சென்னை, மே.24–

தமிழ்­நாட்­டில் த.வெ.க. ஆட்சி அமைந்த பின் லாட்­டரி கலாச்­சா­ரம் மீண்­டும் தலை­தூக்கி வரு­கி­றது. ஆன்­லைன் லாட்­டரி விற்­பனை தங்கு தடை­யின்றி அமோ­க­மாக நடந்து வரு­வ­தால் ஏழை, எளிய குடும்­பங்­கள்சீர­ழிந்து வரு­வ­தாக புகார் எழுந்­துள்­ளது.

த.வெ.க. ஆட்சி அமைந்து இன்­னும் இரண்டு வாரங்­கள் கூட முடி­ய­வில்லை. அதற்­குள் நாளொரு மேனி­யாக புதுப்­புது பிரச்சினை­கள் தமிழ்­நாட்­டில் அரங்­கேறி வரு­கின்­றன. ஒரு புறம் தமிழ்­நாட்­டில் எங்கு பார்த்­தா­லும் கொலை, கொள்ளை சம்­ப­வங்­கள் மூலம் சட்­டம், ஒழுங்கு சந்தி சிரிக்­கி­றது. இன்­னொரு புறம் முற்­றாக ஒழிக்­கப்­பட்­டி­ருந்த லாட்­டரி விற்­பனை மீண்­டும் தலை­தூக்கி இருக்­கி­றது.

தமிழ்­நாட்­டில் லாட்­டரி விற்­ப­னைக்கு 2003 ஆம் ஆண்டு முதல் தடை இருந்து வரு­கி­றது. அதே நேரத்­தில், அண்டை மாநி­ல­மான கேரளா மற்­றும் சில வட­மா­நி­லங்­க­ளில் லாட்­டரி விற்­ப­னைக்கு அனு­மதி உள்­ளது. இந்த நிலை­யில் தமிழ்­நாட்­டில் தமி­ழக வெற்றி கழக ஆட்சி அமைந்த உடன் சட்ட விரோ­த­மாக ஆன்­லைன் வாயி­லாக லாட்­டரி விற்­பனை அமோ­க­மாக நடந்து வரு­கி­றது. லாட்­டரி விற்­ப­னை­யில் ஈடு­ப­டும் சமூக விரோத கும்­பல் புதிய யுக்­தியை கையாண்டு வரு­கி­றது. கேர­ளாவை தலைமை இட­மாக கொண்டு செயல்­ப­டும் இந்த கும்­பல், ஆன்­லைன் லாட்­டரி சீட்டு வாங்­கி­னால், சில மணி நேரங்­க­ளில் கோடீஸ்­வ­ரர் ஆக­லாம் என்று வாட்ஸ்-­அப் மூலம் வலை விரிக்­கின்­ற­னர். அவ்­வாறு, ஆசை­யில் வரு­ப­வர்­களை, லாட்­டரி சீட்டு விற்­பனை நிறு­வ­னத்­தின் வாட்ஸ்-­அப் குழு­வில் இணைக்­கின்­ற­னர். ஏழை, எளிய மக்­கள் கூலி தொழி­லா­ளி­கள் ஓட்­டு­நர்­கள் என அடித்­தட்டு வர்க்க குடும்­பங்­களை சீர­ழித்த லாட்­டரி விற்­பனை தமி­ழக வெற்­றிக் கழக ஆட்சி அமைந்த உடன் மீண்­டும் படு­ஜோ­ராகநடந்து வரு­கி­றது. இந்த ஆன்­லைன் லாட்­டரி சீட் விற்­பனை போலீ­சா­ருக்கு தெரிந்தே நடை­பெ­று­வ­தா­க­வும் அதிர்ச்சி தக­வல் வெளி­யா­கி­யுள்­ளது. லாட்­டரி சீட் விற்­ப­னையை தடுக்க வேண்­டிய போலீ­சா­ருக்கு தடை­யின்றி மாமுல் கிடைப்­ப­தால் இதனை தடுக்­கா­மல் வேடிக்கை பார்த்து வரு­வ­தா­க­வும் சமூக ஆர்­வ­லர்­கள்புகார் கூறி­யுள்­ள­னர்.