கிருஷ்ணகிரி மேற்கு மாவட்டம் வேப்பனஅள்ளி சட்டமன்றத் தொகுதிக்குட்பட்ட சூளகிரி ஒன்றியத்தில் சூளகிரி ஒன்றிய செயலாளர் பாக்யராஜ் தலைமையில் சாமல்பள்ளம், பஸ்தலஅல்லி, காளிங்காவரம் உள்ளிட்ட சுற்றுவட்டாரப் பகுதிகளுக்கு மாநில இளைஞரணி துணை செயலாளர் சட்டமன்ற உறுப்பினர் சீனிவாசன் நேரில் சென்றார். அங்கு, உதயசூரியன் சின்னத்திற்கு வாக்களித்து தங்களை வெற்றி பெறச் செய்த வாக்காளர்களுக்கும், பொதுமக்களுக்கும் அவர் தனது நெஞ்சார்ந்த நன்றியினைத் தெரிவித்துக் கொண்டார். பொதுமக்களும் அவருக்கு உற்சாக வரவேற்பு அளித்தனர். இந்நிகழ்ச்சியில், மாவட்ட அயலக அணி அமைப்பாளர் பூசன் குமார், முன்னாள் மாவட்ட ஊராட்சி குழு துணைத் தலைவர் ஷேக் ரஷித், காளிங்காவரம் ஹரி உள்ளிட்ட ஏராளமான கழக நிர்வாகிகள், உள்ளாட்சி பிரதிநிதிகள் மற்றும் பொது மக்கள் பலர் உடனிருந்தனர்.