திருவள்ளூர், மே 25–
திருவள்ளூர் ஒருங்கிணைந்த மாவட்ட டாஸ்மாக் பணியாளர்கள் சங்கங்களின் கூட்டு குழு சார்பில் பல்வேறு கோரிக்கைகளை வலியுறுத்தி ஆர்ப்பாட்டம் நடைபெற்றது.
ஏஐடியுசி மாநில பொதுச் செயலாளர் டி.தனசேகர், மாநில பொருளாளர் கோவிந்தராஜ் ஆகியோர் தலைமை தாங்கினார்.
இதில் எஸ்சி எஸ்டி நல சங்கம் மாநில பொதுச் செயலாளர் கே.அண்ணாதுரை, மாவட்டத் தலைவர் கே. வைகுந்தம், விற்பனையா ளர் நல சங்க மாநில பொதுச் செயலாளர் கே.குமார், மாநில பிரச்சார செய்தி தொடர்பாளர் ஏ.ஆதிகேச வன் ஆகியோர் முன்னிலை வகித்தனர்.
திருவள்ளூர் ரயில் நிலையம் அருகில் பெரிய குப்பத்தில் நடைபெற்ற ஆர்ப்பாட்டத்தின் போது, டாஸ்மாக்கில் தனிநபர் ஒருவருக்கு இரண்டு பாட்டிலுக்கு மேல் விற்பனை செய்தால் எஃப் ஐ ஆர், ஒரு ரூபாய் கூடுதலாக விட்டாலும் எஃப் ஐ ஆர் போடுவதாக மிரட்டுவதை கைவிட வேண்டும். டாஸ்மாக் கடைகளில் அனைத்து செலவுகளையும் பணியாளர்கள் மீது சுமத்துவதை நிறுத்த வேண்டும் என்ற கோரிக்கைகளை வலியுறுத்தி முழக்கங்கள் எழுப்பினர்.
தற்போது த.வெ.க. ஆட்சி அமைந்ததும் த.வெ.க நிர்வாகிகள் என்ற பெயரில், சமூக ஆர்வலர்கள் என்ற பெயரில் டாஸ்மாக் மதுபானக் கடைகளை வீடியோ எடுப்பது, மிரட்டி பணம் பறிப்பது, அச்சுறுத்துவது போன்று அரசுக்கு அவப்பெயர் ஏற்படுத்தும் வகையில் செயல்படு பவர்களை அரசு கண்டிக்க வேண்டும்.
மதுபானங்களின் விலையை எம்ஆர்பி விலைக்கே விற்பனை செய்ய நடவடிக்கை எடுக்க வேண்டும். காலி மது பாட்டில்களை வாங்க மாட்டோம். கடந்த ஆட்சி காலங்களில் டாஸ்மாக் கடைக்கான வாடகையில் ஒரு குறிப்பிட்ட தொகை மட்டும் வழங்குவதை மாற்றி உண்மையான வாடகையை அரசு வழங்க வேண்டும்.
அன்றாட நிர்வாக செலவினங்களை அரசே ஏற்க வேண்டும். உடையும் பாட்டிலுக்கு உண்டான பணத்திற்கு அரசே பொறுப்பேற்க வேண்டும். அதேபோல் மின் கட்டணத்தையும் ஒரு குறிப்பிட்ட தொகை வழங்குவதை தவிர்த்து அரசே முழுவதுமாக செலுத்த வேண்டும் என்றும் வலியுறுத்தினர்.
மேலும் 23 ஆண்டுகளாக வேலை செய்து வரும் தங்களுக்கு
பணி நிரந்தரம், காலமுறைஊதியம், ஓய்வூதியம் உள்ளிட்ட கோரிக்கைகளையும் உடனடியாக புதிதாக பொறுப்பேற்று இருக்கும் அரசு நிறைவேற்ற வேண்டும் என்றும் இந்த ஆர்ப்பாட்டத்தின் போது வலியுறுத்தினர்.