செஞ்சி, மே 24 –
விழுப்புரம் வடக்கு மாவட்டம் செஞ்சி சட்டமன்றத் தொகுதி திமுக நிர்வாகிகள் கலந்து கொண்ட ஆலோசனைக் கூட்டம் செஞ்சியில்நடைபெற்றது. கூட்டத்திற்கு செஞ்சி கிழக்கு ஒன்றிய செயலாளர், செஞ்சி ஒன்றிய பெருந்தலைவர் விஜய குமார் அனைவரையும் வரவேற்றார். செயற்குழு உறுப்பினர் நெடுஞ்செழியன் முன்னிலை
வகித்தார். கூட்டத்தில் விழுப்புரம் வடக்கு மாவட்ட பொறுப்பாளர் முன்னாள் அமைச்சர் செஞ்சி மஸ்தான் தலைமை தாங்கி பல்வேறு கருத்துக்களை கூறி சிறப்புரை
யாற்றினார்.
கூட்டத்தில் பொதுக்குழு உறுப்பினர் மணிவண்ணன் ஒன்றிய செயலாளர்கள்விஜயராகவன், பச்சையப்பன், சாந்தி சுப்பிரமணியன், அனந்தபுரம் நகர செயலாளர் சம்பத் மாவட்ட கவுன்சிலர் அரங்க ஏழுமலை,மாவட்ட மகளிர் அணி அமைப்பாளர் திலகவதி விஜயகுமார் உள்ளிட்டஒன்றிய கழக நிர்வாகிகள், தேர்தல்பணிக்குழு நிர்வாகிகள் உள்ளிட்ட பலர் கலந்து கொண்டனர்.
கூட்டத்தில் விழுப்புரம் வடக்கு மாவட்ட பொறுப்பாளர்,முன்னாள் அமைச்சர் செஞ்சி மஸ்தான் பேசுகையில்:
தி.மு.க.வின் பொற்கால ஆட்சியை பொறுத்துக் கொள்ள முடியாமல் உள்ள கூட்டம் பொறாமையின் காரணமாக பல்வேறு சூழ்ச்சிகளை உருவாக்கினார்கள் அந்த சூழ்ச்சி யால் தான் நாம் வெற்றி வாய்ப்பை இழந்து விட்டோம்.திமுகவின் பலம் உச்சத்தில் உள்ளது என அறிந்த பிஜேபி ஒன்றிய அரசு மூன்று முறை சர்வே எடுத்ததில் திமுக முன்னணியில் இருந்தது.தமிழ்நாட்டில் 200க்கும் மேற்பட்ட இடங்களில் தி.மு.க. வெற்றி பெறுவோம் என்பது நாம் மட்டுமில்லாமல் ஒன்றிய அரசும் உணர்ந்தது.
இதை உணர்ந்த பிறகு தான் 200 தொகுதிகளில்ஒன்றிய அரசு நெருக்கடி கொடுத்துஆரிய மாயை ஆரிய சூழ்ச்சியை செய்துள்ளதாக விழுப்புரம் வடக்கு மாவட்ட பொறுப்பாளர் செஞ்சி மஸ்தான்குற்றம் சாட்டினார்.
மேலும் என் மூச்சு உள்ளவரை திமுக தான் எனது கொள்கை.இந்தக் கொள்கையுடன் நான் இருப்பேன் என்ற உறுதிமொழியோடு நான்மட்டும் இல்லாமல்என் மனைவி என் பிள்ளைகள் பேரப்பிள்ளைகள் என அனைவரும் இந்த இயக்கத்தில் இருப்பார்கள் இருப்பதற்கு நான் கடமை ஆற்றுவேன் என்ற உறுதிமொழி எடுத்துக்கொண்டால்தான் இந்த திமுகவை மீண்டும்நிலைநாட்ட முடியும் என அவர் உறுதிபட தெரிவித்தார்.
மேலும் எந்தவித எதிர்பார்ப்பு இல்லாமல் இரவு பகல் பாராமல் உழைப்பதற்கும், உறுதுணையாகவும், விசுவாசமாகவும் இருப்பதற்கு திமுக தொண்டர்கள் தவிர வேறு யாரும் இந்த உலகத்தில் இருக்க முடியாது எனஅவர் தெரிவித்தார்.
மேலும் இன்று 24.5.2026 ஞாயிற்றுக்கிழமை காலை 10.00 மணிக்கு செஞ்சி வள்ளி அண்ணாமலைதிருமண மண்டபத்தில் கழக வழக்கறிஞர் ரவீந்திரன், மற்றும் மாநில மாணவரணி அமைப்பாளர் ஜே. வீரமணி ஆகியோர் முன்னிலையில் செஞ்சி சட்டமன்ற தொகுதி தேர்தல் முடிவுகள் குறித்த கள ஆய்வுக் கூட்டம் நடைபெறுகிறது.இந்த கள ஆய்வு கூட்டத்தில் செஞ்சி சட்டமன்ற தொகுதிக்குட்பட்ட மாநில, மாவட்ட, ஒன்றிய, பேரூர் கழக நிர்வாகிகள், அனைத்து அணி அமைப்பாளர்கள், உள்ளாட்சி மன்ற பிரதிநிதிகள் கழக நிர்வாகிகள் அனைவரும் கலந்து கொண்டு தங்களது கருத்துக்களை தெரிவிக்க வேண்டுமென அவர் கேட்டுக்கொண்டார்.