திருப்பூர், மே 23–
கழகத் தலைவர் முத்துவேல் கருணாநிதி ஸ்டாலின்அவர்களின் தலைமையில் நடைபெற்ற கடந்த கால திராவிட மாடல் அரசின் சாதனை திட்டங்களை மக்களிடம் கொண்டு செல்ல ஆர்வம் காட்டாத பள்ளிக்கல்வித்துறையால் திருப்பூரில் அரசு பள்ளிகளில் மாணவ, மாணவியர்கள் சேர்க்கையில் மந்த நிலை ஏற்பட்டுள்ளது.
திருப்பூர் மாவட்டத்தில் 2026–-27ம் கல்வி ஆண்டிற்கான அரசு பள்ளி மாணவ, மாணவியர் சேர்க்கை நடவடிவக்கைகளில் கல்வித்துறை போதிய ஆர்வம் காட்டவில்லைஎன்றும், இதனால் சேர்க்கைமந்தமாகும் சூழல் நிலவுவதாகவும் சமூக ஆர்வலர்கள் குற்றம் சாட்டியுள்ளனர்.
கழகத் தலைவர் முத்துவேல் கருணாநிதி ஸ்டாலின்அவர்களின் தலைமையில் நடைபெற்ற கடந்த கால திராவிட மாடல் ஆட்சியில் அரசு பள்ளிகளில் மாணவர் சேர்க்கையை அதிகரிக்க பல்வேறு அதிரடி முன்னேற் பாடுகள் செய்யப்பட்டன. குறிப்பாக, அரசு சார்பில் மாணவர்களுக்கு வழங்கப்படும் விலையில்லா பாடநூல்கள், நோட்டு புத்தகங்கள் சீருடைகள் மற்றும் சைக்கிள் வழங்கும் திட்டங்கள் குறித்தும், உயர்கல்வி பயிலும் மாணவிகளுக்கு மாதம் ஆயிரம் ரூபாய் வழங்கும் புதுமைப்பெண் திட்டம் மற்றும் மாணவர்களுக்கான தமிழ் புதல்வன் திட்டம் குறித்தும் விரிவான விழிப்புணர்வு ஏற்படுத்தப் பட்டது.
மேலும், அரசு பள்ளி மாணவ, மாணவியர்களின் உயர்கல்வி கனவை நனவாக்கும் நான் முதல்வன் திட்டம், தமிழ் வழியில் கல்வி பயின்ற மாணவ, மாணவியர்களுக்கான 20 சதவீத இடஒதுக்கீடு, அரசு பள்ளி மாணவ, மாணவியர்களுக்கான 7.5 சதவீத மருத்துவக்கல்வி இடஒதுக்கீடு மற்றும் மாணவர்களின் சிந்தனையை தூண்டும் அறிவியல் சுற்றுலா உள்ளிட்ட வரலாற்று சிறப்புமிக்க திட்டங்கள் குறித்த விழிப்
புணர்வு பேனர்கள் அரசு பள்ளிகளின் முன்பாக பிரம்மாண்டமாக வைக்கப்பட்டன. இந்த திட்டங்களால் ஈர்க்கப்பட்டு தனியார் பள்ளிகளுக்கு நிகராக பெற்றோர்கள் தங்கள் குழந்தைகளை அரசு பள்ளிகளில் சேர்க்க ஆர்வம் காட்டினர். இதனால், கடந்த ஆண்டுகளில் திருப்பூர் மாவட்டத்தில் மாணவ,மாணவியர்கள் சேர்க்கை கணிசமாக உயர்ந்தது. ஆனால், நடப்பு 2026 - 27ம் கல்வி ஆண்டு தொடங்குவதற்கு இன்னும் சில வாரங்களே உள்ள நிலையில், திருப்பூரில் உள்ள பெரும்பாலான அரசு பள்ளிகளில் மாணவ, மாணவிகள் சேர்க்கையை அதிகரிப்பதற்கான எந்தவித
விழிப்புணர்வு பேனர்களோ அல்லது முறையான முன்னேற்பாடுகளோ இதுவரை செய்யப்படவில்லை. கல்வித்துறையும், பள்ளி நிர்வாகங்களும் மாணவர் சேர்க்கையை தீவிரப்படுத்து வதில் போதிய ஆர்வம் காட்டாத நிலை நீடிக்கிறது. மார்ச் 1ம் தேதி அரசு
பள்ளிகளில் மாணவர் சேர்க்கை தொடங்கிய நிலையில், இரண்டு மாதங்களாக திருப்பூர் மாவட்டம் முழுவதும் உள்ள 14 ஒன்றியங்களிலும் சேர்த்து இதுவரை வெறும் 3,500 முதல் 3,700 வரையிலான மாணவ, மாணவியர்கள் மட்டுமே அரசு பள்ளிகளில் சேர்ந்துள்ளனர். அரசு பள்ளிகளின் உள் கட்டமைப்பு மற்றும்தமிழக அரசின் கல்வி நலத்திட்டங்களை மக்களிடம்கொண்டு சேர்த்து, மாணவ, மாணவியர்கள் சேர்க்கையை உடனடியாக தீவிரப்படுத்த மாவட்ட நிர்வாகமும், கல்வித்துறையும் போர்க்கால அடிப்படையில் நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.
தி.மு.க. மாவட்டக் கழகச் செயலாளர் கூட்டத்தில் அறிவித்ததற்கிணங்க, கழகத் தலைவர் மு.க.ஸ்டாலின் அவர்களின் அறிவிப்பின்படி, தென்காசி தெற்கு மாவட்டம், தென்காசி, கடையநல்லூர் தொகுதிகளில் ‘கள ஆய்வுக் குழு’
ச.முரசொலி எம்.பி., சேலம் உமாராணி ஆகியோர் கீழ்க்காணும் விவரப்படி ஆய்வு செய்கின்றனர்.
1.6.2026 – தென்காசி சட்டமன்றத் தொகுதி – டிரிஸ்லில் எலைட் மஹால் – இலஞ்சி.
2.6.2026 – கடைய நல்லூர் சட்டமன்றத் தொகுதி – எஸ்.எஸ்.கிராண்ட் மஹால் – அச்சம்பட்டி – கடையநல்லூர்
சட்டமன்றத் தொகுதி- -– கள ஆய்வு!
கழகத் தலைவர் ஆணைக்கிணங்க காஞ்சிபுரம் தெற்கு மாவட்டச் செயலாளர் க.சுந்தர் அறிவிப்பின்படி காஞ்சிபுரம் தெற்கு மாவட்டத்தில் சட்டமன்றத் தொகுதி “கள ஆய்வுக் குழு” திருமதி ஹெலன் டேவிட்சன் (முன்னாள் எம்.பி.) தலைமைச் செயற்குழு உறுப்பினர் இளமகிழன் ஆகியோர் அடங்கிய குழு வரும் 25 ஆம் தேதி முதல் சட்டமன்றத் தொகுதிகளில் கீழ்க்காணும் விவரப்படி சட்டமன்றத் தேர்தல் குறித்த கள ஆய்வு மேற்கொள்ளவிருக்கிறது.