நாமக்கல், மே 23 –
நாமக்கல் கிழக்கு மாவட்ட தி.மு.க. செயற்குழு கூட்டம் நாமக்கல் முல்லை நகரில் உள்ள மாவட்ட அலுவலகமான கலைஞர் அறிவாலயம் பேராசிரியர் கூட்ட ரங்கில் நடைபெற்றது. கூட்டத்திற்கு மாவட்ட அவை தலைவர் சி.மணிமாறன் தலைமை தாங்கினார்.
முன்னாள் அமைச்சர் டாக்டர் மா.மதிவேந்தன், முன்னாள் சட்டமன்ற உறுப்பினர்கள் ராமலிங்கம், இராமசுவாமி ஆகியோர் முன்னிலை வகித்தனர்.
கூட்டத்தில் நாமக்கல் கிழக்கு மாவட்டக் கழக செயலாளரும் மாநிலங்களவை உறுப்பினரும், நாமக்கல் மாவட்ட மத்திய கூட்டுறவு வங்கி தலைவருமான கே.ஆர்.என். இராஜேஸ்குமார் கலந்து கொண்டு சிறப்புரையாற்றினார். இதில் மாநில, மாவட்ட நிர்வாகிகள், ஒன்றிய, நகர, பேரூர் தி.மு.க. செயலாளர்கள் உள்ளிட்ட பலர் கலந்து கொண்டனர்.
கூட்டத்தில், முன்னாள் முதல்வர் கலைஞரின் 103-வது பிறந்தநாளை முன்னிட்டு வரும் ஜூன் 3-ஆம் தேதி நாமக்கல் கிழக்கு மாவட்டம் முழுவதும் பல்வேறு நலத்திட்ட உதவிகள் வழங்குதல், பள்ளி மற்றும் அங்கன்வாடி குழந்தை களுக்கு நோட்டு புத்த கங்கள் வழங்குதல், ஏழை எளிய மக்களுக்கும் முதியோர்களுக்கும் உணவு வழங்குதல் உள்ளிட்ட நலத்திட்ட பணிகளை ஒன்றிய, நகர மற்றும் பேரூர் பகுதிகளில் மேற்கொள்ளவது,
மேலும், ஜூன் 3-ஆம் தேதி காலை 8.30 மணிக்கு பரமத்தி சாலையில் உள்ள டாக்டர் கலைஞரின் திருவுருவச் சிலைக்கு மாலை அணிவித்து இனிப்பு வழங்கி பிறந்தநாள் விழாவை சிறப்பாகக் கொண்டாடுவது. அதேபோல், தமிழ்நாடு சட்டப்பேரவைக்கான 17-வது தேர்தலில் திமுக தலைமையிலான மதச்சார்பற்ற முற்போக்கு கூட்டணிக்கு வாக்களித்த நாமக்கல், ராசிபுரம் மற்றும் சேந்தமங்கலம் தொகுதி மக்களுக்கு நாமக்கல் கிழக்கு மாவட்ட தி.மு.க. சார்பில் நன்றி தெரிவிக்கப்பட்டது.
தேர்தலில் சிறப்பாக பணியாற்றிய கழக நிர்வாகிகள், தொண்டர்கள் மற்றும் கூட்டணி கட்சி நிர்வாகிகளுக்கும் பாராட்டு தெரிவித்துக் கொள்வது. மேலும், தி.மு.க. இளைஞரணி செயலாளரும், முன்னாள் துணை முதல்வரு மான உதயநிதி ஸ்டாலின் அவர்களை தமிழ்நாடு சட்டப்பேரவையின் எதிர்க்கட்சித் தலைவராக கழகத் தலைவர் உதயநிதி ஸ்டாலின் அவர்களை தேர்வு செய்த கழகத் தலைவர் மு.க.ஸ்டாலின் அவர்களுக்கு நன்றி தெரிவித்துக் கொள்வதுடன் எதிர்க்கட்சித் தலைவருக்கு வாழ்த்து தெரிவிப்பதுடன், எதிர்க்கட்சித் தலைவரின் பணிகளுக்கு நாமக்கல் கிழக்கு மாவட் டக் கழகம் என்றும் உறுதுணையாக இருக்கும் உள்ளிட்ட பல்வேறு தீர்மானங்கள் நிறைவேற்றப் பட்டன.