சி­க­ளும், நாமும் எழுப்­பிய நிலை­யில், புதிய முத­ல­மைச்­சர் சார்­பில், அவ­ரது அமைச்­சர்­க­ளில் ஒரு­வ­ரான ஆதவ் அர்­ஜூனா அவர்­கள் மூலம், ‘‘இனி­மேல் இப்­படி நடக்­காது’’ என்­றும், ‘‘தமிழ் மூன்­றா­வது இடத்­திற்­குத் தள்­ளப்­ப­டு­வதை ஏற்­க­மாட்­டோம்’’ என்­றும் கூறப்­பட்ட வாக்­கு­றுதி, இவ்­வ­ளவு விரை­வில், சில நாள்­க­ளி­லேயே காற்­றில் பறக்­க­வி­டப்­ப­டு­கி­றதா?

தமிழ்­நாட்­டிற்­குத்

தலைக்­கு­னிவு!

இந்த ஆட்­சி­யின் தொடக்­கமே தமிழ்­நாட்­டின் மரபை உடைத்து, சமஸ்­கி­ரு­தத்­தினை முதன் மொழி­யாக்கி, தமிழை மூன்­றா­வது இடத்­திற்­குத் தள்­ளி­விட்டு மகி­ழும் ஆர்.எஸ்.எஸ். – சமஸ்­கி­ரு­தப் பண்­பாட்­டுத் திணிப்பை, டில்லி எஜ­மா­னத் தனத்­திற்கு அடி­ப­ணி­யும் போக்­குக்கு இடந்­தந்து தமிழ்­நாட்­டிற்­குத் தலைக்­ கு­னிவை ஏற்­ப­டுத்­து­வதா?

‘கொள்கை எதி­ரி­க­ளி­டம்’ இப்­படி ஒரு சம­ர­சப் போக்கா? இதைத் தமிழ்­நாடு ஒரு­போ­தும் ஏற்­கவே ஏற்­காது! புதிய ஆட்­சி­யின் ‘‘நம்­ப­கத்­தன்மை’’ இப்­போது இவ்­வ­ளவு குறு­கிய இடை­வெ­ளி­யில் சந்­தே­கத்­திற்­கு­ரிய கேள்­விக்­கு­றி­யா­க­லாமா?

முன்பு, ஆளு­நர் மாளி­கை­யின் ‘லோக் பவன்’ ஏற்­பாடு செய்­தது என்று ஒரு­வகை சமா­தா­னம் கூறப் ­பட்­டது. இப்­போது புதிய முத­ல­மைச்­ச­ரா­கி­யு ள்ள ஜோசப் விஜய் அவர்­க­ளின் ஆணைப்­படி நடக்­க­வேண்­டிய பொதுத் துறை (Public Department) நிகழ்ச்­சி­தானே! இந்­தப் பத­வி­யேற்பு நிகழ்ச்சி நிரல் முறைப்­படி, புதிய முத­ல­மைச்­சர் ஒப்­பு­த­லு­டன்­தானே நடந்­தி­ருக்க வேண்­டும்?

அலட்­சி­யப்­ப­டுத்­து­வது

வன்­மை­யான

கண்­ட­னத்­திற்­கு­ரி­யது!

இது தமிழ்­நாட்டு மக்­க­ளின் ஒட்­டு­மொத்­த­மான உணர்வு பொங்­கும், உணர்ச்­சிப்­பூர்­வ­மான பிரச்­சினை – அதனை அலட்­சி­யப்­ப­டுத்­து­வது வன்­மை­யான கண்­ட­னத்­திற்­கு­ரி­யது!

இத­னைத் தமிழ்­நாட்டு மக்­க­ளின் எச்­ச­ரிக்­கை­யா­கக் கொண்டு, பார்க்­கத் தவ­றி­னால், அதன் பார­தூர விளை­வு­களை இவ்­வ­ளவு விரை­வில் ஏற்­க­வேண்­டிய கட்­டா­யம் புதிய அர­சுக்கு ஏற்­ப­டு­வது தவிர்க்க முடி­யா­தது.

இவ்­வாறு திரா­வி­டர் கழ­கத் தலை­வர் கி.வீர­மணி அறிக்­கை­யில் தெரி­வித்­துள்­ளார்.