#Title

கோவையில் 10 வயது சிறுமி கொல்லப்பட்டு நாடே துக்கத்தில் இருக்கும்போது கோவையில் 10 வயது சிறுமி கொல்லப்பட்டு நாடே துக்கத்தில் இருக்கும்போது செய்தியாளர்கள் சந்திப்பில் குலுங்கிக் குலுங்கி சிரித்த ஐ.ஜி. ரம்யா பாரதி! பொதுமக்கள் முகம் சுழிப்பு! முத்தமிழ் அறிஞர் கலைஞர் பிறந்த நாளை முன்னிட்டு மாதவரம் வடக்குப் பகுதி தி.மு.க. ஆலோசனைக் கூட்டம்! பகுதிச் செயலாளர் புழல் எம்.நாராயணன் அறிக்கை!

கோவை, மே 25

கோவையில் 10 வயது சிறுமி பாலியல் வன்கொடுமை செய்து கொல்லப்பட்ட சம்பவத்தில், தங்களது மகளை இழந்ததுபோல் நாடே துக்கத்தில் இருக்கும்போது, சம்பவம் குறித்து செய்தியாளர்கள் சந்திப்பில் விளக்கம் அளித்த கோவை ஐஜி ரம்யா பாரதி, சக அதிகாரிகளுடன் குலுங்கி குலுங்கி சிரித்தது பொதுமக்களை முகம் சுழிக்க வைத்துள்ளது.

ஏதும் அறியா அந்த பிஞ்சுக் குழந்தையின் இறப்பு, ஒவ்வொரு தாய்மார்களையும் கண்ணீர் சிந்த வைத்துள்ளது. குற்றவாளிகளுக்கு தூக்குத் தண்டனை பெற்றுத் தர வேண்டும் என நாடு முழுவதும் கண்டனக் குரல்கள் எழுந்து வருகின்றன. சிறுமியின் உடல் பிரேத பரிசோதனை முடிந்த பிறகும் கூட, தமிழ்நாடே குழந்தைக்கு ஆதரவாக குரல் எழுப்பியபோதும் மவுனம் சாதித்து வந்த முதலமைச்சர் விஜய், தனது குழந்தையின் இறப்புக்கு முதலமைச்சர் பதில் சொல்லியே ஆக வேண்டும் என தாய் கதறி அழுதார். அப்போதுதான் தமிழ்நாட்டில் இப்படி ஒரு சம்பவம் நடந்துள்ளதா? என்பதை அறிந்ததுபோல், அப்போதும்கூட ஒரு அறிக்கை விடாமல், சமூகவலைதளத்தில்தான் முதலமைச்சர் விஜய் கண்டனத்தை பதிவிட்டார். இந்த நிலையில், சிறுமியின் கொலை சம்பவத்தில் நடந்தது என்ன? என்பதை விளக்கமளிக்க, கோவை ஐஜி ரம்யா பாரதி தலைமையில் அதிகாரிகள் செய்தியாளர்களை சந்தித்தனர். தமிழ்நாடே சோகத்தில் இருக்கும்போது, செய்தியாளர்கள் சந்திப்பின்போது, கோவை ஐஜி குலுங்க குலுங்க சிரித்தது, பொதுமக்களை முகம் சுழிக்க வைத்துள்ளது. ஊரே அல்லோலப்பட்டு இருக்கும் போது, முக்கிய பொறுப்பில் இருந்துகொண்டு சிரிக்கும் நேரமா இது? என பொதுமக்கள் தங்களது ஆதங்கத்தை சமூகவலைதளங்களில் கொட்டி வருகின்றனர்.

அமைச்சர் கீர்த்தனாவின்

ஆணவப் போக்கு!

எந்த பிரச்சனை என்றாலும் சமூகவலைத்தளங்களில் கொதித்தெழுந்த கீர்த்தனா, அமைச்சராக பதவி ஏற்ற பின், 10 வயது சிறுமி கொடூரமாக கொலை செய்யப்பட்ட விவகாரத்தை சிரித்துக் கொண்டேகடந்து சென்றது கடும் கண்டனத்திற்கு உள்ளாகி வருகிறது.

சமூகவலைத்தளங்களில் சர்சையான கருத்துக்களை பேசி பிரபலமானவர் கீர்த்தனா. கடந்த சட்டப்பேரவைத் தேர்தலில் தவெக சார்பில் சிவகாசி தொகுதியில் போட்டியிட்டு வெற்றி பெற்ற இவர் தற்போது, தொழில் துறை அமைச்சராக பதவி வகித்து வருகிறார். தேர்தல் பிரச்சாரத்தின் போது, பெண்களின் உரிமை, பெண்களின் பாதுகாப்பு என்றும், தனக்கு வாக்களித்தால் பெண்ணுரிமை பாதுகாக்கப்படும் என்றும் உணர்ச்சிகரமாக பேசி இவர் வாக்குசேகரித்தார். தற்போது அமைச்சர் பதவி கிடைத்ததும், 10 வயது பெண் கொடூரமாக கொலை செய்யப்பட்ட விவகாரத்தை சிரித்துக் கொண்டே கடந்து சென்றுள்ளார். கோவையில் சிறுமி கொலை குறித்து, விருதுநகரில் செய்தியாளர்களின் கேள்விக்கு ஆணவத்துடன் அமைச்சர் கீர்த்தனா பதிலளித்துள்ளார். வாக்கு கேட்கும் போது இருந்த கீர்த்தனாவின் பணிவு தற்போது, ஆணவமாக மாறியுள்ளது.

அமைச்சர் கீர்த்தனாவின் இந்த ஆணவப் போக்கிற்கு இணையதளங்களில் கடும் கண்டனங்கள் எழுந்து வருகின்றன.

சென்னை, மே. 24 -

கழகத் தலைவர் அவர்களின் ஆணைப்படி, சட்டமன்ற எதிர்க்கட்சித் தலைவர் உதயநிதி ஸ்டாலின் அவர்களின் வழிகாட்டுதலின்படி, மண்டலப் பொறுப்பாளர், கழக துணைப் பொதுச் செயலாளர் ஆ.ராசா எம்.பி, மாவட்டச் செயலாளர் மாதவரம் எஸ்.சுதர்சனம் ஆகியோர் அறிவுறுத்தலின்படி, சென்னை வடகிழக்கு மாவட்டம், மாதவரம் வடக்கு பகுதி தி.மு.க. ஆலோசனைக் கூட்டம் நாளை (26.05.2026 - செவ்வாய்க்கிழமை) மாலை 5:00 மணிக்கு, 16 வது வட்டம், மணலி புதுநகர், புனித அந்தோணியார் சமூக நலக்கூடத்தில் பகுதி அவைத் தலைவர் வி.திராவிட வீரன் தலைமையில் நடைபெற உள்ளது.

ஜூன் 3 அன்று முத்தமிழ் அறிஞர் கலைஞர் அவர்களின் பிறந்த நாளை புத்தெழுச்சி நாளாக கொண்டாடுவது குறித்து ஆலோசனை செய்ய, மாதவரம் வடக்கு பகுதிக்கு உட்பட்ட மாவட்ட, பகுதி, வட்ட நிர்வாகிகள், வட்டச் செயலாளர்கள், அனைத்து அணிகளின் அமைப்பாளர்கள், துணை அமைப்பாளர்கள், உள்ளாட்சி மன்ற பிரதிநிதிகள், பாக முகவர்கள், பாத உறுப்பினர்கள், பாக இளைஞரணியினர், பாகத் தகவல் தொழில் நுட்பணியினர் உள்ளிட்ட கழக முன்னோடிகள் அனைவரும் தவறாது கலந்து கொண்டு கூட்டத்தை சிறப்பிக்குமாறு அன்புடன் கேட்டுக்கொள்கிறேன்.

மாதவரம் வடக்குப் பகுதி தி.மு.க. செயலாளர் புழல் எம்.நாராயணன் தனது அறிக்கையில் தெரிவித்துள்ளார்.

கழக விவசாய தொழிலாளர் அணி மாநில நிர்வாகிகள் கூட்டம் கழக விவசாய தொழிலாளர் அணி செயலாளர் அன்னியூர் சிவா ஏற்பாட்டில் காணொலி வாயிலாக நேற்று (24.05.2026) மாலை 4 மணிக்கு நடைபெற்றது. இந்த கூட்டத்தில் மலை குலைந்தாலும் நிலை குலையாத மாணிக்கத்தலைவர் முத்தமிழறிஞர் கலைஞர் அவர்களின் 103-வது பிறந்தநாள் விழாவை சிறப்பாக கொண்டாடுவது என்றும், மாநிலம் முழுவதும் விவசாய தொழிலாளர் அணி சார்பில் வாழ்த்து சுவரொட்டிகள் ஒட்டுவது என்றும், மாநில அளவிலான வாழ்த்தரங்கம் நடத்துவது என்றும் தீர்மானிக்கப்பட்டது. இக்கூட்டத்தில் மாநில விவசாய தொழிலாளர் அணி தலைவர் முன்னாள் அமைச்சர் மதிவாணன், துணை தலைவர் புதுக்கோட்டை. சந்திரசேகரன், இணை செயலாளர்கள் ஜெகவீரபாண்டியன், ப. கைலாசம், துணைச்செயலாளர்கள் வ.அன்பழகன், பா.அருண்குமார், இரா. சங்கர், பி. பாக்கியநாதன், கபெத்தாம்பாளையம் சா. ராஜசேகரன், எஸ். சேதுராமன், கொடி சந்திரசேகர், முத்துக்குமாரசாமி, கே. ஆர். என். போஸ், வ. து. ந. ஆனந்தன் உள்ளிட்ட நிர்வாகிகள் கலந்து கொண்டனர்.