சென்னை, மே 26 –

தி.மு.க. மாநில மக­ளி­ரணி, மக­ளிர் தொண்­ட­ரணி, பிரச்­சா­ரக்­குழு, வலை­த­ளக்­குழு ஆலோ­ச­னைக் கூட்­டம், தி.மு.க. துணைப் பொதுச் செய­லா­ளர் கனி­மொழி கரு­ணா­நிதி எம்.பி. தலை­மை­யில் காணொலி மூலம் நடை­பெற்­றது.

மக­ளி­ர­ணித் தலை­வர் விஜயா தாயன்­பன், மக­ளி­ர­ணிச் செய­லா­ளர் ஹெலன் டேவிட்­சன், தொண்­ட­ர­ணிச் செய­லா­ளர் நாமக்­கல் ராணி, மாநில நிர்­வா­கி­கள்தமி­ழ­ரசி ரவிக்­கு­மார், குமாரிவிஜ­ய­கு­மாரி, பவானி ராஜேந்­தி­ரன், ரத்னா லோகேஷ், ராணி ரவிச்­சந்­தி­ரன், ரேகா பிரி­ய­தர்­ஷினி, விஜிலா சத்­தி­யா­னந்த், சேலம் சுஜாதா, அங்­கை­யற்­கண்ணி, கோவை மாலதி, டாக்­டர் மாலதி, டாக்­டர் யாழினி, உமா மகேஸ்­வரி, ஜெஸ்ஸி, அமுலு, தேன்­மொழி ஆகி­யோர் கலந்து கொண்­ட­னர்.

முத்­த­மி­ழ­றி­ஞர் கலை­ஞர்அவர்­க­ளின் பிறந்­த­நாள் ஜூன் 3 நம் உயி­ரோ­டும் உணர்­வோ­டும் கலந்­திட்ட திரு­நாள். பெண்­க­ளுக்­காக எண்­ணி­ல­டங்கா திட்­டங்­க­ளைத் தீட்டி, பல்­வேறு சாத­னை­க­ளைப் படைத்­திட்ட அந்­தப் பெரு­ம­க­னா­ரின் பிறந்­த­நாளை, மக­ளிர் அணி­யி­னர் சிறப்­பா­கக் கொண்­டா­டும் முகத்­தான் பற்­பல ஆலோ­ச­னை­களை கனி­மொழி கருணாநிதி எம்.பி. வழங்­கி­னார்.

அதைத் தொடர்ந்து மக­ளி­ரணி நிர்­வா­கி­க­ளும் கலந்­தா­லோ­சித்து பின்­வ­ரு­ மாறு சில தீர்­மா­னங்­கள் நிறை­வேற்­றப்­பட்­டன.

நடந்து முடிந்த பொதுத் தேர்­த­லில் தி.மு.க. மக­ளி­ர­ணி­யின் உழைப்பு பாராட்­டத்­தக்­கது. “வெல்­லும் தமிழ்ப்­பெண்­க­ளாக” தங்­க­ளுக்கு ஒதுக்­கப்­பட்ட பகு­தி­யில், களத்­தில் நின்று பணி­யாற்­றிய மக­ளி­ரின் பணி போற்­றத்­தக்­கது.

அத்­த­கைய மக­ளிர்க்கு ஆக்­க­மும் ஊக்­க­மும் அவர்­க­ளுக்கு உரிய மரி­யா­தை­யும், அங்­கீ­கா­ர­மும் அளிக்­கும் வகை­யில், கலை­ஞர் பிறந்­த­நா­ளன்று, தமிழ்­நாட்­டின் அத்­தனை மாவட்­டங்­க­ளி­லும் அவர்­களை அழைத்து, அவர்­க­ளுக்­குச் சிறப்பு செய்ய வேண்­டு­மென தீர்­மா­னிக்­க ப்­பட்­டது.

நடந்து முடிந்த பொதுத்­தேர்­தல் நம் அனை­வ­ருக்­கும் மிகப்­பெ­ரிய அதிர்ச்­சி­யை­யும், ஆச்­ச­ரி­யத்­தை­யும் ஏற்­ப­டுத்­தி­யி­ருக்­கி­றது. இத்­தேர்­தல் முடிவு நமக்கு மட்­டு­மல்ல மெத்­தப்­ப­டித்­த­வர்­க­ளை­யும், நடு­நி­லையா­ளர் ­க­ளை­யும் வியக்க வைத்­தி­ருக்­கி­றது.

கடந்த 5 ஆண்­டு­கால கழக ஆட்­சி­யின் சாத­னை­க­ளைப் பார்த்­த­வர்­கள், கல்­வி­யி­லும், தொழில்­து­றை­யி­லும், விளை­யாட்­டுத் துறை­ யி­லும், பொரு­ளா­தா­ரத்­தி­லும் எந்த அள­வுக்கு தமிழ்­நாடு முதன்­மைப் பெற்­றி­ருக்­கி­றது என்­பதை நன்­க­ றிந்­த­வர்­கள் ஏன் இப்­படி? எதற்­காக இப்­படி? என்று மலைத்­துப் போயி­ருக்­கி­றார்­கள்.

மேற்­சொன்ன ஏன்? எப்­படி என்ற கேள்­வி­க­ளுக்கு விடை காண­வும், இத்­தோல்­வியை வெற்­றிக்­கான படிக்­கட்­டு­க­ளாக மாற்­ற­வுந்­தான் துணைப் பொதுச் செய­லா­ளர் கனி­மொழி கரு­ணா­நிதி எம்.பி. தலை­மை­யில், நம் கழ­கத் தலை­வர் திரா­விட நாய­கன், முன்­னாள் முதல்­வர், 5 ஆண்டு கால சாத­னை­க­ளின் சொந்­தக்­கா­ரர் முத்­து­வேல் கரு­ணா­நிதி ஸ்டாலின் அவர்­கள் நமக்­குச் சிறப்­பான ஆலோ­ச­னை­களை வழங்க இருக்­கி­றார்.

சென்­னை­யில் நடை­பெ­ற­வி­ருக்­கும் முத்­த­மி­ழ­றி­ஞர் கலை­ஞர் அவர்­க­ளின் பிறந்­த­நாள் விழா­வில் மக­ளி­ரணி, தொண்­ட­ரணி மாநில நிர்­வா­கி­கள், அனைத்து மாவட்ட, மாந­கர மக­ளி­ரணி, மக­ளிர் தொண்­ட­ரணி அமைப்­பா­ளர்­கள், துணை அமைப்­பா­ளர்­கள், பிரச்­சா­ரக்­குழு, வலைத்­த­ளக்­குழு, ஆலோ­ச­னைக்­குழு நிர்­வா­கி­கள் அனை­வ­ரும் தவ­றா­மல் கலந்­து­கொள்ள வேண்­டும்என கேட்­டுக்­கொள்­கி­றோம்.

மேற்­படி விழா நடை­பெ­றும் இட­மும், தேதி­யும் விரை­வில் அறி­விக்­கப்­ப­டும்.

இவ்வாறு தீர்மானங்கள் நிறைவேற்றப்பட்டதாக கழக மகளிர் அணிச் செயலாளர் ஹெலன் டேவிட்சன்,மகளிர் தொண்டர் அணிச் செயலாளர் நாமக்கல் ப.ராணி ஆகியோர் தெரி வித்துள்ளனர்.