பெரம்பலூர்,மே,26-
பெரம்பலூர் மாவட்டம் , துறைமங்கலத்தைச் சேர்ந்த துரைசாமி என்பவர் எழுதிய “அம்பேத்கர் சிலை அல்ல எரிமலை” என்ற புத்தக வெளியீட்டு விழா பெரம்பலூரில் உள்ள தனியார் கூட்ட அரங்கில் நடைபெற்றது.
இதில் தி.மு.க. துணைப்பொதுச் செயலாளர் ஆ.இராசா.எம்.பி, சிறப்பு விருந்தினராக கலந்து கொண்டு புத்தகத்தை வெளியிட்டார். அப்போது பேசிய அவர், மனிதனாகப் பிறந்து உயர்ந்த தவத்தால், ஒழுக்கத்தால், இறைவனையே எண்ணி வாழ்ந்து இறைவனோடு சேர்ந்து மனித சமுதாயம் உயர்வதற்காக, தான் பயின்ற கல்வியை பயன்படுத்தி மனிதர்களுக்காக பாடுபட்டவர் அம்பேத்கர் என்று புகழாரம் சூட்டினார். தொடர்ந்து அம்பேத்கரின் தியாகத்தை எடுத்துரைத்தார்..
இந்த நூல் வெளியீட்டு விழாவில், திராவிட கழகம் மாவட்ட காப்பாளர் ந.ஆறுமுகம், மாவட்ட தலைவர் சி.தங்கராசு, தி.மு.க. மாவட்ட கழக பொறுப்பாளர் வீ .ஜெகதீசன், தி.மு.க. பொறியாளர் அணி மாநில துணைச் செயலாளர் இரா.ப.பரமேஷ்குமார்,
நகர செயலாளர் ம.பிரபாகரன், வி.சி.க. மண்டல செயலாளர் இரா.ஸ்டாலின், இந்தோ அறக்கட்டளை ரெ. செல்வகுமார், தலைமையாசிரியர் சபா.சிலம்பரசன், தி.க. மாவட்டசெயலாளர் மு. விஜயேந்திரன், மாவட்ட துணைத் தலைவர் இரா.சின்னசாமி, பகுத்தறிவாளர் கழகம் மாவட்ட தலைவர் பெ.நடராசன், ஆலத்தூர் ஒன்றிய செயலாளர் அரங்க வேலாயுதம் உள்ளிட்ட தி.மு.க. மற்றும் திராவிடர் கழக நிர்வாகிகள் மற்றும் பொதுமக்கள் பலர் கலந்து கொண்டனர்.