#Title

முதல்வர் விஜய்யின் பொறுப்பில் மாற்றுத் திறனாளிகள் நலத்துறை! ஆழமறிந்து, அவசியமறிந்து செயல்படுங்கள்...! கழக மாற்றுத்திறனாளிகள் அணிச் செயலாளர் பேராசிரியர் டி.எம்.என்.தீபக் அறிக்கை!

சென்னை, மே 24 –

கழக மாற்றுத்திறனாளிகள் அணிச் செயலாளர் பேராசிரியர் டி.எம்.என்.தீபக் விடுத்துள்ள அறிக்கை வருமாறு :–

முதலமைச்சர் ஜோசப் விஜய் அவர்கள் மாற்றுத்திறனாளிகள் நலத்துறையை தன் வசம் வைத்திருக்கிறார் என்பது அவரது அமைச்சரவை இலாக்கா ஒதுக்கீட்டில் தெரிய வருகிறது!

இந்திய அளவில் மாற்றுத்திறனாளிகளின் உரிமைகள் குறித்து ஐ.நா. உடன்படிக்கையின் அவசியத்தை அரசியல் மற்றும் நிர்வாக ரீதியாக உணர்ந்து அதனை நடைமுறைப்படுத்தும் நோக்கில் செயல்பட்ட தலைவர்களில் முதன்மையானவர் தமிழகத்தின் தலைசிறந்த சிற்பி தலைவர் கலைஞர் அவர்கள்.

மாற்றுத்திறனாளிகள் என்பது வெறும் நலத்திட்டப் பொருள் அல்ல; உரிமை சார்ந்த சமூக நீதி என்பதைக் காலத்துக்கு முன்னரே உணர்ந்த அவர், தமிழகத்தில் மாற்றுத்திறனாளிகளுக்கென தனித்துறை உருவாக வேண்டும் என்பதை ஆழமாக புரிந்து கொண்டார். அதை சமூக நலத்துறையில் இருந்து பிரித்தெடுத்து, அதற்கென தனிச்செயலாளரை நியமித்து, அந்தத் துறையைத் தன்னுடைய நேரடி கண்காணிப்பில் வைத்துக் கொண்டார்.

எங்களுடைய தலைவர் மு.க.ஸ்டாலின் அவர்கள், அரசு உத்தரவுகளை பார்த்து பார்த்து செய்த்தற்கு காரணம், அதில் ஒரு ஆழமான தத்துவ கருத்துப்புரிதலும், அதற்கேற்ற செயல்பாடும் இருந்ததை இன்றைக்கும் அதை வரவேற்கிறோம் வாழ்த்துகிறோம்.

உடனே எங்கள் மீது விமர்சனம் வைப்பவர்கள், இது நடக்கவில்லையே அது நடக்கவில்லையே என்று விமர்சிக்கக்கூடும். தமிழ் சமூகத்தில் போதாமைகள் இருந்து கொண்டே இருக்கிறது. இந்திய திருநாட்டில். அதையும் கடந்து மாற்றுத்திறனுடையோர் தோழர்களுக்கு வாழ்க்கையில் சில மாற்றங்களை கொண்டு வந்து விட வேண்டும் என்பதை மிகக் குறியாக கொண்டு செயல்பட்டவர் தலைவர் தளபதி அவர்கள்.

“இயற்றலும் ஈட்டலும் காத்தலும் காத்த

வகுத்தலும் வல்லது அரசு.” — குறள் 385 இத்திருக்குறளுக்கு ஏற்றார் போல் தலைவர் தளபதி அவர்கள், இந்தியாவிலேயே ஒரு மாநிலம் மாற்றுத்திறனாளிகளுக்காக அதிகமாக நிதி ஒதுக்கியது என்றால் அது தமிழ்நாடுதான்.1471 கோடி நிதியும் கொடுத்து மாற்றுத்திறனாளிகளுக்கு அதிகாரத்தையும் கொடுத்தவர் மு.க ஸ்டாலின் ஐயா அவர்கள்.

ஒரு துறையை நிர்வகித்து, பார்த்து நிதானித்து யோசித்து திட்டங்களை உருவாக்கி, மாற்றுத்திறனாளிகளுக்கான பல்வேறு வகையான உதவி உபகரணங்கள், பல்வேறு வகையான சட்டபூர்வமான உரிமைகள் வாரி வழங்கினார். தமிழக மாற்றுத்திறனாளிகள் வரலாற்றில் மாற்றுத்திறனாளிகளுக்கான ஆலோசனைக் குழுவின் வாரிய தலைவராக தானே இருந்து பல்வேறு வகையான மாற்றுத்திறனாளிகளை நியமித்து அவர்களை நேரடியாக தலைமைச் செயலகத்திற்கு அழைத்து கூட்டம் நடத்தி, அந்த கூட்டத்திற்கு தானே தலைமை வகித்தவர். இதுவரை எந்த முதலமைச்சரும் செய்யாததை செய்து காட்டியவர் முத்தமிழறிஞர் தலைவர் கலைஞரின் வழிவந்த மு.க ஸ்டாலின் ஐயா அவர்கள்.

இன்றைக்கு இந்த துறையை திரு. ஜோசப் விஜய் அவர்கள் தன் வசம் வைத்திருப்பது மகிழ்ச்சி தான், ஆனால் அத்துறையின் ஆழமான கருத்தியல்கள் தெரிந்து கொண்டு, அது அவ்வளவு எளிதான விஷயம் இல்லை என்பதை புரிந்து கொண்டு அதற்குத் தேவைப்படுகின்ற கவனத்தை நம்மால் கொடுக்க இயலுமா என்பதை உணர்ந்து புரிந்து அறிந்து அத்துரையை அவர் கையில் வைத்திருந்தால் சரி!

அதைவிடுத்து ஏனோ தானோ என்று சரியான புரிதல்கள் இல்லாமல் அந்தத் துறையை கைவசம் வைத்து விட்டு மாற்றுத்திறனாளிகள் பிரச்சனையில் உரிய கவனத்தை செலுத்தவில்லை எனில் திராவிட முன்னேற்றக் கழகம் சரியான பாதையில் அதற்கான விமர்சனத்தை வைப்பதற்கு ஒருபோதும் தயங்காது என்பதை இந்த நேரத்தில் இந்த புதிய அரசுக்கு தெரிவித்துக் கொள்கிறேன்.

யார் மாற்றுத்திறனாளி பிறவியில் உடம்பில் பழுது ஏற்பட்டவர் மாற்றுத்திறனாளியா? சூழ்நிலை காரணமாக ஒரு இயலாமையை தன் வாழ்க்கையில் சந்திப்பவர் மாற்றுத்திறனாளியா? சூழ்நிலைதான் இயலாமையை உருவாக்குகிறது என்பதை புரிந்து கொள்ளாமல் இருப்பவர் மாற்றுத்திறனாளியா இப்படி அநேகமான கேள்விகள்.

ஒரு மாற்றுத்திறனாளியே அந்த துறையினு டைய அமைச்சராக இருக்க வேண்டும். பெற்றிருக்கின்ற சட்ட உரிமைகள் எல்லாம் நிதர்சனமாக, கடைகோடி மாற்றுத்திறனாளிகளுக்கு சென்று சேர வேண்டும் என்றால் அரசியல் அதிகாரம் இருக்க வேண்டும் என்று ஐநா சபை மிகத் தெளிவாக வழி வகுத்திருக்கிறது. எங்களுக்கான எதுவும் நாங்கள் இல்லாமல் இருக்கக் கூடாது என்பதை காலம் காலமாக மாற்றுத்திறனாளிகள் சமூகம் கோரிக்கையாக முன்வைத்துக் கொண்டே இருக்கிறது.

மாற்றுத்திறனாளிகளுக்கான ஆணையத்தை அமைத்து, அவர்களுக்கு தேவையான நிதி, நீதி, அணுகுமுறையை இதுவரை திமுக அரசு வழங்கி வந்தது. இனியும் மாற்றுத்திறனாளிகள் அனைவருக்கும் முழுமையாக அணுகத்தக்க மற்றும் உரிமை சார்ந்த ஆட்சியாக அமைய வேண்டும்.

மேலும், ஆலோசனைக்குழு மற்றும் நல வாரியம் போன்ற இடங்களில் நேரடியாக தலைமை ஏற்று, மாற்றுத்திறனாளிகளின் கருத்துகளையும் உரிமை கோரிக்கைகளையும் கேட்டறிந்து செயல்பட வேண்டும்.

மாற்றுத்திறனாளிகளுக்கான இடஒதுக்கீடு மற்றும் வேலைவாய்ப்புகளை அதிகரிப்பதோடு, தனியார் துறைகளிலும் அவர்களுக்கு உரிய வேலைவாய்ப்புகளை உறுதிப்படுத்த தீவிர முயற்சி எடுக்க வேண்டும்.

தேர்தல் அறிக்கையில் அறிவிக்கப்பட்ட மாற்றுத்திறனாளிகளுக்கான பணி நிரந்தரம், உதவித் தொகை உள்ளிட்ட வாக்குறுதிகள் நடைமுறைப்படுத்தப்பட்டு, அது உண்மையான உரிமை சார்ந்த அரசாக வெளிப்பட வேண்டும். மேலும், மாற்றுத்திறனாளிகளுக்கு எதிரான வன்கொடுமைகளைத் தடுக்கும் சட்டங்கள் இன்னும் கடுமையாக்கப்பட்டு, பாதுகாப்பும் நீதியும் உறுதி செய்யப்பட வேண்டும்.

அவர்கள் இருக்கக்கூடிய இடங்களிலெல்லாம் அவர்களின் குரல் ஒலிக்க வேண்டும் என்ற உயர்ந்த நோக்கில், தளபதி முத்துவேல் கருணாநிதி ஸ்டாலின் அவர்கள் உள்ளாட்சி அமைப்புகளில் மாற்றுத்திறனாளிகளுக்கான பிரதி நிதித்துவத்தை உருவாக்கியுள்ளார். அதன்அடிப்படையில் நகர்ப்புற உள்ளாட்சிகளில் நியமனங்கள் முதற்கட்ட மாக கடந்த ஆட்சியில் வழங்கப்பட்டுள்ளன. கிராமப்புற உள்ளாட்சிகளில் நியமனங்கள் விரைவில் நிரப்பப்பட வேண்டும்.

ஒரு துறையை எடுத்தோம் அறிக்கையை விட்டோம், ஏதோ ஒரு திட்டத்தை செயல்படுத்தி னோம் என்றில்லாமல், முத்துவேல் கருணாநிதி ஸ்டாலின் அவர்கள் முன்னிறுத்திய மாற்றுத்திறனாளிகளின் வாழ்வியல் வலிகள், உரிமைகள், தேவைகள் மற்றும் உள்ளத்தின் உணர்வுகளை ஆழமாக புரிந்து கொண்டு, இன்றைய புது அரசு செயல்பட வேண்டும்.

இவ்வாறு அவர் தெரிவித்துள்ளார்.