தென்காசி, மே. 23–
தென்காசி தொகுதி சட்டமன்ற உறுப்பினர் மருத்துவர். கலை கதிரவன் குற்றாலம் பிரதான அருவிப்பகுதிகளில் நடைபெறும் சீரமைப்புப் பணிகளை விரைந்து முடிக்ககோரி தென்காசி மாவட்டஆட்சியர் கமல் கிஷோரிடம் கோரிக்கை மனு கொடுத்துள்ளார்.
அந்த மனுவில் அவர் கூறியிருப்பதாவது–
தமிழகத்தின் முக்கிய சுற்றுலா தலமாக விளங்கும் குற்றாலம் ஆண்டுதோறும் நடைபெறும் சீசன் இன்னும் சில தினங்களில் தொடங்க உள்ளது, என்பதை தாங்கள் நன்கு அறிவீர்.இதனை முன்னிட்டு பல்வேறு மாவட்டங்களில் இருந்தும் மற்றும் பிற மாநிலங்களில் இருந்தும் ஆயிரக்கணக்கான சுற்றுலாப் பயணி கள் வருகை தரத் தொடங்கியி ருப்பது தங்களின் கவனத்திற்கு வந்திருக்கும்.
இந்நிலையில் முதல் முறையாக பழைய குற்றாலம் அருவியில் நுழைவுக் கட்டணம் அமல்படுத்தப்பட்டுள்ளதாக பொதுமக்கள் மற்றும் சுற்றுலா பயணிகள் மத்தியில் கடும் அதிர்ச்சி நிலவி வருகிறது.எனவே பொதுமக்களின்நலனை கருத்தில் கொண்டுஅந்த நுழைவு கட்டணத்தை ரத்து செய்யுமாறு தங்களை கேட்டுக்கொள்கிறேன்.
மேலும் தற்போது குற்றாலம் பிரதான அருவியில் சீரமைப்பு பணிகள் நடைபெற்று வருவதால், சுற்றுலாப் பயணிகள் குளிக்க இயலும் முக்கிய இடமாக ஐந்தருவி மட்டுமே உள்ளது. ஆனால் அங்கும் தற்போது பராமரிப்பு பணிகள் நடைபெற்று வருவதால் சுற்றுலா பயணிகள் சிர மத்திற்கு உள்ளாகும் நிலை உருவாகியுள்ளது.
எனவே பிரதான அருவி மற்றும் ஐந்தருவி பகுதிகளில் நடைபெற்று வரும் பணிகளை விரைந்து முடிக்க நடவடிக்கை எடுக்குமாறும், பணிகள் நிறைவடையும் வரை சுற்றுலாப் பயணிகள் வசதிக்காக ஐந்தருவி பகுதியில் தற்காலிக அடிப்படை வசதிகளை உடனடியாக ஏற்படுத்தி தருமாறும் கேட்டுக் கொள்கிறேன்.
குறிப்பாக:
1. பெண்கள் தற்காலிக உடை மாற்றும் அறைகள் அருவியின் அருகாமையில் அமைக்க வேண்டும்.
2. தற்காலிக கழிப்பறைகள்.
3. குடிநீர் வசதி.
4. பெண்கள் மற்றும் குழந்தைகளுக்கான பாதுகாப்பு ஏற்பாடுகள்.
5. கூட்ட நெரிசலை கட்டுப்படுத்த போதிய காவல் மற்றும் ஒழுங்கு நடவடிக்கைகள்.
6.போக்குவரத்து-வாகன நிறுத்தத்திற்கு போதிய வசதிகள் ஏற்படுத்துதல், போன்ற வசதிகள் அவசர அடிப்படையில் மேற்கொள்ளப்பட வேண்டும். சுற்றுலாப் பயணிகள் எந்தவித அவசரமோ, சிரமமோ இல்லாமல் பாதுகாப்பாகவும்,மகிழ்ச்சியாகவும் அருவிகளில் குளித்து மகிழ மேற்கண்ட கோரிக்கைகளை அவசர முக்கியத்துவத்துடன் பரிசீலித்து உடனடி நட வடிக்கை எடுக்குமாறு தங்களை அன்புடன் கேட்டுக்கொள்கிறேன்.
இவ்வாறு அவர் கோரிக்கை மனுவில் கூறியுள்ளார்.
தி.மு.க. மாவட்டக் கழகச் செயலாளர் கூட்டத்தில் அறிவித்ததற்கிணங்க, கழகத் தலைவர் மு.க.ஸ்டாலின் அவர்களின் அறிவிப்பின்படி, தென்காசி தெற்கு மாவட்டம், தென்காசி, கடையநல்லூர் தொகுதிகளில் ‘கள ஆய்வுக் குழு’
ச.முரசொலி எம்.பி., சேலம் உமாராணி ஆகியோர் கீழ்க்காணும் விவரப்படி ஆய்வு செய்கின்றனர்.
1.6.2026 – தென்காசி சட்டமன்றத் தொகுதி – டிரிஸ்லில் எலைட் மஹால் – இலஞ்சி.
2.6.2026 – கடைய நல்லூர் சட்டமன்றத் தொகுதி – எஸ்.எஸ்.கிராண்ட் மஹால் – அச்சம்பட்டி – கடையநல்லூர்
சட்டமன்றத் தொகுதி- -– கள ஆய்வு!
கழகத் தலைவர் ஆணைக்கிணங்க காஞ்சிபுரம் தெற்கு மாவட்டச் செயலாளர் க.சுந்தர் அறிவிப்பின்படி காஞ்சிபுரம் தெற்கு மாவட்டத்தில் சட்டமன்றத் தொகுதி “கள ஆய்வுக் குழு” திருமதி ஹெலன் டேவிட்சன் (முன்னாள் எம்.பி.) தலைமைச் செயற்குழு உறுப்பினர் இளமகிழன் ஆகியோர் அடங்கிய குழு வரும் 25 ஆம் தேதி முதல் சட்டமன்றத் தொகுதிகளில் கீழ்க்காணும் விவரப்படி சட்டமன்றத் தேர்தல் குறித்த கள ஆய்வு மேற்கொள்ளவிருக்கிறது.