தென்காசி, மே 23–
தென்காசிமாவட்டம் குற்றாலத்தில் சுற்றுலாத் துறை மூலம் நடைபெற்று வரும் பல்வேறு வளர்ச்சி திட்ட பணிகளை தென்காசி தொகுதி சட்டமன்ற உறுப்பினர் மரு.கலை கதிரவன் நேரில் பார்வையிட்டு ஆய்வு செய்தார்.பணிகளை விரைந்து முடிக்கும்படி பொறியாளர் கள் மற்றும் ஒப்பந்ததாரர்களை கேட்டுக் கொண்டார்.மேலும் மாவட்ட வன அலுவலரை நேரில் சந்தித்து பொதுமக்களை பாதிக்கும்நுழைவு கட்டணத்தை ரத்து செய்ய கோரிக்கை வைத்துள்ளார்.
தமிழ்நாட்டின் முக்கிய சுற்றுலாத்தலமான குற்றாலத்தில் மெயின் அருவி மற்றும் ஐந்தருவி பகுதிகளில் சுற்றுலாதுறை மூலம் பல கோடி ரூபாய் மதிப்பீட்டில் பல்வேறு வளர்ச்சி பணிகள் நடைபெற்று வருகிறது. குறிப்பாககுற்றாலம் மெயின் அருவியில் பழைய பாதுகாப்பு வளைவை அகற்றிவிட்டு புதியதாக பாதுகாப்பு வளைவு அமைக்கப்பட்டு வருகிறது. மேலும் பெண்கள் உடை மாற்றும் அறையும் கட்டப்பட்டு வருகிறது. ஐந்தருவி பகுதியில் பெண்கள் உடை மாற்றும் அறை மற்றும் சுற்று சுவர் கட்டும் பணிகள் நடைபெற்று வருகிறது.இந்த பணிகளை நேற்று முன்தினம் (21 ம் தேதி) தென்காசி சட்டமன்ற உறுப்பினர் மருத்துவர். கலை கதிரவன் பார்வையிட்டதுடன், அங்கு பணியில் இருந்த அரசு ஒப்பந்ததாரர் மற்றும் பொறியாளர் களிடம்,குற்றால சீசன் விரைவில் துவங்க இருப்பதை முன்னிட்டு பணிகளை விரைந்து முடித்து தருமாறு கேட்டுக் கொண்டார்.
தொடர்ந்து மருத்துவர்.கலை கதிரவன் எம்.எல்.ஏ. மாவட்ட வன அலுவலரை நேரில் சந்தித்து பொதுமக்களை பாதிக்கும் நுழைவு கட்டணத்தை ரத்து செய்ய கோரி வலியுறுத்தியுள்ளார்.
முன்னதாக மரு.கலை கதிரவன் எம்.எல்.ஏ. குற்றாலம் திருக்குற்றால நாத சுவாமி கோவிலில் அனைத்து சன்னதிகளிலும் சுவாமி தரிசனம் செய்துவிட்டு அங்கு கும்பாபிஷேக திருப்பணிகளுக்காக கடந்த தி.மு.க ஆட்சியில் 2 கோடியே 76 லட்சம் ரூபாய் நிதி ஒதுக்கீடு செய்யப்பட்டு நடைபெற்று வரும் திருப்பணிகளையும் பார்வையிட்டார்.
நிகழ்வில் குற்றாம் பேரூர் செயலாளர் சங்கர் என்ற குட்டி, முன்னாள் வழக்கறிஞரணி அமைப்பாளர் வேலுச்சாமி,மாவட்ட வர்த்தக அணி அமைப்பாளர் முத்துக்குமார், குற்றாலநாத சுவாமி திருக்கோவில் அறங்காவலர் வீரபாண்டியன்,மாவட்ட தொண்டரணி துணைஅமைப்பாளர் சுரேஷ், இளைஞரணி கனிராஜ், ஒன்றிய பிரதிநிதி குத்தாலிங்கம், மேலகரம் துணைசெயலாளர் பூபதி, அனந்தநாராயணன்,செல்வம், ஜிம் ஜெய்சங்கர் உட்பட பலர் கலந்து கொண்டனர்.