மாதவரம், மே.23–
சென்னை வடகிழக்கு மாவட்டம் மாதவரம் வடக்கு பகுதி 16வது வட்டம் மணலி புதுநகர் திருவள்ளுவர் சிலை எதிரே திமுகவிற்கு சொந்தமான கல்வெட்டு மற்றும் கொடிக்கம்பத்துடன் அமைக்கப்பட்ட பீடம் உள்ளது.
இதன் அருகிலேயே தொழிலாளர் முன்னேற்ற சங்க ஆட்டோ ஓட்டுனர் சங்க கொடி கம்பமும் பெயர் பலகையும் வைக்கப்பட்டுள்ளது. இந்த இரு கொடிக்கம்பங்களும் காலகாலமாக அங்கேயே இருந்து வருவதாகும். இந்நிலையில் இக்கொடி கம்பத்திற்கு பின்புறம் கட்டப்பட்டு வரும் கட்டிடத்திற்கு ஆதரவாக திமுக கழகத்தின் கொடிக்கம்பமும், கல்வெட்டும், தொழிலாளர் முன்னேற்ற சங்க ஆட்டோ ஓட்டுனர் பெயர் பலகையும் சென்னை மாநகராட்சி அதிகாரிகள் மற்றும் ஊழியர்களால் தகவல் தெரிவிக்காமல் முன் அறிவிப்பு எதுவும் இன்றி அகற்றப்பட்டது .
தகவல் அறிந்த மாதவரம் வடக்கு பகுதி செயலாளர் புழல் எம்.நாராயணன் தலைமையிலான திமுகவி னர் சம்பவ இடத்திற்கு நேரில் சென்று பார்வையிட்டு கொடிக்கம்பத்தையும், கல்வெட்டையும் அந்த இடத்திலேயே வைக்க வேண்டும் என்று பெருநகர சென்னை மாநகராட்சி மண்டலம் 2 அதிகாரிகள் தேவேந்திரன் மற்றும் உதவி பொறியாளர் விஜய் ஆகியோரிடம் பேசினர். பின்னர் சம்பவ இடத்திற்கு விரைந்து வந்த மணலி புதுநகர் காவல் நிலைய ஆய்வாளர் ஆறுமுகம் அதிகாரிகளிடம் மற்றும் கழகத்தினரிடம் பேசி மேற்படி கல்வெட்டை எடுக்கப்பட்ட இடத்திலேயே வைக்க சமாதானம் உடன்படிக்கை ஏற்பட்டது. இதனை தொட ர்ந்து கழகத்தினர் ஜேசிபி இயந்திரம் மூலம் மீண்டும் கொடிக்கம்பத்தில் கல்வெட்டு தூண் வைத்து அதில் கழககொடியை மாதவரம் வடக்கு பகுதி செயலாளர் புழல் எம். நாராயணன் ஏற்றி வைத்தார்.
அதேபோல தொழிலாளர் முன்னேற்ற சங்க ஆட்டோ ஓட்டுனர் சங்க பெயர் பலகையையும் கழகக் கொடியையும் ஆட்டோ ஓட்டுனர் சங்க நிர்வாகிகள் ஏற்றி வைத்தார்கள்.
நிகழ்வில் 16வது வட்டச் செயலாளர் இ. கண்ணப்பன், கவுன்சிலர் ஆ ராஜேந்திரன், வட்ட நிர்வாகிகள் கே. ஏ ரமேஷ், காமராஜ்் புரம் கிருபாகரன் உள்ளிட்ட பலர் உடன் இருந்தனர்.