சென்னை, மே 24 –
தமிழ்த்தாய் வாழ்த்தைமீண்டும் மீண்டும் த.வெ.க. அரசு அவமதித்து வருவது அதிர்ச்சியை ஏற்படுத்தியுள்ளது. அமைச்சரவையின் இரண்டாம் நாள் பதவியேற்பு நிகழ்விலும் தமிழ்த்தாய் வாழ்த்து மூன்றாம் இடத்திற்கு தள்ளப்பட்டதற்கு பல்வேறு தரப்பினரும் கண்டனம் தெரிவித்துள்ளனர்.
தமிழ்நாட்டில் அனைத்து அரசு நிகழ்ச்சிகளிலும் முதலில் தமிழ்த்தாய் வாழ்த்தும், முடிவில் தேசிய கீதமும் பாடப்படுவது வழக்கமாகும். முந்தைய திமுக ஆட்சியில் அப்போதைய ஆளுநர்பல்வேறு நெருக்கடிகள் கொடுத்தும் தமிழ்த்தாய் வாழ்த்தேமுதலில் பாடப்பட்டது. இறுதியில் மட்டுமே தேசிய கீதம் பாடப்பட்டது. இதனால், ஆண்டின்தொடக்கத்தில் நடைபெறும் முதல் சட்டப்பேரவை கூட்டத்தொட ரில் தனது உரையை வாசிக்காமல் ஆளுநர் திரும்பி சென்ற நிகழ்வு களெல்லாம் அரங்கேறியது. ஆனால் அதற்கெல்லாம் அஞ்சாத தி.மு.க. அரசு,தமிழ்நாட்டின் மரபை மாற்றாமல் தொடர்ந்து பின்பற்றி யது.
ஆனால் அதற்கடுத்து வந்த த.வெ.க அரசோ, புதிய ஆளுநரின் அழுத்தத்துக்கு அடிபணிந்து, தமிழ்நாட்டின் மரபை மீறி செயல்பட்டு வருகிறது. விஜய் தலைமையிலான அமைச்சரவை பதவியேற்பின்போது, ஆளு நரின் உத்தரவுக்கு ஏற்ப தமிழ்த்தாய் வாழ்த்து 3வது இடத்துக்கு பின்னுக்குத் தள்ளப்பட்டு முதலில் வந்தே மாதரம் பாடலும், இரண்டாவதாக தேசிய கீதமும் பாடப்பட்டன. இதற்கு கடும் எதிர்ப்பும், கண்டனமும் எழுந்தது.
இதனையடுத்து விளக்கம் கொடுத்த
த.வெ.க., அரசு, தமிழ்நாட்டின் மரபு இனி மீறப்படாது என்று உறுதியளித்தது. ஆனால், ஆளுநர் மாளிகையில் நேற்று நடைபெற்ற அமைச்சரவை பதவியேற்பு விழாவில் தமிழ்த்தாய் வாழ்த்துபின்னுக்குத்தள்ளப்பட்டு மீண்டும் வந்தே மாதரம் பாடல்முதலில் பாடப்பட்டுள்ள தற்கு பல்வேறு தரப்பினரும் கண்டனம் தெரிவித்தனர்.
இந்நிலையில், இரண்டாவது நாளாக இன்றும் அரசு விழாவில்தமிழ்த்தாய் வாழ்த்து பின்னுக்கு தள்ளப்பட்டுள்ளது. ஆளுநர் மாளிகையில் நடைபெற்ற அமைச்சரவை பதவியேற்பு விழாவில் தமிழ்த்தாய் வாழ்த்துபின்னுக்குத் தள்ளப்பட்டு மீண்டும் வந்தே மாதரம் பாடல் முதலில்பாடப்பட்டுள்ளது. ஒன்றியபா.ஜ.க. அரசுக்கு அடிபணிந்து, அரசு விழாக்களில் தமிழ்த்தாய் வாழ்த்து பாடலை த.வெ.க. அரசு பின்னுக்குத் தள்ளிவிட்டதாக குற்றஞ்சாட்டியுள்ளனர்.
இதுதான் மாற்றமா?
தமிழ்த் தாயை பின்னுக்குத் தள்ளியது தான் புதிய மாற்றமா? என பல்வேறு தரப்பினரும்த.வெ.க., அரசுக்கு கேள்விஎழுப்பியுள்ளனர். “மாற்றம்” என்று வேடமிட்டு வந்தவர்கள், தமிழர்களின் உயிர்மூச்சான “தமிழ்த்தாய் வாழ்த்தை” மூன்றாம் பட்சமாக நிறுத்தித், தமிழ்த்தாயின் முகத்தில் கரியைப் பூசியுள்ளனர்! என்று கண்டனம் தெரிவித்துள்ளனர். மரபுகளைச் சிதைத்துத் தமிழை அவமதிப்பதுதான் நீங்கள் ஊரெல்லாம் கூவிய மாற்றமா? என தவெக அரசை பலரும் விமர்சித்துள்ளனர்.