மயிலாடுதுறை, மே 24 –
மயிலாடுதுறை மாவட்டம்,பூம்புகார் சட்டமன்றத் தொகுதியில் போட்டியிட்டு வெற்றி பெற்ற மயிலாடுதுறை மாவட்ட செயலாளர் நிவேதா எம்.முருகன் தனது பூம்புகார் தொகுதி குத்தாலம் மேற்கு ஒன்றியத்தில் வாக்காளர்களுக்கு நேரில் சென்று நன்றி தெரிவித்தார்.
மயிலாடுதுறை மாவட்டம் பூம்புகார் சட்டமன்ற தொகுதியில் கழகத்தின் சார்பில் போட்டியிட்டு வெற்றி பெற்ற மயிலாடுதுறை மாவட்ட கழக செயலாளரும், பூம்புகார் சட்டமன்ற உறுப்பினருமான நிவேதா எம்.முருகன் கழகத் தலைவர் தளபதி அவர்களின் ஆணைக்கிணங்க குத்தாலம் மேற்கு ஒன்றியத்தில் எழுமகளூர், கங்காதாராபுரம், மாந்தை, நத்தம்பாடி, பருத்துக்குடி, ஆகிய ஊராட்சிகளில் வாக்காளர்களுக்கு நேரில்சென்று நன்றி தெரிவித்தார்.
பூம்புகார் தொகுதியில் குத்தாலம் மேற்கு ஒன்றியத்துக்கு உட்பட்ட எழுமகளூர் ,கங்காதரபுரம்,
ஸ்ரீகண்டபுரம், நக்கம்பாடி, மாந்தை, கோனேரிராஜபுரம், பருத்திக்குடி, கோனேரிராஜபுரம், சிவனாபுரம், கோடி மங்களம். காஞ்சிவாய், பாலையூர் ஊராட்சிகளில் குத்தாலம் மேற்கு ஒன்றிய கழக செயலாளர் ஏ.ஆர்.ராஜா முன்னிலை யில் திறந்த வெளி வாகனத்தில் சென்று வாக்களித்த மக்களுக்கு நன்றியை தெரிவித்தார்.
வழிநெடுகிலும் திரண்டிருந்த பொதுமக்கள், பெண்கள் வழி நெடுகிலும் பட்டாசு வெடித்தும், மாலை மற்றும் சால்வை அணிவித்தும், ஆரத்தி எடுத்தும் உற்சாகமான வரவேற்பு அளித்தனர்.
இந்த நன்றி தெரிவிப்பு நிகழ்ச்சியில் குத்தாலம் ஒன்றிய குரு முன்னாள் தலைவர் மகேந்திரன், முன்னாள் ஒன்றியக் குழு உறுப்பினர் டாக்டர் சிவக்குமார், ஒன்றிய துணை செயலாளர்கள் முருகன், காசிராஜன், வரதராஜன், மாவட்ட பிரதிநிதி ராஜசேகரன், இளைஞர் அணி அமைப்பாளர் கார்த்திகேயன், தகவல் தொழில் நுட்ப அணி ஒருங்கிணைப்பாளர் எம்.சி. சரவணன் மற்றும் கிளை கழக செயலாளர்கள், நிர்வாகிகள், கழக மூத்த முன்னோடிகள், கழகத்தினர் உள்ளிட்ட ஏராளமானவர்கள் கலந்து கொண்டனர்.
இன்று (ஞாயிற்றுக்கிழமை – 24ஆம் தேதி) மாலை 3.40 மணியளவில் திராவிட முன்னேற்றக் கழகத்தின் விவசாய தொழிலாளர் அணியின் மாநில நிர்வாகிகள் கூட்டம் தமிழினத் தலைவர் முத்தமிழ் அறிஞர் கலைஞர் அவர்களுடைய பிறந்தநாள் விழாவினை சிறப்பாக கொண்டாடப்படுவதை முன்னிட்டு காணொளி காட்சி மூலம் ஆலோசனைக் கூட்ட ஏற்பாடு செய்யப்பட்டுள்ளது.